ರಾಕಿಂಗ್ ಫ್ಯಾಮಿಲಿ: ಇಬ್ಬರು ಮುದ್ದು ಮಕ್ಕಳ ಜೊತೆ ಯಶ್-ರಾಧಿಕಾ ಫೋಟೋ ವೈರಲ್

ಮುದ್ದು ಮಕ್ಕಳ ಜೊತೆ ರಾಕಿಂಗ್ ದಂಪತಿ

ರಾಕಿಂಗ್ ಸ್ಟಾರ್ ಯಶ್ ದಂಪತಿ ಮಗನ ಫೋಟೋವನ್ನು ರಿವೀಲ್ ಮಾಡುವ ಜೊತೆಗೆ ಫ್ಯಾಮಿಲಿ ಫೋಟೋವನ್ನು ಶೇರ್ ಮಾಡಿದ್ದಾರೆ. ಇಬ್ಬರು ಮಕ್ಕಳನ್ನು ಕೈಯಲ್ಲಿ ಹಿಡಿದು ಯಶ್ ದಂಪತಿ ನಗೆ ಬೀರಿದ್ದಾರೆ. ಈ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಮಗನಿಗೆ 6 ತಿಂಗಳು ತುಂಬಿದ ಸಂಭ್ರಮ

ಯಶ್ ಮತ್ತು ರಾಧಿಕಾ ಪುತ್ರನಿಗೆ 6 ತಿಂಗಳು ತುಂಬಿದೆ. 6 ತಿಂಗಳ ಸಂಭ್ರಮವನ್ನು ರಾಕಿಂಗ್ ದಂಪತಿ ಮನೆಯಲ್ಲಿಯೆ ಆಚರಿಸಿದ್ದಾರೆ. ಇದೇ ಖುಷಿಯಲ್ಲಿ ಮಗನನ್ನು ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ಮುದ್ದು ಮಗನ ಫೋಟೋವನ್ನು ಛಾಯಾಗ್ರಾಹಕ ಅಮೃತ ಸಮಂತ್ ಸೆರೆಹಿಡಿದ್ದಾರೆ.

ಮಗನನ್ನು ಪರಿಚಯಿಸಿ ರಾಧಿಕ ಹೇಳಿದ್ದೇನು?

"ನನ್ನ ಕಣ್ಣಿನ ಸೇಬು, ನಮ್ಮ ಕುಟುಂಬದ ಮಳೆಬಿಲ್ಲು ನಮ್ಮ ಮುದ್ದಿನ ಜೂನಿಯರ್ ಗೆ ನಿಮ್ಮ ಎಲ್ಲರ ಪ್ರೀತಿ ನೀಡಿ" ಎಂದು ರಾಧಿಕಾ ಪಂಡಿತ್ ಕೇಳಿಕೊಂಡಿದ್ದಾರೆ.

ಮುದ್ದು ಮಗನ ಬಗ್ಗೆ ಯಶ್ ಮಾತು

"ನನ್ನ ಚಿಕ್ಕ ಸ್ನೇಹಿತನಿಗೆ ಹಲೋ ಹೇಳಿ. ನಿಮ್ಮ ಪ್ರೀತಿ, ಆಶೀರ್ವಾದ, ಹಾರೈಕೆ ಸದಾ ಈ ನನ್ನ ಪುಟ್ಟ ಕಂದನ ಮೇಲಿರಲಿ" ಎಂದು ನಟ ಯಶ್ ಮುದ್ದು ಮಗನ ಬಗ್ಗೆ ಬರೆದುಕೊಂಡಿದ್ದಾರೆ.

ಕುತೂಹಲ ಮೂಡಿಸಿದೆ ಮಗನ ಹೆಸರು

ಸದ್ಯ ಮಗನ ಫೋಟೋ ರಿವೀಲ್ ಆಗಿದೆ, ಇನ್ನೂ ಪುತ್ರನಿಗೆ ಏನು ಹೆಸರಿಡಲಿದ್ದಾರೆ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಮನೆ ಮಾಡಿದೆ. ಮಗಳಿಗೆ ಐರಾ ಎಂದು ನಾಮಕರಣ ಮಾಡಿರುವ ಯಶ್ ದಂಪತಿ, ಮಗನಿಗೆ ಏನು ಹೆಸರಿಡಲಿದ್ದಾರೆ ಎನ್ನುವುದು ಕಾದು ನೋಡಬೇಕು.