ಕೊರೊನಾ ಭೀತಿ: ಜನರ ಸಹಾಯಕ್ಕೆ ಧಾವಿಸಿದ ತುಪ್ಪದ ಹುಡುಗಿ ರಾಗಿಣಿ

ಉಚಿತವಾಗಿ ಕೈ ಗ್ಲೌಸ್ ವಿತರಿಸಿದ ರಾಗಿಣಿ

ಹೌದು, ರಾಗಿಣಿ ಅವರು ಉಚಿತವಾಗಿ ಕೈ ಗ್ಲೌಸ್‌ಗಳನ್ನು ಜನರಿಗೆ ವಿತರಿಸಿದರು. ಕೈ ಗ್ಲೌಸ್‌ಗಳನ್ನು ಬಳಸುವುದರಿಂದ ಕೊರೊನಾ ವೈರಸ್ ಬರುವ ಸಾಧ್ಯತೆ ಕಡಿಮೆಯೆಂದು, ಕಡ್ಡಾಯವಾಗಿ ಕೈಗ್ಲೌಸ್‌ಗಳನ್ನು ಧರಿಸಿರೆಂದು ರಾಗಿಣಿ ಜನರಿಗೆ ಮನವಿ ಸಹ ಮಾಡಿದ್ದಾರೆ.

ಕೈಗಳನ್ನು ಶುದ್ಧವಾಗಿಟ್ಟುಕೊಳ್ಳಿ: ರಾಗಿಣಿ

ಜನರು ತಮ್ಮ ಕೈಗಳನ್ನು ಶುದ್ಧವಾಗಿಟ್ಟುಕೊಳ್ಳಬೇಕು, ಮೂಗು, ಬಾಯಿ ಕಣ್ಣುಗಳನ್ನು ಕೈಗಳಿಂದ ಸ್ಪರ್ಷಿಸುವುದನ್ನು ಆದಷ್ಟು ಕಡಿಮೆ ಮಾಡಬೇಕು, ಹೀಗೆ ಮಾಡುವ ಮುನ್ನಾ ಸ್ಯಾನಿಟೈಸರ್, ಸೋಪು ಬಳಸಿ ಕೈ ತೊಳೆದುಕೊಳ್ಳಬೇಕು ಎಂದು ಆರೋಗ್ಯ ಇಲಾಖೆಯು ಈಗಾಗಲೇ ಎಚ್ಚರಿಕೆ ನೀಡಿದೆ.

ಕೈ ಗವಸು ಧರಿಸುವುದು ಬಹಳ ಅವಶ್ಯಕ

ಹಾಗಾಗಿ ಕೈ ಗವಸು ಧರಿಸುವುದು ಮಾಸ್ಕ್ ಧರಿಸುವಷ್ಟೆ ಅವಶ್ಯಕ ಎಂದು ಅರಿತ ರಾಗಿಣಿ ಅವರು ಮಾಸ್ಕ್ ಹಂಚುವ ಬದಲಿಗೆ ಅಷ್ಟೇ ಅವಶ್ಯಕವಾದ ಕೈ ಗ್ಲೌಸ್‌ಗಳನ್ನು ಹಂಚಿದ್ದಾರೆ.

ಟ್ವಿಟ್ಟರ್‌ ಖಾತೆಯಲ್ಲಿ ಮಾಹಿತಿ

ಈ ಬಗ್ಗೆ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿರುವ ರಾಗಿಣಿ, 'ಮಾಸ್ಕ್ ಬದಲಿಗೆ ಗ್ಲೌಸ್‌ಗಳನ್ನು ಧರಿಸಿ, ಮಾಸ್ಕ್ ಖಾಯಿಲೆ ಬಂದವರಿಗೆ, ನಾವು ಕೈಗಳಿಂದ ಎಲ್ಲವನ್ನೂ ಮುಟ್ಟುತ್ತೇವೆ ಹಾಗಾಗಿ ಕೈಗಳ ಶುಚಿತ್ವ ಬಹಳಮುಖ್ಯ ಹಾಗಾಗಿ ವೈರಸ್‌ನಿಂದ ದೂರವಿರಲು ಗ್ಲೌಸ್‌ಗಳು ಅತ್ಯಂತ ಅವಶ್ಯಕ' ಎಂದು ಹೇಳಿದ್ದಾರೆ.

ಮಾಸ್ಕ್ ಮತ್ತು ಗ್ಲೌಸ್ ಎರಡನ್ನೂ ಬಳಸಿ

ರಾಗಿಣಿ ಅವರು ಮಾಸ್ಕ್ ಬದಲು ಗ್ಲೌಸ್ ಬಳಸಿ ಎಂದು ಹೇಳಿದ್ದಾರೆ. ಆದರೆ ಮಾಸ್ಕ್ ಮತ್ತು ಗ್ಲೌಸ್ ಎರಡೂ ಸಹ ಅತ್ಯಂತ ಅವಶ್ಯಕ. ಹಾಗಾಗಿ ಜನರು ಎರಡನ್ನೂ ಬಳಸಿ ವೈರಸ್ ನಿಂದ ದೂರ ಉಳಿಯಿರು. ಎನ್‌ 95 ಮಾದರಿಯ ಮಾಸ್ಕ್ ಬಳಸುವುದು ಹೆಚ್ಚು ಸೂಕ್ತ.