Don't Miss!
- News ದೇವನಹಳ್ಳಿ, ಹೊಸಕೋಟೆ, ದೊಡ್ಡಬಳ್ಳಾಪುರ & ನೆಲಮಂಗಲ ಹೊಸ ಉಪನಗರ: ಡಾ. ಕೆ. ಸುಧಾಕರ್ ಭರವಸೆ!
- Finance ಜಗತ್ತಿನಾದ್ಯಂತ 6,000 ಉದ್ಯೋಗಿಗಳನ್ನು ವಜಾ ಮಾಡಿದ ಡೆಲ್
- Automobiles ಬುಕ್ ಮಾಡಿದ ರೈಲಿನ ಸೀಟಿನಲ್ಲಿ ಬೇರೆಯವರು ಕೂತಿದ್ರೆ ಏನ್ ಮಾಡಬೇಕು ಗೊತ್ತಾ? ಸಿಂಪಲ್ ಪರಿಹಾರ
- Sports IPL 2024 RR vs DC: ರಾಯಲ್ಸ್ ವಿರುದ್ಧ ಗೆಲುವಿನೊಂದಿಗೆ ಪುಟಿದೇಳುವುದೇ ಕ್ಯಾಪಿಟಲ್ಸ್?; ಸಂಭಾವ್ಯ ಆಡುವ 11ರ ಬಳಗ
- Lifestyle ವಿಶ್ವದ ದುಬಾರಿ ಹಣ್ಣುಗಳಿವು..! ನೀವು ಊಹಿಸದ ಬೆಲೆ ಈ ಹಣ್ಣುಗಳಿಗಿದೆ..!
- Technology OnePlus: ಒನ್ಪ್ಲಸ್ ನಾರ್ಡ್ CE 4 ಫೋನ್ನ ಭಾರತದ ಬೆಲೆ ಮಾಹಿತಿ ಲೀಕ್! ಲಾಂಚ್ಗೆ ನಾಲ್ಕೇ ದಿನ ಬಾಕಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಟ್ವಿಟ್ಟರ್ ಲೋಕಕ್ಕೆ ಅಡಿಯಿಟ್ಟ ಬಣ್ಣದ ಚಿಟ್ಟೆ ಚಾರ್ಮಿ
ಸಾಮಾಜಿಕ ಜಾಲತಾಣ ಟ್ವಿಟ್ಟರ್ ನಲ್ಲಿ ಈಗಾಗಲೆ ಬಣ್ಣದ ಜಗತ್ತಿನ ಹಲವಾರು ಬಣ್ಣಬಣ್ಣದ ಚಿಟ್ಟೆಗಳು ಹಾರಾಡುತ್ತಿವೆ. ಈ ಬಣ್ಣದ ಚಿಟ್ಟೆಗಳ ಸಾಲಿಗೆ ತಡವಾಗಿಯಾದರೂ ಮತ್ತೊಂದು ಬಣ್ಣದ ಚಿಟ್ಟೆ ಸೇರ್ಪಡೆಯಾಗಿದೆ. ಅವರು ಬೇರಾರು ಅಲ್ಲ ಚಾರ್ಮಿಂಗ್ ತಾರೆ ಚಾರ್ಮಿ ಕೌರ್.
ಆಕೆಯ ಟ್ವಿಟ್ಟರ್ ಖಾತೆ ಅಡ್ರಸ್ @Charmiofficialಗೆ ಒಮ್ಮೆ ಭೇಟಿ ನೀಡಬಹುದು. ಇತ್ತೀಚೆಗೆ ಚಾರ್ಮಿ ಚಿತ್ರಗಳು ಬಾಕ್ಸಾಫೀಸಲ್ಲಿ ಡುಮುಕಿ ಮೇಲೆ ಡುಮುಕಿ ಹೊಡೆಯುತ್ತಿವೆ. ಊರಿಗೆ ಬಂದವಳು ನೀರಿಗೆ ಬರದಿರುತ್ತಾಳೆಯೇ ಎಂಬಂತೆ ಚಿತ್ರರಂಗಕ್ಕೆ ಬಂದವಳು ಟ್ವಿಟ್ಟರ್ ಗೆ ಒಂದಲ್ಲ ಒಂದು ದಿನ ಬಂದೇ ಬರಬೇಕು.
