'ರಣವಿಕ್ರಮ' ನಟಿ ಅದಾ ಶರ್ಮಾಗೆ 'ಕಿಸ್ ಕೊಡು' ಎಂದ ಅಭಿಮಾನಿ!

ಅಭಿಮಾನಿಯ ವರ್ತನೆ

ಇತ್ತೀಚಿಗಷ್ಟೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ನಟಿ ಅದಾ ಶರ್ಮಾರನ್ನು ಕಂಡ ಅಭಿಮಾನಿ 'ನೀವು ನನಗೆ ಕಿಸ್ ಕೊಡಿ' ಎಂದು ನೇರವಾಗಿ ಕೇಳಿದ್ದಾನೆ.

ನಿರಾಕರಿಸಿದ ಅದಾ ಶರ್ಮಾ

ಅಭಿಮಾನಿಯ ಈ ವರ್ತನೆಯಿಂದ ಅದಾ ಶರ್ಮಾಗೆ ಕಿರಿಕಿರಿ ಉಂಟಾಗಿದೆ. ಕಿಸ್ ಕೊಂಡು ಎಂದ ಅಭಿಮಾನಿಯ ಬಯಕೆಯನ್ನು ಆಕೆ ಕೋಪದಿಂದ ನಿರಾಕರಿಸಿದ್ದಾರೆ.

ಸಿನಿಮಾದಲ್ಲಿ ಕೊಡ್ತೀರಾ

ಮುತ್ತು ಕೊಡಲು ನಿರಾಕರಿಸಿದ ಅದಾ ಶರ್ಮಾ ಅವರನ್ನು ಆ ಅಭಿಮಾನಿ ಪ್ರಶ್ನೆ ಮಾಡಿದ್ದಾನೆ. 'ನೀವು ಸಿನಿಮಾದಲ್ಲಿ ಮಾತ್ರ ನಟರಿಗೆ ಮುತ್ತು ಕೊಡುತ್ತೀರಾ' ಎಂದು ಪ್ರಶ್ನಿಸಿದ್ದಾನೆ.

ಅದಾ ಶರ್ಮಾ ಮೇಲೆ ಟ್ರೋಲ್

ಘಟನೆಯನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳದೆ ಈಗಾಗಲೇ ಆದಾ ಶರ್ಮಾ ಬಗ್ಗೆ ಅನೇಕರು ಟ್ರೋಲ್ ಮಾಡಿದ್ದಾರೆ. 'ಸಿನಿಮಾದಲ್ಲಿ ನಟರಿಗೆ ಎಷ್ಟೋ ಮುತ್ತು ಕೊಡುವ ನಟಿ ಅಭಿಮಾನಿಗೆ ಮಾತ್ರ ಈ ರೀತಿ ಮಾಡಿದ್ದಾರೆ' ಎಂದು ಅನೇಕರು ಟ್ರೋಲ್ ಮಾಡಿದ್ದಾರೆ.

ಟ್ವಿಟ್ಟರ್ ನಲ್ಲಿ ಸ್ಪಷ್ಟನೆ

ಈ ಘಟನೆ ಬಗ್ಗೆ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಅದಾ ಶರ್ಮಾ ಸ್ವಷ್ಟನೆ ನೀಡಿದ್ದಾರೆ. ''ಮುತ್ತು ಕೊಡುವುದು ನನ್ನ ವೈಯಕ್ತಿಕ ನಿರ್ಧಾರ. ಕೆಲವರು ಇದೇನು ದೊಡ್ಡ ವಿಷಯವೇ ಎನ್ನುತಾರೆ. ನನ್ನ ವಿಷಯದಲ್ಲಿ ದೊಡ್ಡದು ಚಿಕ್ಕದು ಎಂದು ನಿರ್ಧಾರಿಸಲು ನೀವು ಯಾರು.?'' ಎಂದು ಟ್ರೋಲ್ ಮಾಡುವವರ ಮೇಲೆ ಗರಂ ಆಗಿದ್ದಾರೆ.

ಪುರುಷ ದ್ವೇಷಿ ಅಲ್ಲ

''ನಾನು ಯಾರೊಂದಿಗೆ ಮುತ್ತು ಕೊಡಬೇಕು ಎನ್ನುವುದನ್ನು ನಾನು ಆಯ್ಕೆ ಮಾಡಿಕೊಳ್ಳುತ್ತೇನೆ. ನನಗೆ ಪುರುಷರ ಮೇಲೆ ಪ್ರೀತಿ ಇದೆ. ನಾನು ಅವರ ವಿರೋಧಿ ಅಲ್ಲ. ನನ್ನ ತಂದೆ, ನನ್ನ ಅಜ್ಜ, ನನ್ನ ಜೊತೆ ಕೆಲಸ ಮಾಡಿದ ನಿರ್ದೇಶಕರು ನಟರು ಎಲ್ಲರೂ ಒಳ್ಳೆಯ ವ್ಯಕ್ತಿಗಳು'' ಎಂದು ಟ್ವಿಟ್ಟರ್ ನಲ್ಲಿ ಅದಾ ಶರ್ಮಾ ಬರೆದುಕೊಂಡಿದ್ದಾರೆ.