twitter
    For Quick Alerts
    ALLOW NOTIFICATIONS  
    For Daily Alerts

    ಪುನೀತ್ ರಾಜ್‌ಕುಮಾರ್ ದೊಡ್ಡತನಕ್ಕೆ ಉದಾಹರಣೆ ನೀಡಿದ ನಟಿ ಆಶಿತಾ ಚಂದ್ರಪ್ಪ

    |

    ನಟಿ ಆಶಿತಾ ಚಂದ್ರಪ್ಪ ಕೆಲವು ದಿನಗಳ ಹಿಂದಷ್ಟೆ ವಿವಾಹವಾಗಿದ್ದಾರೆ. ಕೆಲವು ಆತ್ಮೀಯ ಸ್ನೇಹಿತರು, ಬಂಧುಗಳ ಎದುರಿಗೆ ಮಾರ್ಚ್ 31 ರಂದು ರೋಹನ್ ರಾಘವೇಂದ್ರ ಎಂಬುವರ ಕೈ ಹಿಡಿದಿದ್ದಾರೆ ಆಶಿತಾ ಚಂದ್ರಪ್ಪ.

    Recommended Video

    ಪುನೀತ್ ರಾಜ್ ಕುಮಾರ್ ದೊಡ್ಡ ಗುಣದ ಬಗ್ಗೆ ಮಾತನಾಡಿದ ಆಶೀತ | Filmibeat Kannada

    ಮದುವೆ ಮುಗಿದ ಕೆಲವೇ ದಿನಗಳಲ್ಲಿ ಮದುವೆ ಮನೆಯಲ್ಲಿ ನಡೆದ ಅಚ್ಚರಿಯ, ಸುಂದರ ಸಂಗತಿಯೊಂದನ್ನು ಸಾಮಾಜಿಕ ಜಾಲತಾಣದ ಮೂಲಕ ಹಂಚಿಕೊಂಡಿದ್ದಾರೆ ಆಶಿತಾ. ಬಿಗ್‌ಬಾಸ್‌ ಮಾಜಿ ಸ್ಪರ್ಧಿಯೂ ಆಗಿರುವ ಆಶಿತಾ ಹಂಚಿಕೊಂಡಿರುವ ವಿಷಯ ನಟ ಪುನೀತ್ ರಾಜ್‌ಕುಮಾರ್ ಹಾಗೂ ಅವರ ಪತ್ನಿ ಅಶ್ವಿನಿ ಅವರಿಗೆ ಸಂಬಂಧಿಸಿದ್ದು.

    'ನಿರೀಕ್ಷಿಸದ ಕೆಲವು ಸಂಗತಿಗಳು ನಡೆದುಬಿಟ್ಟಾಗ ಅದು ನೀಡುವ ಖುಷಿ ಅತ್ಯದ್ಭುತ. ಹಾಗೆಯೇ ನಿರೀಕ್ಷಿಸಿದ ಸಂಗತಿಗಳು ನಡೆಯದೇ ಇದ್ದಾಗ ಆಗುವ ಬೇಸರವೂ ಸಹ ಹೆಚ್ಚು. ನಿರೀಕ್ಷಿಸಿದ್ದ ಕೆಲವರು ಮದುವೆಗೆ ಬರದೆ ಗೆಳೆತನ ನಿಜವೇನಾ ಎಂಬ ಅನುಮಾನ ಉಂಟಾಗುವಂತೆ ಮಾಡಿದರು. ಕೆಲವರು ಕೋವಿಡ್ ಕಾರಣ ನೀಡಿ ತಪ್ಪಿಸಿಕೊಂಡರು' ಎಂದು ತಮ್ಮ ಮದುವೆಗೆ ಆಗಮಿಸಿದವರು, ಆಗಮಿಸದವರ ಬಗ್ಗೆ ಹೇಳಿದ್ದಾರೆ ಆಶಿತಾ ಚಂದ್ರಪ್ಪ.

