Don't Miss!
- News IT Company: ಐಟಿ-ಬಿಟಿ ಕಂಪನಿಗಳಿಗೆ ಜಲಮಂಡಳಿಯ ನೀರಿನ ಭರವಸೆ
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Lifestyle ಬಾಯಲ್ಲಿ ನೀರು ತರಿಸುವ ಮಾವಿನ ಕಾಯಿ ಚಟ್ನಿ..! 5 ನಿಮಿಷದಲ್ಲಿ ರೆಡಿ..!
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತ್ರಿಷಾ ಕೃಷ್ಣನ್ ಮದುವೆಯಲ್ಲಿ ಪಡುವಾರಳ್ಳಿ ಪಾಂಚಾಲಿ
ನಟಿ ತ್ರಿಷಾ ಕೃಷ್ಣನ್ ಮದುವೆ ದಿನಾಂಕ ಇನ್ನೂ ನಿಗದಿಯಾಗದಿದ್ದರೂ ವಿವಾಹ ಪೂರ್ವದ ಸಿದ್ಧತೆಗಳಂತೂ ಜೋರಾಗಿ ನಡೆಯುತ್ತಿವೆ. ಜನವರಿ 23ರಂದು ಉದ್ಯಮಿ ವರುಣ್ ಮಣಿಯನ್ ಜೊತೆ ಅವರ ನಿಶ್ಚಿತಾರ್ಥ ನೆರವೇರಿದ್ದು ಇದೀಗ ಮದುವೆ ತಯಾರಿ ಭರದಿಂದ ಸಾಗಿವೆ.
ಇದರ ಮೊದಲ ಭಾಗವೇ ಪಡುವಾರಳ್ಳಿ ಪಾಂಚಾಲಿ ಡಾನ್ಸ್ ಶೋ. ಯಾರಿದು ಪಡುವಾರಳ್ಳಿ ಪಾಂಚಾಲಿ ಅಂತಿದ್ದೀರಾ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ 'ಯಾರೇ ಕೂಗಾಡಲಿ' ಚಿತ್ರದಲ್ಲಿ "ನಾನು ಪಡುವಾರಳ್ಳಿ ಪಾಂಚಾಲಿ..." ಎಂದು ಸೊಂಟ ಕುಣಿಸಿದ್ದ ಚಾರ್ಮಿ ಕೌರ್ ಸ್ಟೆಪ್ ಹಾಕಲಿದ್ದಾರೆ ತ್ರಿಷಾ ಮದುವೆಯಲ್ಲಿ. [ಉಂಗುರ ಬದಲಾಯಿಸಿಕೊಂಡ ತ್ರಿಷಾ ಮತ್ತು ವರುಣ್]
ತ್ರಿಷಾ ಕೃಷ್ಣನ್ ಹಾಗೂ ಚಾರ್ಮಿ ಕೌರ್ ಆತ್ಮೀಯ ಸ್ನೇಹಿತರು. ನಿಶ್ಚಿತಾರ್ಥ ಕಾರ್ಯಕ್ರಮಕ್ಕೆ ತ್ರಿಷಾ ಆಹ್ವಾನಿಸಿದ್ದ ಕೆಲವೇ ಕೆಲವು ಆತ್ಮೀಯರಲ್ಲಿ ಚಾರ್ಮಿ ಕೌರ್ ಸಹ ಇದ್ದರು. ಮದುವೆಯಲ್ಲೂ ಚಾರ್ಮಿ ಕೌರ್ ಭಾಗಿಯಾಗಲಿದ್ದು ಭರ್ಜರಿ ಮನರಂಜನೆ ನೀಡಲಿದ್ದಾರೆ ಎನ್ನುತ್ತವೆ ಮೂಲಗಳು.
ಶೀಘ್ರದಲ್ಲೇ ತ್ರಿಷಾ ಅವರು ತಮ್ಮ ಮದುವೆ ದಿನಾಂಕವನ್ನು ಪ್ರಕಟಿಸಲಿದ್ದಾರಂತೆ. ಇನ್ನು ಚಾರ್ಮಿ ಕೌರ್ ಸಹ ಅಷ್ಟೇ ಮದುವೆ ಮನೆಯಲ್ಲಿ ಕುಣಿಯಲು ಈಗಾಗಲೆ ತಾಲೀಮು ಶುರುಹಚ್ಚಿಕೊಂಡಿದ್ದಾರಂತೆ.
ಚಾರ್ಮಿ ಕೌರ್ ಹೇಳಿಕೇಳಿ ಡಾನ್ಸಿಂಗ್ ಸ್ಟಾರ್. ಕನ್ನಡದ ಲವಕುಶ, ದೇವ್ ಸನ್ ಆಫ್ ಮುದ್ದೇಗೌಡ, ಯಾರೇ ಕೂಗಾಡಲಿ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ತ್ರಿಷಾ ನಿಶ್ಚಿತಾರ್ಥ ಸರಳ ಸುಂದರವಾಗಿ ನಡೆದಿದ್ದರೂ ಮದುವೆ ಮಾತ್ರ ಅದ್ದೂರಿಯಾಗಿ ನಡೆಯಲಿದೆ ಎನ್ನುತ್ತವೆ ಮೂಲಗಳು. (ಏಜೆನ್ಸೀಸ್)