'KGF-2': 'ರಮಿಕಾ ಸೇನ್' ಜೊತೆ ಮೊದಲ ಫೋಟೋ ಹಂಚಿಕೊಂಡ ರಾಕಿಭಾಯ್ ಹೇಳಿದ್ದೇನು?

ಚಿತ್ರದಿಂದ ಯಶ್ ಹಂಚಿಕೊಂಡ ಮೊದಲ ಫೋಟೋ

ರಾಕಿಂಗ್ ಸ್ಟಾರ್ ಯಶ್ ಮೊದಲ ಬಾರಿಗೆ 'ಕೆಜಿಎಫ್-2' ಅಡ್ಡಾದಿಂದ ಮೊದಲ ಫೋಟೋ ಹಂಚಿಕೊಂಡಿದ್ದಾರೆ. ನಟಿ ರವೀನಾ ಟಂಡನ್ ಜೊತೆ ಇರುವ ಫೋಟೋ ಶೇರ್ ಮಾಡಿ ಯಶ್ ಹೋಮ್ ಟೌನ್ ಗೆ ಅದ್ದೂರಿ ಸ್ವಾಗತ ಕೋರಿದ್ದಾರೆ. ಇಬ್ಬರು ರಗಡ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕನ್ನಡಕ ಧರಿಸಿ ಗಂಭೀರ ನೋಟ ಬೀರುತ್ತಿರುವ ಫೋಟೋ ಇದಾಗಿದೆ.

ಯಶ್ ಹೇಳಿದ್ದೇನು?

ಯಶ್ ಫೋಟೋ ಜೊತೆಗೆ "ರಮಿಕಾ ಸೇನ್ ಅನ್ನು ರಾಕಿಯ ಅಡ್ಡಾಗಿ ಸ್ವಾಗತಿಸದಿರಬಹುದು. ಆದರೆ ಅದಕ್ಕಿಂತ ಹೆಚ್ಚಾಗಿ ಖಂಡಿತವಾಗಿಯೂ ಯಶ್ ಹೋಮ್ ಟೌನ್ ಗೆ ಸ್ವಾಗತಿಸುತ್ತೇನೆ. ಚಿತ್ರದಲ್ಲಿ ಭಾಗಿಯಾಗಿರುವುದು ತುಂಬ ಸಂತೋಷವಾಗಿದೆ. ಬ್ಲಾಸ್ಟ್ ಮಾಡೋಣ" ಎಂದು ಬರೆದುಕೊಂಡಿದ್ದಾರೆ.

ರವೀನಾ ಟಂಡನ್ ಹೇಳಿದ್ದೇನು?

ಚಿತ್ರೀಕರಣದಲ್ಲಿ ಭಾಗಿಯಾದ ಸಂತಸವನ್ನು ರವೀನಾ ಟಂಡನ್ ನಿರ್ದೇಶಕ ಪ್ರಶಾಂತ್ ನೀಲ್ ಜೊತೆಗಿನ ಫೋಟೋ ಶೇರ್ ಮಾಡಿ ಹಂಚಿಕೊಂಡಿದ್ದರು. ಈಗ ರಾಕಿ ಭಾಯ್ ಜೊತೆಗಿನ ಫೋಟೋ ಹಂಚಿಕೊಂಡಿದ್ದಾರೆ. "ಡೆತ್ ವಾರೆಂಟ್ ಗೆ ರಾಕಿ ಭಾಯ್ ಸಹಿ ಮಾಡಲಾಗಿದೆ"ಎಂದು ಬರೆದುಕೊಂಡು ಫೋಟೋ ಪೋಸ್ಟ್ ಮಾಡಿದ್ದಾರೆ.

ರವೀನಾ ಪೋಸ್ಟ್ ಗೆ ಯಶ್ ಕಮೆಂಟ್

ರವೀನಾ ಟಂಡನ್ ಯಶ್ ಜೊತೆಗಿನ ಫೋಟೋ ಹಂಚಿಕೊಳ್ಳುತ್ತಿದ್ದಂತೆ ನಟ ಯಶ್ ಈ ಪೋಸ್ಟ್ ಗೆ ಪ್ರತಿತ್ರಿಯೆ ನೀಡಿದ್ದಾರೆ "ಯೆ ವಾರಂಟ್ ಚೀಜ್ ಹೈ ಬಡಿ ಮಸ್ತ್ ಮಸ್ತ್. ಇನ್ನು ರಾಕಿಯ ಅನುಮೋದನೆ ಬೇಕು. ಈಗ ನೋಡೋಣ" ಎಂದು ಕಮೆಂಟ್ ಮಾಡಿದ್ದಾರೆ.

ಎರಡನೆ ಬಾರಿ ಕನ್ನಡದಲ್ಲಿ ರವೀನಾ

ಕೆಜಿಎಫ್-2 ಮೂಲಕ ರವೀನಾ ಎರಡನೇ ಬಾರಿಗೆ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ಈ ಮೊದಲು ಉಪೇಂದ್ರ ಜೊತೆ ಕಾಣಿಸಿಕೊಂಡಿದ್ದ ರವೀನಾ ದಶಕಗಳ ಬಳಿಕ ಕನ್ನಡಕ್ಕೆ ಮರಳಿದ್ದಾರೆ. ಚಿತ್ರದಲ್ಲಿ ರವೀನಾ, ಎಪ್ಪತ್ತರ ದಶಕದ ಪ್ರಧಾನ ಮಂತ್ರಿ ರಮಿಕಾ ಸೇನ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.