'ವಿಕ್ರಾಂತ್ ರೋಣ' ಟಾರ್ಗೆಟ್ 2000 ಕೋಟಿ: ಸುದೀಪ್ ಹೇಳಿಕೆ!

ಮುಂಬೈನಲ್ಲಿ ಸುದೀಪ್ ಸುದ್ದಿಗೋಷ್ಠಿ!

ವಿಕ್ರಾಂತ್ ರೋಣ ಸಿನಿಮಾತಂಡ ಮುಂಬೈನಲ್ಲಿ ಸುದ್ದಿಗೋಷ್ಟಿ ಮಾಡಿದೆ. ಮುಂಬೈಗೆ ಸುದೀಪ್‌ ಅವ್ರನ್ನು ಗ್ರ್ಯಾಂಡ್ ಆಗಿ ಸ್ವಾಗತ ಮಾಡಲಾಗಿದೆ. ಮುಂಬೈನಲ್ಲೂ ಕೂಡ ಸುದೀಪ್, ಜಾಕ್ವೆಲಿನ್ ಜೊತೆಗೆ ಸೇರಿ ರಕ್ಕಮ್ಮ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಹಲವು ಪ್ರಶ್ನೆಗಳಿಗೆ ನಟ ಸುದೀಪ್ ಉತ್ತರ ಕೊಟ್ಟಿದ್ದಾರೆ. ಈ ವೇಳೆ ಸುದೀಪ್ ವಿಕ್ರಾಂತ್ ರೋಣ ಚಿತ್ರದ ಬಗ್ಗೆ ಮಾತನಾಡುತ್ತಾ, 2000 ಕೋಟಿ ಗಳಿಕೆ ಮಾಡುತ್ತೇನೆ ಎಂದಿದ್ದಾರೆ.

ಸುದೀಪ್‌ಗೆ ಎದುರಾದ ಸಾವಿರ ಕೋಟಿ ಪ್ರಶ್ನೆ!

ವಿಕ್ರಾಂತ್ ರೋಣ ಚಿತ್ರದ ಗಳಿಕೆಯ ಬಗ್ಗೆ ಮಾತನಾಡುತ್ತಾ ಮಾಧ್ಯಮದವರ ವತಿಯಿಂದ ಸಾವಿರ ಕೋಟಿ ಗಳಿಕೆಯ ಬಗ್ಗೆ ಪ್ರಶ್ನೆ ಎದುರಾಯಿತು. ಪ್ರಶ್ನೆ ಈ ರೀತಿ ಇದೆ. "ಕೆಜಿಎಫ್ ಸಿನಿಮಾ ಕೂಡ ಕನ್ನಡದ ಸಿನಿಮಾ. ಈ ಚಿತ್ರದ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿದೆ. ವಿಕ್ರಾಂತ್ ರೋಣ ಸಿನಿಮಾ ಕೂಡ 1000 ಕೋಟಿ ಗಳಿಕೆ ಮಾಡುತ್ತೆ ಎಂದು ನಾವು ಅಂದುಳ್ಳ ಬಹುದೇ." ಈ ಪ್ರಶ್ನೆ ಸುದೀಪ್ ನೇರ ಉತ್ತರ ಉತ್ತರ ಕೊಟ್ಟಿದ್ದು, ಖುಷಿಯಾಗಿರಲೂ ಸಾವಿರ ಕೋಟಿನೇ ಬೇಕು ಅಂತೇನು ಇಲ್ಲ ಎಂದಿದ್ದಾರೆ.

2000 ಕೋಟಿ ಗಳಿಕೆ ಮಾಡುತ್ತೇನ್- ಸುದೀಪ್!

ಸಾವಿರ ಕೋಟಿ ಗಳಿಕೆ ಬಗ್ಗೆ ಮಾತನಾಡಿದ ನಟ ಸುದೀಪ್ "ನಾನು 1 ಲಕ್ಷ ರೂ. ಸಂಬಳ ತೆಗೆದು ಕೊಳ್ಳುವ ವ್ಯಕ್ತಿ ಖುಷಿಯಾಗಿರುವುದನ್ನು ನೋಡಿದ್ದೇನೆ. ಅಂಬಾನಿ ಕೂಡ ಖುಷಿಯಾಗಿ ಇರುವುದನ್ನು ನೋಡಿದ್ದೇನೆ. ಹಾಗಾಗಿ 1000 ಕೋಟಿ ವ್ಯಕ್ತಿಯ ಖುಷಿಗೆ ಕಾರಣ ಎಂದರೆ ಅದು ನನಗೆ ಗೊತ್ತಿಲ್ಲ. ಹಾಗಿದ್ದರೆ ನಾನು ಸಾವಿರ ಕೋಟಿ ಮಾಡ್ತಿನೇನೋ. ಸಕ್ಸಸ್ ಮಾತ್ರವೇ ಖುಷಿಗೆ ಕಾರಣ ಆಗಿರುವಾಗ ನಿಮ್ಮ ಈ ಪ್ರಶ್ನೆಯೇ ನನ್ನನ್ನು ಯಶಸ್ವಿಯಾಗಿಸಿದೆ." ಎಂದು ಉತ್ತರ ಕೊಟ್ಟಿದ್ದಾರೆ.

'ವಿಕ್ರಾಂತ್ ರೋಣ' ಅಬ್ಬರದ ಪ್ರಚಾರ!

ಮುಂಬೈ ಮಾತ್ರ ಅಲ್ಲ, ವಿಕ್ರಾಂತ್ ರೋಣ ಚಿತ್ರತಂಡ ಮುಂಬೈ ನಂತರ ನೂನ್ 24ಕ್ಕೆ ಕೊಚ್ಚಿಯ ಲೂಲು ಮಾಲ್‌ನಲ್ಲಿ ಕಾರ್ಯಕ್ರಮ ಆಯೋಜಿಸಿದೆ. ಅದೇ ದಿನ ಚೆನ್ನೈನಲ್ಲಿ ಸಂಜೆ 6 ಗಂಟೆಗೆ ಕಾರ್ಯಕ್ರಮ ನಡೆಯಲಿದೆ. ಇನ್ನು ಹೈದ್ರಾಬಾದ್‌ನಲ್ಲಿ ಜೂನ್ 25ಕ್ಕೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಈ ಮೂಲಕ ಸಿನಿಮಾ ತಂಡ ಪ್ಯಾನ್ ಇಂಡಿಯಾ ಪ್ರೇಕ್ಷಕರನ್ನು ಸೆಳೆದಿದೆ.