'ರಾಜಕುಮಾರ'ನ ಅರಮನೆಗೆ ಆಗಮಿಸಿದ್ದ ತಮಿಳು ನಟ ವಿಶಾಲ್

ಕನ್ನಡದ ರಾಜರತ್ನ ಪುನೀತ್ ರಾಜ್ ಕುಮಾರ್ ಅವರ ನಿವಾಸಕ್ಕೆ ಕಾಲಿವುಡ್ ನಟ ವಿಶಾಲ್ ಭೇಟಿ ಕೊಟ್ಟಿದ್ದಾರೆ. ನಿನ್ನೆ ರಾತ್ರಿ ವಿಶಾಲ್ ಸದಾಶಿವನಗರದ ಪುನೀತ್ ಮನೆಗೆ ಆಗಮಿಸಿದ್ದರು.

ಬೆಂಗಳೂರಿನಲ್ಲಿ ಒಂದು ಖಾಸಗಿ ಕಾರ್ಯಕ್ರಮಕ್ಕೆ ಆಗಮಿಸಿದ್ದ ನಟ ವಿಶಾಲ್ ಕಾರ್ಯಕ್ರಮದ ಬಳಿಕ ಪುನೀತ್ ಅವರನ್ನು ಭೇಟಿ ಮಾಡಿದ್ದಾರೆ. ಭೇಟಿಯಾದ ವೇಳೆ ಪಾರ್ವತಮ್ಮ ಅವರ ನಿಧನಕ್ಕೆ ವಿಶಾಲ್ ಸಂತಾಪ ಸೂಚಿಸಿದ್ದಾರೆ. ಜೊತೆಗೆ 'ರಾಜಕುಮಾರ' ಸಿನಿಮಾದ 100ನೇ ದಿನಕ್ಕೆ ಪುನೀತ್ ಅವರಿಗೆ ಶುಭಕೋರಿದ್ದಾರೆ. ಅಂದಹಾಗೆ, ಇದೇ ವೇಳೆ ಪುನೀತ್ ರಾಜ್ ಕುಮಾರ್, ವಿಶಾಲ್ ಮತ್ತು ರಾಜ್ ಕುಟುಂಬದ ಆಪ್ತರಾದ ಪ್ರೇಮ್ ಒಂದು ಫೋಟೋ ತೆಗೆದುಕೊಂಡಿದ್ದಾರೆ.

ಇತ್ತೀಚಿಗಷ್ಟೆ ಟಾಲಿವುಡ್ ನಟ ಬಾಲಕೃಷ್ಣ ಪುನೀತ್ ಅವರ 'ಅಂಜನೀಪುತ್ರ' ಶೂಟಿಂಗ್ ಸೆಟ್ ಗೆ ಆಗಮಿಸಿದ್ದರು. ಈಗ ಕಾಲಿವುಡ್ ನಟ ಕೂಡ ಪುನೀತ್ ಅವರನ್ನು ಭೇಟಿ ಆಗಿದ್ದಾರೆ.