ಇನ್ನೇನು ಅಭಿಮಾನಿಗಳು ಹಾಗೂ ಮಾಧ್ಯಮಗಳು ಚಾರ್ಮಿಯನ್ನು ಮರೆತೇ ಬಿಟ್ಟರೇನೋ ಎಂಬಂತಹ ಸನ್ನಿವೇಶ ನಿರ್ಮಾಣವಾಗಿತ್ತು. ತಾನು ಇನ್ನೂ ಚಿತ್ರರಂಗದಲ್ಲಿ ಇದ್ದೇನೆ ಎಂಬುದನ್ನು ನೆನಪಿಸಲು ಚಾರ್ಮಿ ಟ್ವಿಟ್ಟರ್ ಗೆ ಅಡಿಯಿಟ್ಟಿದ್ದಾರೆ.
ಅವರ ಮೊದಲ ಟ್ವೀಟ್, "HI guys this my official ... i got in twitter and face book..." ಇದು. ಇಪ್ಪತ್ತೈದರ ಹರೆಯದ ಈಕೆ ಮತ್ತೊಮ್ಮೆ ಚಿತ್ರರಂಗದಲ್ಲಿ ತಮ್ಮ ಚಾರ್ಮ್ ತೋರಿಸಲು ಸಜ್ಜಾಗಿದ್ದಾರೆ. (ಬಾಲಿವುಡ್ ತಾರೆಗಳ ಟ್ವಿಟ್ಟರ್ ಜಗತ್ತಿಗೆ ಒಮ್ಮೆ ಭೇಟಿ ನೀಡಿ)
ಈ ಹಿಂದೆ ಚಾರ್ಮಿ ಕೌರ್ ಕನ್ನಡದ 'ಲವ ಕುಶ' ಚಿತ್ರದಲ್ಲಿ ಅಭಿನಯಿಸಿದ್ದರು. ಇಂದ್ರಜಿತ್ ಲಂಕೇಶ್ ನಿರ್ದೇಶನದ 'ದೇವ್, ಸನ್ ಆಫ್ ಮುದ್ದೇಗೌಡ' ಚಿತ್ರದಲ್ಲೂ ಚಾರ್ಮಿ ತಮ್ಮ ಗ್ಲಾಮರ್ ಪ್ರದರ್ಶಿಸಿದ್ದಾರೆ. ಅದು ಬಿಟ್ಟರ ಹೆಚ್ಚಾಗಿ ತಮಿಳು,ತೆಲುಗು ಚಿತ್ರಗಳಲ್ಲಿ ಚಾರ್ಮಿ ತೊಡಗಿಕೊಂಡಿದ್ದಾರೆ.
ತನ್ನ ಹದಿನಾರನೇ ವಯಸ್ಸಿಗೇ ಚಿತ್ರರಂಗಕ್ಕೆ ಅಡಿಯಿಟ್ಟ ಈ ತುಂಬುಗೆನ್ನೆ ನಟಿ ಎಲ್ಲೂ ಸರಿಯಾಗಿ ನೆಲೆ ನಿಲ್ಲಲಿಲ್ಲ. ತೆಲುಗಿನಿಂದ ತಮಿಳಿಗೆ ಅಲ್ಲಿಂದ ಅವಕಾಶ ಸಿಕ್ಕಿದರೆ ಕನ್ನಡಕ್ಕೆ ಹೀಗೆ ಆಕೆಯ ಪಯಣ ಸಾಗುತ್ತಿದೆ. ಟ್ವಿಟ್ಟರ್ ಗೆ ಬಂದ ಮೇಲಾದರೂ ಆಕೆಗೆ ಸಾಕಷ್ಟು ಅವಕಾಶಗಳು ಸಿಗಲಿ ಎಂದು ಆಶಿಸೋಣ. (ಏಜೆನ್ಸೀಸ್)