ಜಬರ್ದಸ್ತ್ ಡ್ಯಾನ್ಸ್ ಮಾಡಿ ಜಾರಿ ಬಿದ್ದ ರಾಧಿಕಾ ಕುಮಾರಸ್ವಾಮಿ; ವಿಡಿಯೋ ವೈರಲ್

ಡ್ಯಾನ್ಸ್ ಮಾಡಿ ಜಾರಿ ಬಿದ್ದ ರಾಧಿಕಾ

ಹೇಳಿ ಕೇಳಿ ರಾಧಿಕಾ ಕುಮಾರಸ್ವಾಮಿ ಒಳ್ಳೆ ಡ್ಯಾನ್ಸರ್. ಮದುವೆ ಆಗಿ ಒಂದು ಮಗುವಿನ ತಾಯಿಯಾದರೂ ಯುವನಟಿಯರಿಗೆ ಪೈಪೋಟಿ ಕೊಡಬಲ್ಲ ಸೌಂದರ್ಯ ಅವರದು. ಇತ್ತೀಚೆಗೆ ರಾಧಿಕಾ ಡ್ಯಾನ್ಸ್ ಕ್ಲಾಸ್‌ನಲ್ಲಿ ಡ್ಯಾನ್ಸ್ ಮಾಸ್ಟರ್ ಜೊತೆ ಬಿಂದಾಸ್ ಆಗಿ ಹೆಜ್ಜೆ ಹಾಕಿ ಧೂಳೆಬ್ಬಿಸಿದ್ದಾರೆ. ಆದರೆ ಕೊನೆಗೆ ಆಯತಪ್ಪಿ ಬಿದ್ದಿದ್ದಾರೆ. ಆ ವಿಡಿಯೋ ಈಗ ಸಖತ್ ವೈರಲ್ ಆಗಿದೆ.

ಹಿಂದಿ ಹಾಡಿಗೆ ಹೆಜ್ಜೆ ಹಾಕಿದ್ದ ಸ್ವೀಟಿ

ಕೆಲ ದಿನಗಳ ಹಿಂದೆ ಸ್ವೀಟಿ ಡ್ಯಾನ್ಸ್ ಮಾಡಿದ್ದ ಇಂಥದ್ದೇ ಮತ್ತೊಂದು ವಿಡಿಯೋ ಸೆನ್ಸೇಷನಲ್ ಕ್ರಿಯೇಟ್ ಮಾಡಿತ್ತು. ಬ್ಲಾಕ್‌ ಕಲರ್ ಡ್ರೆಸ್‌ನಲ್ಲಿ ಫುಲ್ ಎನರ್ಜಿಯಿಂದ ಬಾಲಿವುಡ್ ಸೂಪರ್ ಹಿಟ್ 'ಮೇರಾ ಯಾರಾ' ಹಾಡಿಗೆ ಬಿಂದಾಸ್ ಸ್ಟೆಪ್ ಹಾಕಿದ್ರು. ಸಮುದ್ರ ತಟದಲ್ಲಿ ಕಣ್ಣಿಗೆ ಗಾಗಲ್ ಹಾಕಿಕೊಂಡು ದರ್ಶನ ಕೊಟ್ಟಿದ್ದ ರಾಧಿಕಾ ಕುಮಾರಸ್ವಾಮಿ ಅಭಿಮಾನಿಗಳ ಹುಬ್ಬೇರಿಸಿದ್ದರು.

ಸ್ವೀಟಿ ಕೈಯಲ್ಲಿವೆ 2 ಸಿನಿಮಾಗಳು

ಒಂದೊಳ್ಳೆ ಬ್ರೇಕ್‌ಗಾಗಿ ಕಾಯುತ್ತಿರುವ ಸ್ವೀಟಿ ಕೈಯಲ್ಲಿ 'ಭೈರಾದೇವಿ' ಹಾಗೂ 'ರಾಜೇಂದ್ರ ಪೊನ್ನಪ್ಪ' ಸಿನಿಮಾಗಳಿವೆ. ಆದರೆ ಇತ್ತೀಚೆಗೆ ಎಲ್ಲೂ ಅಷ್ಟಾಗಿ ಕಾಣಿಸಿಕೊಳ್ಳದ ರಾಧಿಕಾ ಕುಮಾರಸ್ವಾಮಿ ಎಲ್ಲಿದ್ದಾರೆ? ಏನ್ ಮಾಡ್ತಿದ್ದಾರೆ ? ಅನ್ನುವ ಕುತೂಹಲ ಅಭಿಮಾನಿಗಳಲ್ಲಿದೆ.

ನಿರ್ಮಾಪಕಿಯಾಗಿ ರಾಧಿಕಾ ವಾಪಸ್

ರಾಧಿಕಾ ಕುಮಾರಸ್ವಾಮಿಯವರು ಒಳ್ಳೆ ಒಳ್ಳೆ ಸಿನಿಮಾಗಳನ್ನು ನಿರ್ಮಾಣ ಮಾಡುವ ಕನಸಿದೆ. 10 ವರ್ಷಗಳ ಹಿಂದೆ ಮಗಳು ಶಮಿಕಾ ಹೆಸರಿನಲ್ಲಿ ಬ್ಯಾನರ್‌ ಶುರು ಮಾಡಿದ್ದ ರಾಧಿಕಾ 'ಲಕ್ಕಿ' ಹಾಗೂ 'ಸ್ವೀಟಿ' ಸಿನಿಮಾಗಳನ್ನು ನಿರ್ಮಿಸಿದ್ದರು. ಆದರೆ ನಂತರ ಆ ಬ್ಯಾನರ್‌ನಿಂದ ಸಿನಿಮಾಗಳು ನಿರ್ಮಾಣವಾಗಲಿಲ್ಲ.