ಮದುವೆಯಾದ ಐದೇ ದಿನಕ್ಕೆ ಸಿಹಿಸುದ್ದಿ ಕೊಟ್ಟ 'ಜಾಕಿ' ಭಾವನಾ

ಮದುವೆಯ ಸಂಭ್ರಮದಲ್ಲೇ ಸಿಹಿ ಸುದ್ದಿ

ನಟಿ ಜಾಕಿ ಭಾವನಾ ಮದುವೆಯ ನಂತರ ಅಭಿನಯಿಸುವ ಮೊದಲ ಸಿನಿಮಾ ಬಗ್ಗೆ ಸುದ್ದಿ ಕೊಟ್ಟಿದ್ದಾರೆ. ಖುಷಿ ವಿಚಾರ ಅಂದರೆ ಕರ್ನಾಟಕದ ಸೊಸೆ ಆಗಿರುವ ಭಾವನಾ ಅಭಿನಯಿಸುತ್ತಿರುವುದು ಕನ್ನಡ ಚಿತ್ರದಲ್ಲಿ.

ಪ್ರಜ್ವಲ್ ಜೊತೆ ಭಾವನಾ ಅಭಿನಯ

ಪ್ರಜ್ವಲ್ ದೇವರಾಜ್ ಅಭಿನಯದ 30ನೇ ಚಿತ್ರದಲ್ಲಿ ಭಾವನಾ ನಾಯಕಿಯಾಗಿ ಅಭಿನಯಿಸುವುದಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಈಗಾಗಲೇ ಸಿನಿಮಾದ ಮಹೂರ್ತ ಮಾಡಿರುವ ಚಿತ್ರತಂಡ ಫೆಬ್ರವರಿ ಅಂತ್ಯದಲ್ಲಿ ಚಿತ್ರೀಕರಣ ಶುರು ಮಾಡಲಿದ್ದಾರೆ.

ಅಭಿನಯಿಸಿದ ಸಿನಿಮಾಗಳು ಹಿಟ್

ಜಾಕಿ, ಅಣ್ಣ ಬಾಂಡ್, ಬಚ್ಚನ್, ವಿಷ್ಣುವರ್ಧನ ಹೀಗೆ ಸಾಲು ಸಾಲು ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸಿರುವ ಭಾವನಾ ಕನ್ನಡಕ್ಕೆ ಲಕ್ಕಿ ನಟಿ ಎಂದೇ ಪ್ರಖ್ಯಾತಿ ಪಡೆದಿದ್ದಾರೆ. ಆಕ್ಟ್ ಮಾಡಿರುವ ಎಲ್ಲಾ ಚಿತ್ರಗಳು ಬಾಕ್ಸ್ ಆಫೀಸ್ ನಲ್ಲಿ ಸದ್ದು ಮಾಡಿವೆ.

ಪಾತ್ರಕ್ಕೆ ಜೀವ ತುಂಬುವ ನಟಿ

ಮಲೆಯಾಳಂ ಸಿನಿಮಾರಂಗದಲ್ಲಿ ಸಾಕಷ್ಟು ಚಿತ್ರಗಳಲ್ಲಿ ಅಭಿನಯಿಸಿರುವ ಭಾವನಾ ತಾವು ಅಭಿನಯಿಸುವ ಪಾತ್ರಗಳಿಗೆ ಜೀವ ತುಂಬುವಂತಹ ನಟಿ. ಯಾವುದೇ ಪಾತ್ರವನ್ನ ನಿರ್ವಹಿಸುವಂತಹ ಸಾಮರ್ಥ್ಯವನ್ನು ಹೊಂದಿದ್ದಾರೆ ಇದೇ ಕಾರಣದಿಂದ ಚಿತ್ರಕ್ಕೆ ಭಾವನಾ ಅವರನ್ನ ಆಯ್ಕೆ ಮಾಡಿಕೊಂಡಿದೆ ಸಿನಿಮಾತಂಡ.

ಸಿನಿಮಾ ಬಗ್ಗೆ ಮಾಹಿತಿ

ಪುಷ್ಪಕ ವಿಮಾನ ಚಿತ್ರವನ್ನ ನಿರ್ಮಾಣ ಮಾಡಿದ ಎ ಆರ್ ವಿಖ್ಯಾತ್, ಪ್ರಜ್ವಲ್ ಅಭಿನಯದ 30ನೇ ಚಿತ್ರವನ್ನ ನಿರ್ಮಾಣ ಮಾಡುತ್ತಿದ್ದಾರೆ. ನವ ನಿರ್ದೇಶಕ ನರಸಿಂಹ ಚಿತ್ರವನ್ನ ಡೈರೆಕ್ಟ್ ಮಾಡುತ್ತಿದ್ದಾರೆ. ಚರಣ್ ರಾಜ್ ಸಂಗೀತ ನಿರ್ದೇಶನ ಮಾಡುತ್ತಿದ್ದು ಮಫ್ತಿ ಸಿನಿಮಾ ಖ್ಯಾತಿಯ ನವೀನ್ ಕುಮಾರ್ ಕ್ಯಾಮೆರಾ ವರ್ಕ್ ಮಾಡಲಿದ್ದಾರೆ.