ಯಶ್ ಕೈ ತಪ್ಪಿದ ಕನ್ನಡದ ಮೋಸ್ಟ್ ಡಿಸೈರಬಲ್ ಪಟ್ಟ

ಕಿಚ್ಚ ಸುದೀಪ್ ನಂಬರ್ 1

2014ರ ವರ್ಷದ ಟೈಮ್ಸ್ ಮೋಸ್ಟ್ ಡಿಸೈರಬಲ್ ಮೆನ್ ಕನ್ನಡ ಪಟ್ಟವನ್ನ ಅಲಂಕರಿಸಿರೋದು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್. ಕಳೆದಬಾರಿ ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದ ಕಿಚ್ಚ ಈ ಬಾರಿ ನಂಬರ್ 1 ಆಗಿದ್ದಾರೆ.

ಯಶ್ ಮೂರನೇ ಸ್ಥಾನಕ್ಕೆ

ಸತತ ಗೆಲುವುಗಳನ್ನೇ ದಾಖಲಿಸ್ತಿದ್ರೂ ಯಶ್ ಅಚ್ಚರಿ ಅನ್ನಿಸೋ ಹಾಗೆ ಟೈಮ್ಸ್ ಮೋಸ್ಟ್ ಡಿಸೈರಬಲ್ ಮೆನ್ ಇನ್ ಕನ್ನಡ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಳ್ಳಬೇಕಾಗಿದೆ.

ಅಚ್ಚರಿಯ ಎಂಟ್ರಿ ಧನಂಜಯ್

'ರಾಟೆ' ಸಿನಿಮಾ ಸದ್ದಿನ ಮೂಲಕ ಸ್ಯಾಂಡಲ್ ವುಡ್ ನಲ್ಲಿ ಸುದ್ದಿಯಲ್ಲಿರೋ ನಟ ಧನಂಜಯ್ ಅಚ್ಚರಿ ಎಂಟ್ರಿ ಜೊತೆಗೆ ಟಾಪ್ 4ನೇ ಸ್ಥಾನದಲ್ಲಿದ್ದಾರೆ. ಮೊದಲ ಸಿನಿಮಾದಿಂದ್ಲೆ ಭರವಸೆ ಮೂಡಿಸಿರೋ ಧನಂಜಯ್ ಗೆ ಟೈಮ್ಸ್ ಓಟರ್ ಗಳು ಜೈ ಅಂದಿದ್ದಾರೆ.

ದಿಗಂತ್ ಮತ್ತೆ ಟಾಪ್ ಫೈವ್ ನಲ್ಲಿ

ಗೆಲ್ಲೋ ಸಿನಿಮಾಗಳನ್ನ ಕೊಡದಿದ್ರೂ ಬೆತ್ತಲ ಚಿತ್ರದಿಂದ ಪರಪಂಚದಾದ್ಯಂತ ಪ್ರಚಾರದಲ್ಲಿದ್ದ ದಿಗಂತ್ ಮೂರನೇ ಸ್ಥಾನದಿಂದ ಐದನೇ ಸ್ಥಾನಕ್ಕಿಳಿದಿದ್ದಾರೆ.

ಪವರ್ಸ್ಟಾರ್ 11 ಉಪ್ಪಿ 13

ಈ ಬಾರಿಯ ಲಿಸ್ಟ್ ನಲ್ಲಿ ಪುನೀತ್ ಟಾಪ್ ಟೆನ್ ನಿಂದಲೂ ಹೊರ ಬಿದ್ದಿದ್ದಾರೆ. 11ನೇ ಸ್ಥಾನದಲ್ಲಿ ಪುನೀತ್ ಇದ್ರೆ ಸ್ಪರ್ಧೆಯಲ್ಲಿ ರಿಯಲ್ ಸ್ಟಾರ್ 13ನೇ ಸ್ಥಾನ ಪಡೆದಿದ್ದಾರೆ.

ದರ್ಶನ್ 19 ಜೆಕೆ 14

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಯಶಸ್ವಿ ಸಿನಿಮಾಗಳ ಕೊರತೆಯಿಂದ ಟೈಮ್ಸ್ ಮೋಸ್ಟ್ ಡಿಸೈರಬಲ್ ಮೆನ್ ಇನ್ ಕನ್ನಡ ಪಟ್ಟಿಯಲ್ಲಿ 19ನೇ ಸ್ಥಾನದಲ್ಲಿದ್ರೆ, ಸೀರಿಯಲ್ ಸ್ಟಾರ್ ಜೆ ಕೆ 14ನೇ ಸ್ಥಾನದಲ್ಲಿದ್ದಾರೆ.

ಚಿರು,ರಕ್ಷಿತ್ ಶೆಟ್ಟಿ ಇಲ್ಲ

ಕಳೆದ ವರ್ಷ ಟೈಮ್ಸ್ ಮೋಸ್ಟ್ ಡಿಸೈರಬಲ್ ಮೆನ್ ಇನ್ ಕನ್ನಡ ಟಾಪ್ 25 ಲಿಸ್ಟ್ ನಲ್ಲಿದ್ದ ರಕ್ಷಿತ್ ಶೆಟ್ಟಿ ಮತ್ತು ಚಿರಂಜೀವಿ ಸರ್ಜಾ ಈ ಬಾರಿ ಕಾಣಿಸ್ತಿಲ್ಲ.