Don't Miss!
- News ಸಿನಿಮಾದಲ್ಲಿ ರೀಲ್ ಬಿಟ್ಟಂತೆ ರಾಜಕೀಯದಲ್ಲೂ ರೀಲ್ ಬಿಟ್ಟರೆ ಜನ ಒಪ್ಪಲ್ಲ: ಡಿ ಕೆ ಸುರೇಶ್ ಹೀಗೆ ಹೇಳಿದ್ದು ಯಾರಿಗೆ?
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ರಾಬರ್ಟ್'ನಲ್ಲಿ ಮೈಸೂರು ಹುಡುಗಿ: ಯಾರೀ ಸುಂದರಿ?
'ರಾಬರ್ಟ್' ಸಿನಿಮಾದ ತಾರ ಬಳಗ ಹೆಚ್ಚಾಗುತ್ತಲೇ ಇದೆ. ಇದೀಗ ಚಿತ್ರತಂಡಕ್ಕೆ ಮತ್ತೊಬ್ಬ ನಾಯಕಿಯ ಆಗಮನವಾಗಿದೆ. ನಟಿ ಐಶ್ವರ್ಯ ಪ್ರಸಾದ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಭದ್ರಾವತಿ ಬೆಡಗಿ ಆಶಾ ಭಟ್ ಸಿನಿಮಾದ ನಾಯಕಿಯಾಗಿದ್ದಾರೆ. ಅವರ ಆಯ್ಕೆ ನಂತರ ಮತ್ತೆರಡು ನಟಿಯರು ಸಿನಿಮಾ ತಂಡವನ್ನು ಸೇರಿಕೊಂಡರು. 'ಪಂಚತಂತ್ರ' ಚಿತ್ರದ ನಾಯಕಿ ಸೋನಾಲ್ ಹಾಗೂ ತೇಜಸ್ವಿನಿ ಪ್ರಕಾಶ್ ಸಿನಿಮಾದಲ್ಲಿ ನಟಿಸುವುದು ಪಕ್ಕಾ ಆಗಿತ್ತು. ಈ ನಾಯಕಿಯರ ನಂತರ ಮತ್ತೊಬ್ಬ ನಾಯಕಿ ಚಿತ್ರತಂಡಕ್ಕೆ ಎಂಟ್ರಿ ಆಗಿದ್ದಾರೆ. ವಿಶೇಷ ಅಂದರೆ, ಈ ನಾಲ್ಕು ನಾಯಕಿಯರ ಕನ್ನಡದವರೇ ಆಗಿದ್ದಾರೆ.
ಆಶಾ ಭಟ್ ನಂತರ 'ರಾಬರ್ಟ್' ಟೀಮ್ ಗೆ ಬಂದ ಮತ್ತೊಬ್ಬ ಚೆಲುವೆ
ಬಹು ದೊಡ್ಡ ತಾರ ಬಳಗ 'ರಾಬರ್ಟ್' ಸಿನಿಮಾ ಹೊಂದಿದೆ. ಇದೀಗ ಐಶ್ವರ್ಯ ಪ್ರಸಾದ್ ಸಹ ಚಿತ್ರತಂಡದ ಭಾಗವಾಗಿದ್ದಾರೆ. ದರ್ಶನ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವ ಅದೃಷ್ಟ ಅವರಿಗೆ ಸಿಕ್ಕಿದೆ.
ಮೈಸೂರಿನ ಹುಡುಗಿ ಐಶ್ವರ್ಯ ಪ್ರಸಾದ್
ಐಶ್ವರ್ಯ ಪ್ರಸಾದ್ ಮೈಸೂರಿನ ಹುಡುಗಿ. ಇಂದು (ಜನವರಿ 26) ಅವರ ಹುಟ್ಟುಹಬ್ಬದ ವಿಶೇಷವಾಗಿ ಚಿತ್ರತಂಡ ಅವರನ್ನು ಸ್ವಾಗತ ಮಾಡಿದೆ. ಈ ರೀತಿ ಬರ್ತ್ ಡೇ ಗೆ ಶುಭಾಶಯ ತಿಳಿಸಿದ್ದಾರೆ. ಐಶ್ವರ್ಯ ಈಗಾಗಲೇ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದರು. ಆದರೆ, ಇಂತಹ ದೊಡ್ಡ ಅವಕಾಶ ಮೊದಲ ಬಾರಿಗೆ ಸಿಕ್ಕಿದೆ.
