Radhika Pandit : 'ಕೆಜಿಎಫ್ 2' ಟ್ರೈಲರ್‌ ಲಾಂಚ್‌ನಲ್ಲಿ ರಾಧಿಕಾ ಧರಿಸಿದ ಡ್ರೆಸ್ ಬೆಲೆಯೆಷ್ಟು?

ಗ್ಲಾಮರಸ್ ಲುಕ್‌ನಲ್ಲಿ ಕಾಣಿಸಿಕೊಂಡ ರಾಧಿಕಾ ಪಂಡಿತ್!

ನಟಿ ರಾಧಿಕಾ ಪಂಡಿತ್ ಸಿನಿಮಾಗಳಲ್ಲಿ ಅಭಿನಯ ನಿಲ್ಲಿಸಿದ ಮೇಲೆ ಅಷ್ಟಾಗಿ ಎಲ್ಲೂ ಕಾಣಿಸಿಕೊಳ್ಳುತ್ತಿಲ್ಲ. ಸಾಮಾಜಿಕ ಜಾಲತಾಣದಲ್ಲಿ ಸದಾ ಆ್ಯಕ್ಟಿವ್ ಆಗಿ ಇರುತ್ತಾರೆ. ಆದರೆ ಇತ್ತೀಚೆಗೆ ನಡೆದ 'ಕೆಜಿಎಫ್ 2' ಚಿತ್ರದ ಟ್ರೈಲರ್‌ ಲಾಂಚ್ ಕಾರ್ಯಕ್ರಮದಲ್ಲಿ ರಾಧಿಕಾ ಪಂಡಿತ್ ಭಾಗಿ ಆಗಿದ್ದರು. ಈ ವೇಳೆ ಸಿಕ್ಕಾಪಟ್ಟೆ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಹಾಗಂತ ಇದಕ್ಕೂ ಮೊದಲು ಅವರು ಗ್ಲಾಮರಸ್ ಆಗಿ ಕಾಣಲಿಲ್ಲ ಅಂತಲ್ಲ. ಮಕ್ಕಳಾದ ಬಳಿಕ ರಾಧಿಕ ಕೊಂಚ ದಪ್ಪಾ ಆಗಿದ್ದರು. ಆದರೆ ಈಗ ಸಣ್ಣ ಆಗಿದ್ದು, ಮೊದಲು ಸಿನಿಮಾಗಳಲ್ಲಿ ಹೇಗೆ ಕಾಣಿಸಿಕೊಳ್ಳುತ್ತಾ ಇದ್ದರೋ, ಹಾಗೆ ಕಂಗೊಳಿಸಿದ್ದಾರೆ.

ರಾಧಿಕಾ ಕಮ್‌ ಬ್ಯಾಕ್‌ ಬಗ್ಗೆ ಅಭಿಮಾನಿಗಳ ಪ್ರಶ್ನೆ!

ನಟಿ ರಾಧಿಕಾ ಪಂಡಿತ್ ತಮ್ಮ ನ್ಯೂ ಲುಕ್‌ ಫೋಟೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ರಾಧಿಕಾ ಫೋಟೊ ಹಾಕುತ್ತಲೇ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಜೊತೆಗೆ ಎಲ್ಲರೂ ಕೇಳುತ್ತಿರುವುದು ಒಂದೇ ಪ್ರಶ್ನೆ. ನೀವೂ ಮತ್ತೆ ಚಿತ್ರರಂಗಕ್ಕೆ ಯಾವಾಗ ಬರುತ್ತೀರ? ಯಾವಾಗ ಅಭಿನಯ ಆರಂಭ ಮಾಡುತ್ತೀರ? ಎಂದು ಪ್ರಶ್ನೆ ಮಾಡುತ್ತಿದ್ದಾರೆ. ಜೊತೆಗೆ ರಾಧಿಕಾ ಪಂಡಿರತ್ ಲುಕ್‌ಗೆ ಎಲ್ಲರೂ ಬೋಲ್ಡ್ ಆಗಿದ್ದು, ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Recommended Video

Radhika Pandit | ಯಶ್ ಸಿನಿಮಾ ಬಗ್ಗೆ ರಾಧಿಕಾ ಪಂಡಿತ್ ಗೆ ಎಷ್ಟೊಂದು ಕುತೂಹಲ | KGF 2 | Sanjay Dutt

31 ಸಾವಿರ ರೂ.ಬೆಲೆಯ ಉಡುಪು ಧರಿಸಿದ ರಾಧಿಕಾ ಪಂಡಿತ್!

'ಕೆಜಿಎಫ್ 2' ಟ್ರೈಲರ್ ಲಾಂಚ್ ಕಾರ್ಯಕ್ರಮದಲ್ಲಿ ನಟಿ ರಾಧಿಕಾ ಪಂಡಿತ್ ಕೂಡ ಹೈಲೈಟ್ ಆಗಿದ್ದರು. ರಾಧಿಕಾಳ ನ್ಯೂ ಲುಕ್ ಎಲ್ಲರ ಗಮನ ಸೆಳೆದಿತ್ತು. ರಾಧಿಕಾ ತೊಟ್ಟಿದ್ದ ಕಾಸ್ಟ್ಯೂಮ್ ಕೂಡ ಗಮನ ಸೆಳೆದಿತ್ತು. ಈ ಡ್ರೆಸ್ ಬೆಲೆ ಬರೋಬ್ಬರಿ 31 ಸಾವಿರ ರೂಪಾಯಿ. ಇದು ಡಿಸೈನರ್ ರಿತುಕುಮಾರ್ ಕಸೂತಿ ಮಾಡಿದ ಡೆಸ್. ಈ ಲುಕ್‌ನಲ್ಲಿ ರಾಧಿಕಾ ಎರಡು ಮಕ್ಕಳ ತಾಯಿ ಆಗಿದ್ದರೂ, ಸಿಕ್ಕಾಪಟ್ಟೆ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾರೆ.

ರಾಧಿಕಾ ಕಮ್ ಬ್ಯಾಕ್ ಯಾವಾಗ?

ರಾಧಿಕಾ ಪಂಡಿತ್ ಸದ್ಯಕ್ಕೆ ಅಭಿನಯದಿಂದ ದೂರ ಉಳಿದಿದ್ದಾರೆ. ಆದರೆ ಸಿನಿಮಾ ಕ್ಷೇತ್ರದಿಂದ ದೂರ ಆಗಿಲ್ಲ. ಪತಿ ಯಶ್ ಕೂಡ ಚಿತ್ರರಂಗದಲ್ಲಿ ಇದ್ದಾರೆ. ಹಾಗಾಗಿ ಸಿನಿಮಾರಂಗಕ್ಕೆ ಸಂಬಂಧ ಪಟ್ಟ ಹಲವು ವಿಚಾರಗಳಲ್ಲಿ ರಾಧಿಕಾ ಇರುತ್ತಾರೆ. ಇನ್ನು ರಾಧಿಕಾ ತಮ್ಮ ಅಭಿಮಾನಿಗಳಿಂದಲೂ ಕೂಡ ದೂರ ಉಳಿದಿಲ್ಲ. ಸಾಮಾಜಿಕ ಜಾಲತಾಣದ ಮೂಲಕ ಸದಾ ಅಭಿಮಾನಿಗಳಿಗೆ ಕನೆಕ್ಟ್ ಆಗಿರುತ್ತಾರೆ. ತಮ್ಮ ಮಕ್ಕಳ ವಿಡಿಯೋಗಳನ್ನು, ವಿಶೇಷವಾದ ಸಂದರ್ಭದ ಫೋಟೊಗಳನ್ನು ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.