Don't Miss!
- Finance ಜಗತ್ತಿಗೆ ಭಾರತವೇ ಬಾಸ್, ಅಂತಾರಾಷ್ಟ್ರೀಯ ಹಣಕಾಸು ನಿಧಿ ಹೇಳಿದ್ದು ಏನು?
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- News Realme: ಅಗ್ಗದ 5G ಸ್ಮಾರ್ಟ್ಫೋನ್ ಬಿಡುಗಡೆ ರೆಡಿ; ಇದರ ಬೆಲೆ ಎಷ್ಟು ಗೊತ್ತಾ?
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚೋರ ಚಿತ್ತ ಚೋರ ನಾಯಕಿ ನಮ್ರತಾಗೆ ಹೆಣ್ಣುಮಗು
ಈಕೆ ತೆಲುಗು ಚಿತ್ರರಂಗದ ನಟ ಮಹೇಶ್ ಬಾಬು ಪತ್ನಿ ಎಂಬುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಇಂದು ಬೆಳಗ್ಗೆ 8.15ಕ್ಕೆ ನಮ್ರತಾ ಅವರು ಹೈದರಾಬಾದಿನ ಸ್ವಪ್ನ ನರ್ಸಿಂಗ್ ಹೋಂನಲ್ಲಿ ಹೆಣ್ಣುಮಗುವಿಗೆ ಜನ್ಮ ನೀಡಿದರು. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ ಎಂದು ಮಹೇಶ್ ಬಾಬು ಕುಟುಂಬಿಕರು ತಿಳಿಸಿದ್ದಾರೆ.
ಪ್ರಸವದ ಸಮಯದಲ್ಲಿ ಮಹೇಶ್ ಬಾಬು ತನ್ನ ಪತ್ನಿ ನಮ್ರತಾ ಪಕ್ಕದಲ್ಲೇ ಇದ್ದು ಮನೋಧೈರ್ಯ ತುಂಬಿದ್ದಾಗಿ ಸುದ್ದಿ. ಈಗಾಗಲೆ ಮಹೇಶ್ ಬಾಬು ದಂಪತಿಗಳಿಗೆ ಗೌತಮ್ ಎಂಬ ಮಗ ಇದ್ದಾನೆ.
ಕೆಲ ದಿನಗಳ ಹಿಂದೆಯೇ ನಮ್ರತಾಗೆ ಹೆಣ್ಣುಮಗು ಎಂಬ ಸುದ್ದಿ ಸ್ಫೋಟಿಸಿತ್ತು. ಈ ವಿಷಯವನ್ನು ಸ್ವತಃ ನಮ್ರತಾ ಅವರು ತಳ್ಳಿಹಾಕಿದ್ದರು. ಆಗಸ್ಟ್ ನಲ್ಲಿ ಡೆಲಿವರಿ ಆಗಬಹುದು ಎಂದು ತಿಳಿಸಿದ್ದರು. ಆದರೆ ಅವರು ಹೇಳಿದ ಸಮಯಕ್ಕಿಂತಲೂ ಮುಂಚಿತವಾಗಿಯೇ ಹೆಣ್ಣುಮಗು ಹಡೆದ್ದಾರೆ.
ಮಹೇಶ್ ಬಾಬು ಮತ್ತೊಮ್ಮೆ ಅಪ್ಪನಾದ ಕಾರಣ ಅವರ ಅಭಿಮಾನಿಗಳು ಸಿಹಿ ಹಂಚಿ ಸಂಭ್ರಮಿಸುತ್ತಿದ್ದಾರೆ. ತಂದೆಯಾದ ಕಾರಣ ಮಹೇಶ್ ಬಾಬು ಒಂದು ವಾರ ಕಾಲ ಚಿತ್ರೀಕರಣಕ್ಕೆ Paternity leave ಹಾಕಿದ್ದಾರೆ.
ಬಾಲಿವುಡ್ ತಾರೆ ನಮ್ರತಾ ಶಿರೋಡ್ಕರ್ ಅವರನ್ನು ಮಹೇಶ್ 2005 ಫೆಬ್ರವರಿಯಲ್ಲಿ ವರಿಸಿದ್ದರು. 2000ನೇ ವರ್ಷದಲ್ಲಿ ತೆರೆಕಂಡ ತೆಲುಗು ಚಿತ್ರ 'ವಂಶಿ' ಯಲ್ಲಿ ಇಬ್ಬರೂ ಜೊತೆಯಾಗಿ ಅಭಿನಯಿಸಿದ್ದರು. ಆಗಲೇ ಇವರಿಬ್ಬರ ನಡುವೆ ಪ್ರೇಮ ಚಿಗುರೊಡೆದಿದ್ದು.
2000ನೇ ಇಸವಿಯಲ್ಲಿ ತೆರೆಕಂಡಿದ್ದ ನಮ್ಮ ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿನಯದ 'ಚೋರ ಚಿತ್ತ ಚೋರ' ಚಿತ್ರದಲ್ಲಿ ನಮ್ರತಾ ಶಿರೋಡ್ಕರ್ ಅಭಿನಯಿಸಿದ್ದರು. ಈ ರೋಮ್ಯಾಂಟಿಕ್ ಚಿತ್ರ ಬಾಕ್ಸಾಫೀಸಲ್ಲೂ ಗೆದ್ದಿತ್ತು. ಅದಾದ ಬಳಿಕ ನಮ್ರತಾ ಕನ್ನಡದ ಚಿತ್ರಗಳಿಂದ ಕಾಣೆಯಾಗಿದ್ದರು. (ಏಜೆನ್ಸೀಸ್)