ಊಟಕ್ಕಾಗಿ ಪಾಪ ಏನೇನೆಲ್ಲಾ ಮಾಡ್ತಿದ್ದಾರೆ ನಟ ಶ್ರೀಮುರುಳಿ

ಪಾತ್ರೆ ತೊಳೆಯದಿದ್ದರೆ ಹೆಂಡತಿ ಊಟ ಕೊಡಲ್ಲ: ಶ್ರೀಮುರಳಿ

ನಟ ಶ್ರೀಮುರಳಿ ಪಾತ್ರೆ ತೊಳೆಯುತ್ತಿರುವ ಚಿತ್ರವನ್ನು ಪೋಸ್ಟ್ ಮಾಡಿ, ಪಾತ್ರೆ ತೊಳೆಯದಿದ್ದರೆ ಹೆಂಡತಿ ಊಟ ಕೊಡುವುದಿಲ್ಲ ಎಂದು ಹೇಳಿದ್ದಾರೆ. ಹಾಗಾಗಿ ತೊಳೆಯುತ್ತಿದ್ದೇನೆ. ಇದು ಬಹಳ ಕಷ್ಟದ ಕೆಲಸ ನನಗೆ ಬೆವರು ಬಂದುಬಿಟ್ಟಿತು ಎಂದಿದ್ದಾರೆ.

ಹಲವು ಅಡುಗೆ ಪ್ರಯೋಗ ಮಾಡಿರುವ ಪುನೀತ್

ಮನೆಯಲ್ಲೇ ಉಳಿದಿರುವ ಪುನೀತ್ ರಾಜ್‌ಕುಮಾರ್, ಲಾಕ್‌ಡೌನ್ ಅವಧಿಯಲ್ಲಿ ಕೆಲವು ಅಡುಗೆ ಪ್ರಯೋಗಗಳನ್ನು ಮಾಡಿದೆ. ಅಡುಗೆ ಮಾಡುವುದು ಸುಲಭದ ಕೆಲಸವಲ್ಲ, ಮನೆಯಲ್ಲಿ ಕೆಲಸ ಮಾಡಿ, ಹೊರಗೂ ಕೆಲಸ ಮಾಡುವ ಹೆಣ್ಣು ಮಕ್ಕಳ ಕಷ್ಟ ಅರಿವಿಗೆ ಬಂತು ಎಂದಿದ್ದಾರೆ.

ಚಿರಂಜೀವಿ ಸಹ ಮನೆಗೆಲಸದಲ್ಲಿ ಕೈ ಜೋಡಿಸಿದ್ದಾರೆ

ಮೆಗಾಸ್ಟಾರ್ ಚಿರಂಜೀವಿ ಸಹ ಲಾಕ್‌ಡೌನ್ ಸಮಯದಲ್ಲಿ ಮನೆಗೆಲಸಕ್ಕೆ ಕೈಜೋಡಿಸಿ, ಉತ್ತಮ ಪತಿ ಮನೆಗೆಲಸಕ್ಕೆ ಕೈ ಜೋಡಿಸಬೇಕು, ನೀವು ನಿಮ್ಮ ಮನೆಯ ಮಹಿಳೆಯರಿಗೆ ನೆರವಾಗಿ ಎಂದು ಅಭಿಮಾನಿಗಳಿಗೆ ಕರೆ ನೀಡಿದ್ದಾರೆ.

ಮನೆಗೆಲಸದಲ್ಲಿ ನೆರವಾಗುತ್ತಿರುವ ನಟರು

ಹಲವು ನಟರು ಲಾಕ್‌ಡೌನ್ ನಿಂದಾಗಿ ಮನೆಯಲ್ಲಿಯೇ ಉಳಿದು ಮನೆಗೆಲಸದಲ್ಲಿ ಮಡದಿಗೆ ನೆರವಾಗುತ್ತಿದ್ದಾರೆ. ಕೆಲವರಂತೂ ಅಡುಗೆ ಕಾರ್ಯವನ್ನು ತಮ್ಮ ಹೆಗಲ ಮೇಲೆ ಹಾಕಿಕೊಂಡಿದ್ದಾರೆ.