ಕೆಜಿಎಫ್ 2 ಗೆ ಎಂಟ್ರಿ ಕೊಟ್ಟ ಮತ್ತೊಬ್ಬ ಸ್ಟಾರ್ ಹಿರಿಯ ನಟಿ

ರಜನೀಕಾಂತ್ ಸೇರಿ ಹಲವು ನಟರೊಂದಿಗೆ ನಟನೆ

ರಜನೀಕಾಂತ್ ಸೇರಿದಂತೆ ಹಲವು ಖ್ಯಾತ ನಟರೊಂದಿಗೆ ತೆರೆ ಹಂಚಿಕೊಂಡಿರುವ ಹಿರಿಯ ನಟಿ ಈಶ್ವರಿ ರಾವ್ ಅವರು ಕೆಜಿಎಫ್ 2 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಕೆಜಿಎಫ್ 2 ಗೆ ಪ್ರಮುಖ ತಿರುವು

ಕೆಜಿಎಫ್ 2 ಕತೆಗೆ ಪ್ರಮುಖ ತಿರುವು ನೀಡುವ ಪಾತ್ರದಲ್ಲಿ ಈಶ್ವರಿ ರಾವ್ ನಟಿಸುತ್ತಿದ್ದು, ಅವರ ನಟನೆಗೆ ಪ್ರಶಸ್ತಿಗಳು ಬರುವುದು ಖಂಡಿತ ಎಂಬ ಮಾತುಗಳು ಕೆಜಿಎಫ್ 2 ಸೆಟ್‌ನಲ್ಲಿ ಕೇಳಿಬರುತ್ತಿದೆಯಂತೆ.

1995 ರಲ್ಲಿ ಕನ್ನಡ ಸಿನಿಮಾದಲ್ಲಿ ನಟಿಸಿದ್ದರು

ಕಾಲಾ ಸಿನಿಮಾದಲ್ಲಿ ರಜನೀಕಾಂತ್ ಜೊತೆ ನಟಿಸಿರುವ ಈಶ್ವರಿ ರಾವ್ ಅವರಿಗೆ ಕೆಜಿಎಫ್ 2 ಮೊದಲ ಕನ್ನಡ ಸಿನಿಮಾ ಅಲ್ಲ. ಅವರು 1995 ರಲ್ಲಿ ಎಸ್.ನಾರಾಯಣ್ ನಿರ್ದೇಶನದ ಮೇಘ ಮಾಲೆ ಸಿನಿಮಾದಲ್ಲಿ ನಟಿಸಿದ್ದರು.

ಕೆಜಿಎಫ್ 2 ಸಿನಿಮಾದಲ್ಲಿ ಪ್ರತಿಭಾನ್ವಿತ ನಟರ ದಂಡು

ಕೆಜಿಎಫ್‌ 2 ಸಿನಿಮಾದಲ್ಲಿ ಪ್ರತಿಭಾನ್ವಿತ ನಟರ ದಂಡೇ ಇದೆ. ಸಂಜಯ್ ದತ್‌, ರವೀನಾ ಟಂಡನ್, ಅನಂತ್‌ ನಾಗ್, ಅಚ್ಯುತ್ ಕುಮಾರ್ ಇನ್ನೂ ಹಲವು ಪ್ರತಿಭಾವಂತರು ಇದರಲ್ಲಿ ನಟಿಸುತ್ತಿದ್ದಾರೆ.