    Actress Ashitha Chandrappa Praises Puneeth Rajkumars Simplicity

    'ಆದರೆ ನಟ ಪುನೀತ್ ರಾಜ್‌ಕುಮಾರ್ ಅವರು ತಮ್ಮ 'ಯುವರತ್ನ' ಸಿನಿಮಾದ ಬಿಡುಗಡೆ ಮುನ್ನಾದಿನ, ಬಹಳ ಬ್ಯುಸಿ ಶೆಡ್ಯೂಲ್‌ನ ನಡುವೆಯೂ ನನಗಾಗಿ ನಮ್ಮ ಕುಟುಂಬದ ಮೇಲಿನ ಪ್ರೀತಿಗಾಗಿ ನನ್ನ ಮದುವೆಗೆ ಬಂದು ನನಗೆ ಹಾಗೂ ರೋಹನ್‌ಗೆ ಆಶೀರ್ವಾದ ಮಾಡಿದರು. ಅವರ ಸರಳತೆಗೆ ಎಷ್ಟು ಧನ್ಯವಾದ ಹೇಳಿದರೂ ಸಾಲದು' ಎಂದಿದ್ದಾರೆ ಆಶಿತಾ.

    'ಕೆಲವು ದಿನಗಳ ಹಿಂದೆಯಷ್ಟೆ ನಾನು ಹಾಗೂ ಅಪ್ಪ ಕೋವಿಡ್ ಪಾಸಿಟಿವ್ ಆಗಿದ್ದೆವು. ಮದುವೆ ಕಾರ್ಯಕ್ರಮವನ್ನು ರದ್ದು ಮಾಡಿಬಿಡೋಣ ಎಂದುಕೊಂಡಿದ್ದೆವು. ನಮ್ಮಿಂದ ಬೇರೆಯವರಿಗೆ ಸಮಸ್ಯೆ ಆಗುವುದು ಬೇಡ ಎಂಬುದು ನಮ್ಮ ಉದ್ದೇಶ ಆಗಿತ್ತು. ಆದರೆ ಸಮಯಕ್ಕೆ ಸರಿಯಾಗಿ ಎಲ್ಲವೂ ಸರಿಹೋಗಿ ಕಾರ್ಯಕ್ರಮ ಅಂದುಕೊಂಡಂತೆ ನಡೆಯಿತು' ಎಂದಿದ್ದಾರೆ ಆಶಿತಾ ಚಂದ್ರಪ್ಪ.

    ದರ್ಶನ್ ಅನ್ನು ಅಣ್ಣ ಎಂದು ಕರೆಯುವ ಆಶಿತಾ, ದರ್ಶನ್‌ ಜೊತೆಗೆ ಆತ್ಮೀಯ ಬಾಂಧವ್ಯ ಹೊಂದಿದ್ದಾರೆ. ಆದರೆ ಮದುವೆಗೆ ನಟ ದರ್ಶನ್ ಬಂದಂತಿಲ್ಲ. ಆಶಿತಾ ಅವರ ಮದುವೆಗೆ ಹಲವು ಗೆಳೆಯರು ಆಗಮಿಸಿದ್ದರು, ನಟ ಜೆಕೆ ಸಹ ಆಗಮಿಸಿದ್ದರು.

    ನಟಿ ಆಶಿತಾ ಚಂದ್ರಪ್ಪ, ನೀಲಿ, ಜೊತೆ-ಜೊತೆಯಲಿ, ರಾಧಾ-ರಮಣ ಇನ್ನೂ ಕೆಲವು ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಕೆಲವು ಸಿನಿಮಾಗಳಲ್ಲಿಯೂ ಪಾತ್ರವಹಿಸಿರುವ ಆಶಿತಾ ಬಿಗ್‌ಬಾಸ್ ಐದನೇ ಸೀಸನ್‌ನಲ್ಲಿ ಸ್ಪರ್ಧಿಯಾಗಿ ಪಾಲ್ಗೊಂಡಿದ್ದರು.

    English summary
    Actress Ashitha Chandrappa praised Puneeth Rajkumar's simplicity. She said in his busy schedule he attended my marriage with his wife, that is previous day of his 'Yuvarathna' movie release.
    Wednesday, April 7, 2021, 9:31
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X