ತೂಕ ಇಳಿಸಿಕೊಂಡ ಪಡುವಾರಳ್ಳಿ ಪಾಂಚಾಲಿ ಚಾರ್ಮಿ

ದಕ್ಷಿಣದ ಬೆಡಗಿ ಚಾರ್ಮಿ ಕೌರ್ ತೂಕದಲ್ಲಿ ಭಾರಿ ಇಳಿಕೆಯಾಗಿದೆ. ಈಗ ಅವರ ದೇಹದ ತೂಕ ಹೂವಿನಷ್ಟೇ ಹಗುರವಂತೆ. ಇತ್ತೀಚೆಗೆ ಚಾರ್ಮಿ ಅಭಿನಯದ 'ಪ್ರೇಮ ಮೈಕಂ' ಎಂಬ ಚಿತ್ರದಲ್ಲಿ ನಟಿ ನಮಿತಾ ಅವರ ಗಾತ್ರಕ್ಕೆ ಸರಿಸಮನಾಗಿ ಕಾಣಿಸಿಕೊಂಡಿದ್ದರು.

ಈಗ ಸಾಕಷ್ಟು ವರ್ಕ್ ಔಟ್ ಮಾಡಿ ತಮ್ಮ ದೇಹದ ತೂಕವನ್ನು 9 ಕೆ.ಜಿಗಳಷ್ಟು ಇಳಿಸಿಕೊಂಡಿದ್ದಾರೆ. ತೂಕ ಇಳಿಸಿಕೊಂಡು ಈಗ ಹೇಗಿದ್ದೇನೆ ನೋಡಿ ಎಂದು ತಮ್ಮ ಅದ್ಭುತ ಫೋಟೋವೊಂದನ್ನು ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಚಾರ್ಮಿ ಕೌರ್

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ 'ಯಾರೇ ಕೂಗಾಡಲಿ' ಚಿತ್ರದಲ್ಲಿ ಪಡುವಾರಳ್ಳಿ ಪಾಂಚಾಲಿ ಎಂದು ಕುಣಿದು ಪಡ್ಡೆಗಳ ಹೃದಯ ಬೆಚ್ಚಗೆ ಮಾಡಿದ ಬೆಡಗಿ ಚಾರ್ಮಿ ಕೌರ್. ಕನ್ನಡದಲ್ಲಿ ಹಾಗೆ ಬಂದು ಹೀಗೆ ಕುಣಿದು ಚಾರ್ಮಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ. ಇದಕ್ಕೂ ಮುನ್ನ ಸನ್ ಆಫ್ ಮುದ್ದೇಗೌಡ ಚಿತ್ರದಲ್ಲಿ ಸೊಂಟ ಬಳುಕಿಸಿದ್ದರು.