Click it and Unblock the Notifications
Don't Miss!
-
CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ -
ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ! -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಂಕರ್ ಜತೆ ಹಸೆಮಣೆ ಏರಿದ 'ಹಾರ್ಟ್ ಬೀಟ್ಸ್' ಆಶಿತಾ
'ರೋಡ್ ರೋಮಿಯೋ' ಮೂಲಕ ಕನ್ನಡ ಸಿನಿಮಾ ಪ್ರಯಾಣ ಆರಂಭಿಸಿದ ನಟಿ ಆಶಿತಾ, ನಂತರ 'ಹಾರ್ಟ್ ಬೀಟ್ಸ್' ಹಾಗೂ 'ಗ್ರೀನ್ ಸಿಗ್ನಲ್' ಚಿತ್ರಗಳಲ್ಲಿ ಕಾಣಿಸಿಕೊಂಡರು. ಚಿತ್ರಗಳಲ್ಲಿ ಬೇಕಾದಷ್ಟು (ಸಾಕಷ್ಟು!) ಬೋಲ್ಡ್ ಆಗಿಯೂ ಕಾಣಿಸಿಕೊಂಡರು. ನಟನೆಯಲ್ಲೂ ತಕ್ಕಮಟ್ಟಿಗೆ ಮಿಂಚಿದ್ದರು. ಆದರೆ, ಏನೇ ಮಾಡಿದರೂ ಸಿನಿಮಾಗಳಲ್ಲಿ ಅವಕಾಶ ಸಿಗಲಿಲ್ಲ, ಅದ್ಯಾಕೋ ನಸೀಬು ಗೋತಾ! ನಂತರ ಕಿರುತೆರೆ ಕಡೆಗೆ ಮುಖ ಮಾಡಿದ ಆಶಿತಾ, ಅಲ್ಲೂ ಒಂದು ಇನ್ನಿಂಗ್ಸ್ ಆಡಿದ್ದಾರೆ.
ನಾಯಕಿಯಾಗಿ ಅವಕಾಶ ಕಡಿಮೆಯಾಗುತ್ತಿದ್ದಂತೆ ತಂಗಿ, ಗೆಳತಿ ಪಾತ್ರಗಳಲ್ಲಿಯೂ ಕಾಣಿಸಿಕೊಂಡ ಆಶಿತಾ, 'ಆಕಾಶ್' ಹಾಗೂ 'ದೇವರು ಕೊಟ್ಟ ತಂಗಿ' ಮುಂತಾದ ಚಿತ್ರಗಳಲ್ಲೂ ಕಾಣಿಸಿಕೊಂಡರು. ನಂತರ ಕಿರುತೆರೆಯತ್ತ ವಾಲಿದ ಆಶಿತಾ, ಸಾಕಷ್ಟು ಟಿವಿ ಕಾರ್ಯಕ್ರಮಗಳಲ್ಲಿ ನಿರೂಪಕಿಯಾಗಿ ಕಾಣಿಸಿಕೊಂಡರು. ಒಳ್ಳೆಯ ಡಾನ್ಸರ್ ಕೂಡ ಆಗಿರುವ ಆಶಿತಾ ಬಹಳಷ್ಟು ಸ್ಟೇಜ್ ಶೋಗಳ ಮೂಲಕ ಕಿರುತೆರೆ ಪ್ರೇಕ್ಷಕರೊಂದಿಗೆ ಇನ್ನೂ ತಮ್ಮ ಬಾಂಧವ್ಯ ಇಟ್ಟುಕೊಂಡಿದ್ದಾರೆ.
ಆದರೆ ಎಲ್ಲಕ್ಕಿಂತ ಹೆಚ್ಚಾಗಿ ಶಂಕರ್ ಜೊತೆ ಪ್ರೀತಿಯಾಟದಲ್ಲಿ ತೊಡಗಿದ್ದರು ಎಂಬ ಅಂಶ ಈಗ ಬೆಳಕಿಗೆ ಬಂದಿದೆ. ಏಕೆಂದರೆ, ಕಳೆದ ಎಂಟು ವರ್ಷಗಳಿಂದ ಆಶಿತಾ ಶಂಕರ್ ಅವರನ್ನು ಪ್ರೀತಿಸುತ್ತಿದ್ದರು. ಉದ್ಯಮಿ ಶಂಕರ್ ಕೂಡ ಆಶಿತಾರನ್ನು ಪ್ರೀತಿಸುತ್ತಿದ್ದರು. ಹೀಗಾಗಿ ಈಗ, ಹಿಂದು ಮತ್ತು ಕ್ರಿಶ್ಚಿಯನ್ ಸಂಪ್ರದಾಯದ ಪ್ರಕಾರ ಹಿರಿಯರೇ ಮುಂದೆ ನಿಂತು ಈ ಮದುವೆ ನೆರವೇರಿಸುತ್ತಿದ್ದಾರೆ.
ಒಟ್ಟಿನಲ್ಲಿ, ಕನ್ನಡ ಪ್ರೇಕ್ಷಕರನ್ನು ಮೆಚ್ಚಸಲಾಗದಿದ್ದರೂ ಶಂಕರ್ ಅವರನ್ನು ಮೆಚ್ಚಿಸಿ ಮಡದಿಯಾಗುತ್ತಿದ್ದಾರೆ ಆಶಿತಾ. ಇತ್ತೀಚಿಗೆ ತಮ್ಮ ಮದುವೆ ತಯಾರಿಯಲ್ಲಿಯೇ ಹೆಚ್ಚು ಬಿಜಯಾಗಿದ್ದ ಆಶಿತಾ, ಇಂದು ಹಸೆಮಣೆ ಏರುತ್ತಿದ್ದಾರೆ. ಮದುವೆಯಾದ ಮೇಲೆ, ಮತ್ತೆ ಕಿರುತೆರೆಯಲ್ಲೋ ಅಥವಾ ಸಿನಿಮಾದಲ್ಲೋ ಈ ಆಶಿತಾ ಶಂಕರ್ ಕಾಣಿಸಿಕೊಳ್ಳಲೂಬಹುದು, ಕಾಯುತ್ತಿರಿ. ಆಶಿತಾ ಹಾಗೂ ಶಂಕರ್ ಜೋಡಿಯ ವೈವಾಹಿಕ ಜೀವನ ಸುಖಕರವಾಗಿರಲಿ ಎಂಬುದು ಎಲ್ಲರ ಹಾರೈಕೆ...(ಒನ್ ಇಂಡಿಯಾ ಕನ್ನಡ)
