ಕಂಗನಾ ರಣೌತ್‌ ಗೆ ನಾಲ್ಕು ಸಲಹೆ ನೀಡಿದ ನಟಿ ರಮ್ಯಾ

ಪೊಲೀಸರಿಗೆ ಸಾಕ್ಷ್ಯಗಳನ್ನು ನೀಡಿ: ರಮ್ಯಾ

'ಡ್ರಗ್ಸ್ ತೆಗೆದುಕೊಳ್ಳುವವರ ಹೆಸರು ಬಹಿರಂಗಗೊಳಿಸಬೇಕು ಎನಿಸಿದರೆ ಬಹಿರಂಗಗೊಳಿಸಿ, ಪೊಲೀಸರ ಬಳಿ ಹೋಗಿ ನಿಮ್ಮ ಬಳಿ ಇರುವ ಸಾಕ್ಷ್ಯಗಳನ್ನು ಕೊಡಿ, ಎನ್‌ಸಿಬಿ ಅಧಿಕಾರಿಗಳಿಗೆ ಸಹಕರಿಸಿ. ಏನೇ ಮಾಡಿದರು ಒಳ್ಳೆ ಉದ್ದೇಶದಿಂದ ಮಾಡಿ, ಪ್ರತೀಕಾರದ ಉದ್ದೇಶದಿಂದ ಅಲ್ಲ. ಬದಲಾವಣೆ ನಿಮ್ಮಿಂದಲೇ ಶುರುವಾಗಲಿ' ಎಂದಿದ್ದಾರೆ ನಟಿ ರಮ್ಯಾ.

ನಿಮ್ಮ ಉದ್ದೇಶ ಒಳ್ಳೆಯದಿದ್ದಂತೆ ಕಾಣುತ್ತಿಲ್ಲ: ರಮ್ಯಾ

'ನಿಮ್ಮ ಮಾತುಗಳನ್ನು ಗಮನಿಸಿದರೆ ನಿಮ್ಮ ಉದ್ದೇಶ ಒಳ್ಳೆಯದಿದ್ದಂತೆ ಕಾಣುತ್ತಿಲ್ಲ. ಹೆಸರು ಬಹಿರಂಗಗೊಳಿಸುತ್ತೇನೆ ಎಂದು ಹೆದರಿಸುವ ಬದಲಿಗೆ ಆ ವ್ಯಸನಿಗಳಿಗೆ ಸಲಹೆ ನೀಡಿ, ವ್ಯಸನದಿಂದ ಹೊರಬರಲು ಸಹಕರಿಸಿ. ಡ್ರಗ್ಸ್ ನಿರ್ಮೂಲನಾ, ಡ್ರಗ್ಸ್ ವ್ಯಸನ ವಿಮುಕ್ತಿ ಸಂಸ್ಥೆ ಸ್ಥಾಪಿಸಿ. ನೀವು ಆಧ್ಯಾತ್ಮಿಕದಲ್ಲಿ ನಂಬಿಕೆ ಇಟ್ಟವರು, ವ್ಯಸನಿಗಳಿಗೆ ಜೀವನದ ಖುಷಿಯ ಪರಿಚಯ ಮಾಡಿಸಿ' ಎಂದು ಉತ್ತಮ ಸಲಹೆ ನೀಡಿದ್ದಾರೆ ನಟಿ ರಮ್ಯಾ.

ರಶ್ಮಿಕಾ ಮಂದಣ್ಣ ಫೋಟೋ ನೋಡಿ ಮೋಹಕ ತಾರೆ ರಮ್ಯಾ ಹೇಳಿದ್ದೇನು?

ನಿಮ್ಮ ಸ್ವಂತ ಅನುಭವವನ್ನು ಹಂಚಿಕೊಳ್ಳಿ: ರಮ್ಯಾ

ನಿಜವಾಗಿಯೂ ಡ್ರಗ್ಸ್ ನಿರ್ಮೂಲನೆ ಮಾಡಬೇಕು ಎಂದುಕೊಂಡಿದ್ದರು, ಡ್ರಗ್ ವಿರೋಧಿ ಹೋರಾಟಗಾರ್ತಿಯಾಗಿ. ನೀವೇ ನಿಮ್ಮ ವಿಡಿಯೋ ಒಂದರಲ್ಲಿ ಹೇಳಿದ್ದಿರಿ, 'ನಾನು ಡ್ರಗ್ಸ್ ವ್ಯಸನಿ ಆಗಿದ್ದೆ' ಎಂದು. ಹಾಗಿದ್ದಲ್ಲಿ ನೀವು ಅದರಿಂದ ಹೇಗೆ ಹೊರಬಂದಿರಿ ಎಂದು ಜನರಿಗೆ ಹೇಳಿ, ಅವರೂ ಸಹ ಡ್ರಗ್ಸ್ ವ್ಯಸನಿದಿಂದ ಹೇಗೆ ಮುಕ್ತರಾಗಬಹುದು ಎಂದು ತಿಳಿಸಿ ಎಂದು ರಮ್ಯಾ ಹೇಳಿದ್ದಾರೆ.

Recommended Video

ನನ್ನ ನಂಬಿ ಸರ್ಕಾರ ದೊಡ್ಡ ಜವಾಬ್ದಾರಿ ಕೊಟ್ಟಿದೆ | Shruthi Krishna | Filmibeat Kannada

'ದೀಪಿಕಾ ಪಡುಕೋಣೆ-ಸಂಜಯ್ ದತ್‌ರಿಂದ ಕಲಿಯಬಹುದು'

ನಿಮ್ಮ ಸಹೋದ್ಯೋಗಿಗಳಾದ ದೀಪಿಕಾ ಪಡುಕೋಣೆ ಹಾಗೂ ಸಂಜಯ್ ದತ್ ಈ ನಿಟ್ಟಿನಲ್ಲಿ ಕೆಲವು ಒಳ್ಳೆಯ ಕಾರ್ಯಗಳನ್ನು ಮಾಡಿದ್ದಾರೆ. ನೀವು ಸಹ ಅವರಿಂದ ಕಲಿಯಬಹುದು ಎಂದು ಕಂಗನಾಗೆ ಹೇಳಿದ್ದಾರೆ ನಟಿ ರಮ್ಯಾ.

ಒಂದು ಕಾಲದಲ್ಲಿ ಪೈಪೋಟಿಗೆ ಬಿದ್ದಿದ್ದ ರಮ್ಯಾ ಮತ್ತು ರಕ್ಷಿತಾ ಈಗ ಫ್ರೆಂಡ್ಸ್!