ಚೊಚ್ಚಲ ಚಿತ್ರದ ವೇಳೆ ಕ್ಲಿಕ್ಕಿಸಿದ ಮೊದಲ ಫೋಟೋ ಹಂಚಿಕೊಂಡ ರಮ್ಯಾ

'ಅಭಿ' ಚಿತ್ರದ ವೇಳೆ ಫೋಟೋಶೂಟ್

ರಮ್ಯಾ ನಟಿಸಿದ ಮೊದಲ ಸಿನಿಮಾ ಅಭಿ. ಈ ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್ ನಾಯಕರಾಗಿದ್ದರು. ಈ ಸಿನಿಮಾದ ಸೆಟ್‌ನಲ್ಲಿ ಕ್ಲಿಕ್ಕಿಸಿದ್ದ ಫೋಟೋವೊಂದನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿರುವ ರಮ್ಯಾ ಆರಂಭದ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಯಾರೇ ಇರಲಿ, ಯಾರೇ ಬರಲಿ ನಿನ್ನ ರೇಂಜಿಗೆ ಯಾರಿಲ್ಲ...

ರಮ್ಯಾ ಹಂಚಿಕೊಂಡಿರುವ ಈ ಫೋಟೋಗೆ ಸಾವಿರಾರು ಜನರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ''ಯಾರೇ ಇರಲಿ, ಯಾರೇ ಬರಲಿ ನಿನ್ನ ರೇಂಜಿಗೆ ಯಾರಿಲ್ಲ...'' ಎಂದು ಹೇಳುತ್ತಿದ್ದಾರೆ. ಕನ್ನಡ ಇಂಡಸ್ಟ್ರಿಗೆ ರಮ್ಯಾ ಒಬ್ಬರೇ, ಈಗಲೂ ರಮ್ಯಾ ವಾಪಸ್ ಆದ್ರೆ ನಂಬರ್ ವನ್ ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.

ಒಂದೇ ವರ್ಷದಲ್ಲಿ ತೆಲುಗು-ತಮಿಳಿಗೂ ಎಂಟ್ರಿ!

'ಅಭಿ' ಸಿನಿಮಾ ಹಿಟ್ ಆದ ನಂತರ ಎಕ್ಸ್‌ಕ್ಯೂಸ್‌ಮಿ ಸಿನಿಮಾ ಮಾಡಿದರು. ಆಮೇಲೆ ತೆಲುಗಿನಲ್ಲಿ ಕಲ್ಯಾಣ್ ರಾಮ್ ಜೊತೆ 'ಅಭಿಮನ್ಯು' ಎಂಬ ಸಿನಿಮಾ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡರು. ಇದು ರಮ್ಯಾ ಅವರ ಮೊದಲ ತೆಲುಗು ಸಿನಿಮಾ. ಇದಾದ ಕೆಲವು ತಿಂಗಳಲ್ಲಿ ಸಿಂಬು ಜೊತೆ 'ಕುತ್ತು' ಎಂಬ ತಮಿಳು ಚಿತ್ರ ಮಾಡಿದರು. ಹೀಗೆ, ಕೇವಲ ಒಂದು ವರ್ಷದ ಅಂತರದಲ್ಲಿ ಕನ್ನಡ, ತೆಲುಗು ಹಾಗೂ ತಮಿಳಿನಲ್ಲಿ ರಮ್ಯಾ ನಟಿಸಿದ್ದರು.

Recommended Video

ಮೈದಾನದಲ್ಲಿದ್ರು ಕೊಹ್ಲಿಗೆ ಅನುಷ್ಕಾ ಶರ್ಮಾರದ್ದೇ ಚಿಂತೆ | Filmibeat Kannada

ಆರ್ಯನ್ ಕೊನೆ ಸಿನಿಮಾ

ಅಧಿಕೃತವಾಗಿ ಶಿವರಾಜ್ ಕುಮಾರ್ ಜೊತೆ ನಟಿಸಿದ 'ಆರ್ಯನ್' ಸಿನಿಮಾ ರಮ್ಯಾ ಅವರ ಕೊನೆಯ ಚಿತ್ರ. ಆದ್ರೆ, ಕೋಡಿ ರಾಮಕೃಷ್ಣ ನಿರ್ದೇಶನದಲ್ಲಿ ಕಾಣಿಸಿಕೊಂಡಿದ್ದ 'ನಾಗರಹಾವು' ಸಿನಿಮಾ ಕೊನೆಯದಾಗಿ ಬಿಡುಗಡೆಯಾಗಿತ್ತು.