Don't Miss!
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- News Bird Flu: ಮೊಟ್ಟೆ-ಕೋಳಿ ತಿನ್ನುವವರೇ ಹುಷಾರ್!- ಹೆಚ್ಚಾಗಿದೆ ಹಕ್ಕಿಜ್ವರ
- Finance Lok Sabha Election 2024: ಮತದಾನ ಮಾಡಿ ಹೋಟೆಲ್ಗಳಲ್ಲಿ ಫ್ರೀಯಾಗಿ, ರಿಯಾಯಿತಿಯಲ್ಲಿ ಟಿಫನ್ ತಿನ್ನಿ!
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Automobiles ಭರ್ಜರಿ ಸಿಹಿಸುದ್ದಿ: ಸ್ಕೋಡಾ ಕೊಡಿಯಾಕ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- Lifestyle ಖುಲಾಯಿಸಿತು ಅದೃಷ್ಟ: ಫ್ಯಾಂಟಸಿ ಗೇಮ್ನಲ್ಲಿ ₹1.5 ಕೋಟಿ ಗೆದ್ದ ಮೆಕ್ಯಾನಿಕ್..!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೈಮುಗಿದು ಏರು, ಇದು 'ತುಪ್ಪದ ಬೆಡಗಿ' ರಾಗಿಣಿ ತೇರು
ಕನ್ನಡತಿ ಅಲ್ಲದೇ ಇದ್ದರೂ ಕನ್ನಡ ಚಿತ್ರರಂಗದಲ್ಲಿ ಬಹುಬೇಡಿಕೆ ಕಂಡುಕೊಂಡಿರುವ ನಟಿ ರಾಗಿಣಿ ದ್ವಿವೇದಿ. 'ತುಪ್ಪದ ಬೆಡಗಿ' ಅಂತಲೇ ಫೇಮಸ್ ಆಗಿರುವ ರಾಗಿಣಿ, ಇದೀಗ ಪಡ್ಡೆಗಳ ನಿದ್ದೆ ಕೆಡಿಸುವ ಪಾತ್ರಗಳಿಗಿಂತ ಹೊಡಿಬಡಿ ಕ್ಯಾರೆಕ್ಟರ್ ಗಳಲ್ಲೇ ಹೆಚ್ಚಾಗಿ ಮಿಂಚುತ್ತಿದ್ದಾರೆ.
'ಕನ್ನಡದ ಕಿರಣ್ ಬೇಡಿ', 'ಹೆಣ್ ಚಿರತೆ' ಮಾಲಾಶ್ರೀ ಅವರಂತೆ ಐಪಿಎಸ್ ಪಾಸ್ ಮಾಡಿ ಇದೀಗ 'ವೀರ ರಣಚಂಡಿ' ಆಗಿರುವ ರಾಗಿಣಿಗೆ ಒಂದು ಆಸೆ ಇದೆ. ಜುಂ...ಅಂತ ಒಮ್ಮೆ ಆದರೂ ಆಟೋ ಓಡಿಸಬೇಕು ಅಂತ ರಾಗಿಣಿ ಕನವರಿಸುತ್ತಿದ್ದಾರೆ.
ಅರೇ...ಬಿ.ಎಂ.ಡಬ್ಲ್ಯೂ, ಬೆಂಝ್ ನಲ್ಲಿ ಓಡಾಡುವ ರಾಗಿಣಿಗೆ ಯಾಕೆ ಮೂರು ಚಕ್ರದ ಆಟೋ ಮೇಲೆ ಕಣ್ಣು ಅಂತ ಬಾಯಿ ಮೇಲೆ ಬೆರಳಿಡಬೇಡಿ. ಇದು ಕೇವಲ ರೀಲ್ ಬಯಕೆ ಅಷ್ಟೆ. ಹಿಂದಿಗಿಂತ ಕೊಂಚ ತೆಳ್ಳಗಾಗಿ, ಮೊನ್ನೆಮೊನ್ನೆಯಷ್ಟೇ ಹೊಸ ಫೋಟೋಶೂಟ್ ಮಾಡಿಸಿಕೊಂಡ ರಾಗಿಣಿ ಅಂದು ಒಂದು ಆಟೋ ಏರಿ ಪೋಸ್ ಕೊಟ್ಟಿದ್ದರು. [ಪ್ರೇಮಿಗಳ ದಿನ ತುಪ್ಪದ ಬೆಡಗಿ ರಾಗಿಣಿ ಏನ್ಮಾಡ್ತಾರೆ?]
ಆಟೋ ಡ್ರೈವರ್ ಸೀಟ್ ನಲ್ಲಿ ಕೂತು ತೆಗೆಸಿಕೊಂಡಿರುವ ಫೋಟೋ ರಾಗಿಣಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿಬಿಟ್ಟಿದೆ. ಒಂದೊಳ್ಳೆ ಪಾತ್ರ ಸಿಕ್ಕರೆ, ಭವಿಷ್ಯದಲ್ಲಿ ಆಟೋ ಡ್ರೈವರ್ ಆಗುವುದಕ್ಕೂ ನಾನು ರೆಡಿ ಅಂತ ತಮ್ಮ ಫೇಸ್ ಬುಕ್ ನಲ್ಲಿ ಅಭಿಮಾನಿಗಳೊಂದಿಗೆ ರಾಗಿಣಿ ಹಂಚಿಕೊಂಡಿದ್ದಾರೆ.
ಹಾಗ್ನೋಡಿದ್ರೆ, 'ಲೇಡಿ ರ್ಯಾಂಬೋ' ಮಾಲಾಶ್ರೀ ಕೂಡ 'ಗಂಗಾ' ಚಿತ್ರದಲ್ಲಿ ಆಟೋ ಡ್ರೈವರ್ ಪಾತ್ರ ನಿರ್ವಹಿಸುತ್ತಿದ್ದಾರೆ. ರಾಗಿಣಿಯ ಈ ಹೊಸ ಕನವರಿಕೆಯನ್ನ ಕೇಳಿದವರು, ''ಮಾಲಾಶ್ರೀ ಹಾದಿಯಲ್ಲಿ ರಾಗಿಣಿ ಸಾಗುತ್ತಿದ್ದಾರೆ'' ಅಂತ ಮಾತನಾಡಿಕೊಳ್ಳುತ್ತಿದ್ದಾರೆ. [ಟಾಪ್ ಟು ಬಾಟಮ್ ಬದಲಾಗಿದ್ದಾರೆ ರಾಗಿಣಿ ನೋಡಿ]
ಯಾರು ಏನೇ ಅಂದ್ರೂ, 'ತುಪ್ಪದ ಬೆಡಗಿ' ರಾಗಿಣಿಯ ಸ್ಟೈಲ್ ಈಗ ಬದಲಾಗಿದೆ. ಅವರ ಈ ಲೇಟೆಸ್ಟ್ ಬಯಕೆಯನ್ನ ಈಡೇರಿಸುವುದಕ್ಕೆ ಯಾರಾದ್ರೂ ನಿರ್ಮಾಪಕರು ಮನಸ್ಸು ಮಾಡಿದರೆ, ಗಾಂಧಿನಗರದಲ್ಲಿ 'ತುಪ್ಪದ ಬೆಡಗಿ' ರಾಗಿಣಿ 'ಸಾರಥಿ'ಯ ತೇರು ಓಡಾಡುವುದು ಖಂಡಿತ. (ಫಿಲ್ಮಿಬೀಟ್ ಕನ್ನಡ)