ಫೆಮಿನಾ ಮಿಸ್ ಇಂಡಿಯಾ ಬ್ಯೂಟಿ
ಐಶ್ವರ್ಯ ಪ್ರಸಾದ್ ಮಿಸ್ ಮೈಸೂರು ವಿನ್ನರ್ ಆಗಿದ್ದಾರೆ. ಅಲ್ಲದೆ, ಫೆಮಿನಾ ಮಿಸ್ ಇಂಡಿಯಾ 2017ರ ಸ್ಪರ್ಧಿಗಳ ಪೈಕಿ ಒಬ್ಬರಾಗಿದ್ದರು. ಐಶ್ವರ್ಯ ಪ್ರಸಾದ್ ನೋಡಲು ಬಾಲಿವುಡ್ ನಟಿ ಮೌನಿ ರಾಯ್ ರೀತಿ ಕಾಣುತ್ತಾರೆ. ಹಾಗಾಗಿ ಅನೇಕರು ಅವರಿಗೆ ಹೋಲಿಕೆ ಮಾಡುತ್ತಾರೆ. ಇದು ಖುಷಿಯ ವಿಷಯವಾದರೂ, ತನ್ನ ನಟನೆಯ ಮೂಲಕ ಗುರುತಿಸಿಕೊಳ್ಳಲು ಐಶ್ವರ್ಯ ಇಷ್ಟ ಪಡುತ್ತಾರೆಂತೆ.
ಆಂಜನೇಯನ ಅವತಾರವೆತ್ತಲು ಮಾಂಸಾಹಾರ ತ್ಯಜಿಸಿದ್ದ 'ರಾಬರ್ಟ್' ದರ್ಶನ್.!
'ಶಾರ್ದೂಲ' ಹಾಗೂ 'ಪಡ್ಡೆಹುಲಿ' ಚಿತ್ರಗಳು
ಈಗಾಗಲೇ ಐಶ್ವರ್ಯ ಪ್ರಸಾದ್ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದು, ನಟನೆಯ ಅನುಭವ ಹೊಂದಿದ್ದಾರೆ. ಅರವಿಂದ್ ಕೌಶಿಕ್ ನಿರ್ದೇಶನದ 'ಶಾರ್ದೂಲ' ಅವರ ಮೊದಲ ಸಿನಿಮಾ. ಶ್ರೇಯಸ್ ಮಂಜು ಚೊಚ್ಚಲ ಸಿನಿಮಾ 'ಪಡ್ಡೆಹುಲಿ'ಯಲ್ಲಿಯೂ ಐಶ್ವರ್ಯ ಕಾಣಿಸಿಕೊಂಡಿದ್ದರು. ಈ ಚಿತ್ರಗಳ ನಂತರ ಈಗ 'ರಾಬರ್ಟ್' ಅವರ ಕೈಗೆ ಸಿಕ್ಕಿದೆ.
'ರಾಬರ್ಟ್' ಚಿತ್ರೀಕರಣ ಮುಗಿದಿದೆ
'ರಾಬರ್ಟ್' ಸಿನಿಮಾದ ಚಿತ್ರೀಕರಣ ಈಗಾಗಲೇ ಮುಗಿದಿದೆ. ಹೀಗಾಗಿ ಈಗ ಐಶ್ವರ್ಯ ಪ್ರಸಾದ್ ರನ್ನು ಸ್ವಾಗತ ಮಾಡಿದ್ದು, ಗೊಂದಲ ಎನಿಸಬಹುದು. ಆದರೆ, ಇಂದು ಅವರ ಹುಟ್ಟುಹಬ್ಬ ಇದ್ದು, ಇಂದೇ ಅವರ ಹೆಸರುನ್ನು ಘೋಷಣೆ ಮಾಡಲಾಗಿದೆ. 'ರಾಬರ್ಟ್' ದರ್ಶನ್ ನಟನೆಯ ಸಿನಿಮಾ. ತರುಣ್ ಸುಧೀರ್ ನಿರ್ದೇಶನ ಹಾಗೂ ಉಮಾಪತಿ ನಿರ್ಮಾಣ ಮಾಡಿದ್ದಾರೆ.