ಮುಖಪುಟ

ಸಿನಿ ಸಮಾಚಾರ

ಕೊರೊನಾ ವೈರಸ್ ಲಾಕ್‌ಡೌನ್‌ ಕಾರಣದಿಂದ ಮನರಂಜನೆಯ ಎಲ್ಲ ಕ್ಷೇತ್ರಗಳು ಬಂದ್ ಆಗಿದ್ದವು. ತಿಂಗಳುಗಳ ಕಾಲ ಮನೆಯಲ್ಲಿಯೇ ಕೂತು ಸಮಯ ಕಳೆಯಬೇಕಿತ್ತು. ಐಪಿಎಲ್ ಟೂರ್ನಿಯಾದರೂ ಇದ್ದಿದ್ದರೆ ಟೈಂ ಪಾಸ್‌ ಆಗ್ತಿತ್ತು ಎಂದು ಅದೆಷ್ಟೋ ಜನ ಅಂದುಕೊಂಡಿದ್ದು ಉಂಟು.

ಆದ್ರೆ, ಈ ವರ್ಷ ಐಪಿಎಲ್ ಸಹ ಆಯೋಜನೆ ಮಾಡುವುದು ಕಷ್ಟಸಾಧ್ಯ ಎನ್ನಲಾಗಿತ್ತು. ಆದ್ರೀಗ, ಭಾರತದಿಂದ ದುಬೈಗೆ ಟೂರ್ನಿ ಸ್ಥಳಾಂತರಿಸಿ ಐಪಿಎಲ್ ಟೂರ್ನಿಗೆ ಚಾಲನೆ ಸಹ ಸಿಕ್ಕಿದೆ.

ಆರಂಭ ಪಂದ್ಯ ಸೋಲಿನಲ್ಲೂ ದಾಖಲೆ ಬರೆದ ಮುಂಬೈ ಇಂಡಿಯನ್ಸ್

ಸೆಪ್ಟೆಂಬರ್ 19 ರಂದು ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವೆ ಮೊದಲ ಪಂದ್ಯ ನಡೆದಿದ್ದು, ಧೋನಿ ಸಾರಥ್ಯದ ಸಿಎಸ್‌ಕೆ ತಂಡ ಉದ್ಘಾಟನಾ ಪಂದ್ಯ ಜಯಿಸಿದೆ.

ಕೊನೆಗೂ ಐಪಿಎಲ್ ಟೂರ್ನಿ ಆರಂಭವಾಗಿದ್ದಕ್ಕೆ ನಟಿ ಪಾರೂಲ್ ಯಾದವ್ ಸಂತಸ ವ್ಯಕ್ತಪಡಿಸಿದ್ದಾರೆ. ಈ ಕುರಿತು ಟ್ವಿಟ್ಟರ್‌ನಲ್ಲಿ ಬರೆದುಕೊಂಡಿದ್ದು, ''ಓ ದೇವರೆ ಕೊನೆಗೂ ಐಪಿಎಲ್ ಮತ್ತೆ ಬಂತು. ಸದ್ಯ ಸಮಾಜದಲ್ಲಿ ನಡೆಯುತ್ತಿರುವ ಬರಿ ಕೆಟ್ಟ ಬೆಳವಣಿಗೆಳನ್ನು ನೋಡಿ ನೋಡಿ ಬೇಸತ್ತಿದ್ದ ಜನರಿಗೆ ಸ್ವಲ್ಪ ಸಮಾಧಾನ ಸಿಕ್ಕಿದೆ'' ಎಂದು ಸಂತಸಗೊಂಡಿದ್ದಾರೆ.

Recommended Video

ಪಾರೂಲ್ ಯಾದವ್ ಅವರ ಟ್ವೀಟ್‌ಗೆ ಪ್ರತಿಕ್ರಿಯೆ ನೀಡಿರುವ ಕನ್ನಡ ನಟಿ ಮೇಘನಾ ಗಾಂವ್ಕರ್ ''ಹೌದು, ನಿಜ....ಸ್ವಲ್ಪನಾದರೂ ಮನರಂಜನೆ ಸಿಕ್ಕಿದ್ದಕ್ಕೆ ಖುಷಿ'' ಎಂದು ಹೇಳಿದ್ದಾರೆ.