'ಯುವರತ್ನ'ನಿಗಾಗಿ 28 ವರ್ಷದ ನಂತರ ಕನ್ನಡಕ್ಕೆ ಬಂದ ಸೌತ್ ಸ್ಟಾರ್ ನಟಿ

'ಯುವರತ್ನ' ತಂಡ ಸೇರಿದ ರಾಧಿಕಾ

28 ವರ್ಷದ ಬಳಿಕ ಕನ್ನಡ ಚಿತ್ರರಂಗಕ್ಕೆ ವಾಪಸ್ ಆಗಿರುವ ರಾಧಿಕಾ ಶರತ್ ಕುಮಾರ್, ಯುವರತ್ನ ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಈ ಮಾಹಿತಿಯನ್ನ ಸ್ವತಃ ನಿರ್ದೇಶಕರೇ ಖಚಿತ ಪಡಿಸಿದ್ದಾರೆ.

ಕನ್ನಡದ ಕೊನೆಯ ಚಿತ್ರ 'ನಾಗಿಣಿ'

ರಾಧಿಕಾ ಶರತ್ ಕುಮಾರ್ ಕನ್ನಡದಲ್ಲಿ ಒಟ್ಟು ನಾಲ್ಕು ಚಿತ್ರದಲ್ಲಿ ನಟಿಸಿದ್ದಾರೆ. ತಮಿಳಿನಲ್ಲಿ ಹೆಚ್ಚು ಸಕ್ರಿಯರಾಗಿದ್ದ ರಾಧಿಕಾ, ಪ್ರಚಂಡ ಕುಳ್ಳ, ಜೀವನ ಚಕ್ರ, ಸತ್ಯಂ ಶಿವಂ ಸುಂದರಂ ಹಾಗೂ ಕೊನೆಯದಾಗಿ ನಾಗಿಣಿ ಚಿತ್ರದಲ್ಲಿ ನಟಿಸಿದ್ದರು. ಅದಾದ ಬಳಿಕ ಈಗ ಯುವರತ್ನಿಗಾಗಿ ಚಂದನವನಕ್ಕೆ ಎಂಟ್ರಿಯಾಗಿದ್ದಾರೆ.

ಆ ಚಿತ್ರದಲ್ಲಿ ಪತಿ, ಈ ಚಿತ್ರದಲ್ಲಿ ಪತ್ನಿ

ಅಂದ್ಹಾಗೆ, ರಾಧಿಕಾ ಅವರು ತಮಿಳು ನಟ ಶರತ್ ಕುಮಾರ್ ಅವರ ಪತ್ನಿ. ಸಂತೋಷ್ ಮತ್ತು ಪುನೀತ್ ಜೋಡಿಯ ರಾಜಕುಮಾರ ಚಿತ್ರದಲ್ಲಿ ಶರತ್ ಕುಮಾರ್ ನಟಿಸಿದ್ದರು. ಈಗ ಯುವರತ್ನ ಚಿತ್ರದಲ್ಲಿ ಅವರ ಪತ್ನಿ ರಾಧಿಕಾ ನಟಿಸುತ್ತಿರುವುದು ವಿಶೇಷವಾಗಿದೆ.

ಕುತೂಹಲ ಹೆಚ್ಚಿಸಿದ ಫಸ್ಟ್ ಲುಕ್

ಪುನೀತ್ ರಾಜ್ ಕುಮಾರ್ ಹುಟ್ಟುಹಬ್ಬದ ಪ್ರಯುಕ್ತ ಯುವರತ್ನ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ರಿಲೀಸ್ ಆಗಿದೆ. ಪಕ್ಕಾ ಯೂತ್ ಕಥೆಯೊಂದಿಗೆ ಬರ್ತಿರುವ ಅಪ್ಪು ಲುಕ್ ಮತ್ತಷ್ಟು ಯಂಗ್ ಆಗಿದೆ. ಇದು ಸಹಜವಾಗಿ ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಿಸಿದೆ. ಇನ್ನುಳಿದಂತೆ ಹೊಂಬಾಳೆ ಫಿಲಂಸ್ ಬ್ಯಾನರ್ ನಲ್ಲಿ ಈ ಸಿನಿಮಾ ತಯಾರಾಗ್ತಿದೆ.