ಸಿಹಿ ಸುದ್ದಿ ಕೊಡಲು ಸಜ್ಜಾದ ನಟಿ ರಮ್ಯಾ: ಸಮಾಚಾರ ಏನ್ ಗೊತ್ತಾ?

ಸಿಹಿ ಸುದ್ದಿ ನೀಡಲಿರುವ ರಮ್ಯಾ

ಮೋಹಕ ತಾರೆ ನಟಿ ರಮ್ಯಾ ಸಿನಿಮಾರಂಗದಲ್ಲಿ ಇತ್ತೀಚೆಗೆ ಸಕ್ರಿಯವಾದ ಬಳಿಕ, ರಮ್ಯಾ ಕಮ್‌ಬ್ಯಾಕ್ ಯಾವಾಗ, ನಟಿ ರಮ್ಯಾ ಅವರನ್ನು ತೆರೆಯ ಮೇಲೆ ನೋಡೋದು ಯಾವಾಗ ಎಂದು ಅಭಿಮಾನಿ ಬಳಗ ಕಾಯುತ್ತಿತ್ತು. ಅದ್ದಕ್ಕೀಗ ಕಾಲ ಕೂಡಿ ಬಂದಂತಿದೆ. ನಟಿ ರಮ್ಯಾ ಹಂಚಿಕೊಂಡಿರುವ ಹೊಸದೊಂದು ಪೋಸ್ಟರ್ ಈಗ ಕುತೂಹಲಕ್ಕೆ ಕಾರಣವಾಗಿದೆ. ಪೋಸ್ಟರ್‌ನಲ್ಲಿ ನಟಿ ರಮ್ಯಾ ಸಿಹಿ ಸುದ್ದಿ ಕೊಡ್ತೀನಿ ಎಂದು ಬರೆದುಕೊಂಡಿರುವುದೇ ಕುತೂಹಲಕ್ಕೆ ಕಾರಣವಾಗಿದೆ.

ವಿಶೇಷ ಪೋಸ್ಟ್ ಹಂಚಿಕೊಂಡ ರಮ್ಯಾ!

ನಟಿ ರಮ್ಯಾ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಸಕ್ರಿಯವಾಗದ್ದು, ಹಲವಾರು ವಿಚಾರಗಳನ್ನು ಟ್ವಿಟ್ಟರ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಾರೆ. ಈಗ ರಮ್ಯಾ ಹಂಚಿಕೊಂಡಿರುವ ಪೋಸ್ಟ್ ಅತ್ಯಂತ ವಿಶೇಷವಾಗಿದೆ. " ಇಷ್ಟು ದಿನ ನಾನು ಸಮಯ ತೆಗೆದುಕೊಂಡಿದ್ದು ಸಾಕು ಅನಿಸುತ್ತೆ ಅಲ್ಲವಾ? ನಾನು ನಿಮ್ಮೊಂದಿಗೆ ನಾಳೆ ಬೆಳಗ್ಗೆ 11:15ಕ್ಕೆ ಸಿಹಿ ಸುದ್ದಿಯನ್ನು ಹಂಚಿಕೊಳ್ಳಲು ನಾನು ಕಾತರಳಾಗಿದ್ದೇನೆ. ಇದು ಅಧಿಕೃತ." ಎಂದು ಬರೆದುಕೊಂಡಿದ್ದಾರೆ.

ನಟಿ ರಮ್ಯಾ ಕಮ್‌ ಬ್ಯಾಕ್?

ನಟಿ ರಮ್ಯಾ ಈ ಪೋಸ್ಟ್ ಹಂಚಿಕೊಂಡಿರುವುದು, ತಮ್ಮ ಮುಂದಿನ ಸಿನಿಮಾದ ಬಗ್ಗೆ ಮಾಹಿತಿಯನ್ನು ಕೊಡಲು ಎನ್ನುವುದು ಮೇಲ್ನೋಟಕ್ಕೆ ಸ್ಪಷ್ಟವಾಗಿದೆ. ಇತ್ತೀಚೆಗೆ ರಮ್ಯಾ, ರಾಜ್ ಬಿ ಶೆಟ್ಟಿ ಮತ್ತು ನಟಿ ಅಮೃತಾ ಅಯ್ಯಂಗಾರ್ ಜೊತೆಗೆ ಇರುವ ಫೋಟೊ ಒಂದನ್ನು ಹಂಚಿಕೊಂಡಿದ್ದರು. ಇದಕ್ಕೂ ಮುನ್ನ ಈ ಹಿಂದೆ ರಾಜ್ ಬಿ ಶೆಟ್ಟಿ ಜೊತೆಗೆ ಕಾಣಿಸಿಕೊಂಡಿದ್ದರು. ಹಾಗಾಗಿ ಇವರ ಕಾಂಬಿನೇಷನ್‌ನಲ್ಲಿ ಸಿನಿಮಾ ಬರಬಹುದು ಎನ್ನುವ ಚರ್ಚೆವೂ ಸೃಷ್ಟಿಯಾಗಿತ್ತು.

ಅಭಿಮಾನಿಗಳು ಫುಲ್ ಖುಷ್!

ನಟಿ ರಮ್ಯಾ ತಮ್ಮ ಪೋಸ್ಟ್‌ನಲ್ಲಿ ಸಿಹಿ ಸುದ್ದಿ ಕೊಡ್ತೀನಿ ಎಂದು ಹೇಳಿಕೊಂಡಿರುವು, ಅಭಿಮಾನಿಗಳ ಸಂತಸಕ್ಕೆ ಕಾರಣವಾಗಿದೆ. ರಮ್ಯಾ ಈ ಪೋಸ್ಟ್ ಹಾಕಿದ ಬಳಿಕ ರಮ್ಯಾಗೆ ಶುಭಾಶಯದ ಮಹಾಪೋರವೇ ಹರಿದು ಬರ್ತಿದೆ. ರಮ್ಯಾಗೆ ಅದಾಗಲೇ ವೆಲ್ಕಂ ಬ್ಯಾಕ್ ಟು ಸ್ಯಾಂಡಲ್‌ವುಡ್ ಎಂದು ಶುಭಾಶಯ ಕೋರುತ್ತಿದ್ದಾರೆ. ಜೊತೆಗೆ ರಮ್ಯಾ ಬರುವ ತನಕ ಮಾತ್ರ ಬೇರೆಯವರ ಹವಾ, ರಮ್ಯಾ ಬಂದಮೇಲೆ ಅವ್ರದ್ದೇ ಹವಾ ಎಂದು ಕಮೆಂಟ್ ಮಾಡುತ್ತಿದ್ದಾರೆ.