2020ರ ಬಹು ನಿರೀಕ್ಷೆಯ ಹಿಂದಿ ಸಿನಿಮಾಗಳ ಪಟ್ಟಿಯಲ್ಲಿ 'KGF-2'

ಒರ್ಮಾಕ್ಸ್ ಮಿಡಿಯಾ ಪಟ್ಟಿಯಲ್ಲಿ KGF-2

ಇತ್ತೀಚಿಗೆ ಒರ್ಮಾಕ್ಸ್ ಮಿಡಿಯಾ ರಿಲೀಸ್ ಮಾಡಿರುವ 2020ರ ಬಹುನಿರೀಕ್ಷೆಯ ಹಿಂದಿ ಸಿನಿಮಾಗಳ ಲಿಸ್ಟ್ ನಲ್ಲಿ ಕನ್ನಡದ ಸಿನಿಮಾ ಮೊದಲ ಸ್ಥಾನದಲ್ಲಿದೆ. ಕನ್ನಡದ ಸಿನಿಮಾವೊಂದು ಬಾಲಿವುಡ್ ನ ಸ್ಟಾರ್ ನಟರ ಸಿನಿಮಾಗಳನ್ನು ಹಿಂದಿಕ್ಕಿ ವರ್ಷದ ನಿರೀಕ್ಷೆಯ ಸಿನಿಮಾವಾಗಿರುವುದು ಇಡೀ ಭಾರತೀಯ ಚಿತ್ರರಂಗಕ್ಕೆ ಅಚ್ಚರಿ ಮೂಡಿಸಿದೆ.

ಹಿಂದಿ ಡಬ್ಬಿಂಗ್ ಸಿನಿಮಾ

ಕೆಜಿಎಫ್-2 ಕನ್ನಡದ ಸಿನಿಮಾ. ಬೇರೆ ಬೇರೆ ಭಾಷೆಗಳಿಗೆ ಡಬ್ ಆಗಿ ರಿಲೀಸ್ ಆಗುತ್ತಿದೆ. ಹಿಂದಿಗೆ ಡಬ್ ಆಗಿ ರಿಲೀಸ್ ಆಗುವ ಕನ್ನಡ ಸಿನಿಮಾಗೆ ಈ ಪರಿ ಬೇಡಿಕೆ ಇರುವುದು ಕನ್ನಡಿಗರಿಗೆ ಹೆಮ್ಮೆಯ ವಿಚಾರ. ಕೆಜಿಎಫ್-2 ಸಿನಿಮಾ ದಕ್ಷಿಣ ಭಾರತೀಯ ಭಾಷೆಗಳ ಜೊತೆಗೆ ಉತ್ತರ ಭಾರತದ ಸಾಕಷ್ಟು ಭಾಷೆಗಳಿಗೆ ಡಬ್ ಆಗಿ ರಿಲೀಸ್ ಆಗುತ್ತಿದೆ.

ಒರ್ಮಾಕ್ಸ್ ಮಿಡಿಯಾ ಪಟ್ಟಿಯಲ್ಲಿರುವ ಸಿನಿಮಾಗಳು

ಒರ್ಮಾಕ್ಸ್ ಮಿಡಿಯಾ ರಿಲೀಸ್ ಮಾಡಿರುವ ಹಿಂದಿ ಸಿನಿಮಾಗಳ ಪಟ್ಟಿಯಲ್ಲಿ ಕೆಜಿಎಫ್-2 ಮೊದಲ ಸ್ಥಾನದಲ್ಲಿ ಇದ್ದರೆ, ಎರಡನೆ ಸ್ಥಾನದಲ್ಲಿ ಗೋಲ್ ಮಾಲ್-5, 3ನೇ ಸ್ಥಾನದಲ್ಲಿ ಬ್ರಹ್ಮಾಸ್ತ್ರ, 4ನೇ ಸ್ಥಾನದಲ್ಲಿ ಸೂರ್ಯವಂಶಿ ಮತ್ತು 5ನೇ ಸ್ಥಾನದಲ್ಲಿ 83 ಸಿನಿಮಾವಿದೆ.

ಯಾವಾಗ ಬಿಡುಗಡೆ?

ಕೆಜಿಎಫ್-2 ಸಿನಿಮಾ ಯಾವಾಗ ರಿಲೀಸ್ ಆಗುತ್ತೆ ಎಂದು ಇಡೀ ದೇಶವೆ ಕಾತರದಿಂದ ಕಾಯುತ್ತಿದೆ. ಈ ಮೊದಲು ಚಿತ್ರವನ್ನು ಬೇಸಿಗೆ ರಜೆಯ ಸಮಯದಲ್ಲಿ ತೆರೆಗೆ ತರುವ ಪ್ಲಾನ್ ಮಾಡಿತ್ತು ಚಿತ್ರತಂಡ. ಆದರೆ ಚಿತ್ರೀಕರಣ ಇನ್ನು ತಡವಾದ ಕಾರಣ ರಿಲೀಸ್ ಡೇಟ್ ಮುಂದಕ್ಕೆ ಹೋಗಿದೆ ಎಂದು ಹೇಳಲಾಗುತ್ತಿದೆ. ಮೂಲಗಳ ಪ್ರಕಾರ ಚಿತ್ರ ಅಕ್ಟೋಬರ್ ನಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.