ರಾಕಿಂಗ್‌ ಸ್ಟಾರ್ ಯಶ್ ಬಗ್ಗೆ ಹರ್ಷಿಕಾ ಪೂಣಚ್ಚ ಹೇಳಿದ್ದು ಹೀಗೆ

ಯಶ್ ಜೊತೆ ಒಂದು ಸಿನಿಮಾದಲ್ಲಿ ನಟನೆ

ಯಶ್ ಅವರ ಜೊತೆ ನಾನು ತಮಸ್ಸು ಸಿನಿಮಾದಲ್ಲಿ ನಟಿಸಿದ್ದೇನೆ, ಅವರೊಟ್ಟಿಗೆ ನನ್ನದು ಒಂದೇ ಸೀನ್ ಇತ್ತು. ಆದರೆ ಆ ನಂತರ ಇಬ್ಬರೂ ಒಟ್ಟಿಗೆ ನಟಿಸಲು ಸಾಧ್ಯವಾಗಿಲ್ಲ. ಆದರೆ ಅವರ ಬೆಳವಣಿಗೆಯನ್ನು ನೋಡಿದರೆ ಹೆಮ್ಮೆ ಎನಿಸುತ್ತದೆ ಎಂದರು ಹರ್ಷಿಕಾ ಪೂಣಚ್ಚ.

ಯಶ್ ಪ್ರಗತಿ ನೋಡಿ ಹೆಮ್ಮೆ ಎನಿಸುತ್ತದೆ

ಸಿನಿಮಾ ಹಿನ್ನೆಲೆಯಿಲ್ಲದೆ ಬಂದವರಿಗೆ ಯಶ್ ಆದರ್ಶ. ಅವರು ಬೆಳೆದು ಬಂದ ರೀತಿ ಅನುಕರಣನೀಯ. ಧಾರಾವಾಹಿಗಳಿಂದ ಕರಿಯರ್ ಪ್ರಾರಂಭಿಸಿ ಇಲ್ಲಿವರೆಗೆ ಅವರು ಬೆಳೆದಿರುವುದು ಖುಷಿ ಎನಿಸುತ್ತದೆ ಎಂದು ಹೇಳಿದರು.

ಯಶ್ ಎಲ್ಲದರಲ್ಲೂ ಪರ್ಫೆಕ್ಟ್

ಯಶ್ ಅವರು ಎಲ್ಲದರಲ್ಲೂ ಪರ್ಫೆಕ್ಟ್. ಚೆನ್ನಾಗಿ ಕಾಣುತ್ತಾರೆ, ಚೆನ್ನಾಗಿ ಡೈಲಾಗ್ ಹೇಳುತ್ತಾರೆ. ಅದ್ಭುತವಾಗಿ ನರ್ತಿಸುತ್ತಾರೆ, ಅವರ ಅಭಿನಯ ಸೂಪರ್, ಸಖತ್ ಆಗಿ ಫೈಟ್ ಮಾಡುತ್ತಾರೆ. ಅವರು ಪೂರ್ಣಪ್ರಮಾಣದ ಪ್ಯಾಕೆಜ್ ಎಂದರು ಹರ್ಷಿಕಾ.

ಕೆಜಿಎಫ್ 2 ಖಂಡಿತಾ ನೋಡ್ತೀನಿ

ಕೆಜಿಎಫ್ 2 ನೋಡ್ತೀರಾ? ಎಂದು ಮತ್ತೊಬ್ಬ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಹರ್ಷಿಕಾ, ಖಂಡಿತಾ ನೋಡ್ತೇನೆ. ಕೆಜಿಎಫ್ ಚಿತ್ರ ಕನ್ನಡ ಸಿನಿಮಾರಂಗವನ್ನು ರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸುವಂತಾದ ಚಿತ್ರ. ಹಾಗಾಗಿ ಕೆಜಿಎಫ್ 2 ಅನ್ನು ನೋಡಿಯೇ ನೋಡುತ್ತೇನೆ ಎಂದರು.