ಲೈಂಗಿಕ ಕಿರುಕುಳ ನೀಡಿದ ಕಾಮುಕನಿಗೆ ರೈಲಿನಲ್ಲೇ ಬುದ್ದಿ ಕಲಿಸಿದ ನಟಿ

ನಟಿ ಸನೂಷಾಗೆ ಲೈಂಗಿಕ ಕಿರುಕುಳ

ಸಂತೆಯಲ್ಲಿ ನಿಂತ ಕಬೀರ ಸಿನಿಮಾ ಮೂಲಕ ಕನ್ನಡ ಸಿನಿಮಾ ಪ್ರೇಕ್ಷಕರನ್ನ ರಂಜಿಸಿದ್ದ ನಟಿ ಸನೂಷಾ ಅವರಿಗೆ ಲೈಂಗಿಕ ಕಿರುಕುಳ ಉಂಟಾಗಿದೆ. ಮಂಗಳೂರಿನಿಂದ ತಿರುವಂತಪುರಂ ಗೆ ರೈಲಿನಲ್ಲಿ ಪ್ರಯಾಣ ಮಾಡುತ್ತಿದ್ದ ವೇಳೆಯಲ್ಲಿ ಈ ಘಟನೆ ನಡೆದಿದೆ.

ಪ್ರಯಾಣಿಕರ ಕೈಗೆ ಸಿಕ್ಕಿ ಬಿದ್ದ ಕಾಮುಕ

ನಟಿ ಸನೂಷಾ ರಾತ್ರಿ ವೇಳೆಯಲ್ಲಿ ರೈಲಿನಲ್ಲಿ ಪ್ರಯಾಣ ಮಾಡುತ್ತಿದ್ದರು. ಇದೇ ವೇಳೆಗೆ ಅವರ ಬಳಿ ಬಂದಿರುವ ಕಾಮುಕ ಕಿರುಕುಳ ನೀಡಲು ಪ್ರಾರಂಭಿಸಿದ್ದಾನೆ. ಅದೇ ಸಮಯದಲ್ಲಿ ಉಪಾಯ ಮಾಡಿದ ಸನೂಷಾ ಕಾಮುಕನ ಕೈ ಹಿಡಿದುಕೊಂಡು ಜೋರಾಗಿ ಕೂಗಿಕೊಂಡಿದ್ದಾರೆ. ನಂತರ ಪ್ರಯಾಣಿಕರ ಸಹಾಯದಿಂದ ಕಾಮುಕನನ್ನು ಪೊಲೀಸರಿಗೆ ಹಿಡಿದುಕೊಟ್ಟಿದ್ದಾರೆ.

ಕಂಬಿ ಹಿಂದೆ ಕಾಮುಕ

ಪ್ರಯಾಣಿಕರು ಸಹಾಯದಿಂದ ಕಾಮುಕನನ್ನು ರೈಲ್ವೇ ಪೊಲೀಸರಿಗೆ ಹಿಡುದುಕೊಟ್ಟಿದ್ದಾರೆ. ವಿಚಾರಣೆ ವೇಳೆಯಲ್ಲಿ ರಾತ್ರಿಯಲ್ಲಿ ಪ್ರಯಾಣ ಮಾಡುವ ಮಹಿಳೆಯರಿಗೆ ಈತ ಕಿರುಕುಳ ನೀಡುತ್ತಿದ್ದ ಎಂದು ತಿಳಿದು ಬಂದಿದೆ.

ಸನೂಷ ಸಂತೋಷ್ ಸಾಹಸವನ್ನ ಮೆಚ್ಚಿನ ಚಿತ್ರರಂಗ

ಸನೂಷಾ ಶಿವರಾಜ್ ಕುಮಾರ್ ಜೊತೆಯಲ್ಲಿ 'ಸಂತೆಯಲ್ಲಿ ನಿಂತ ಕಬೀರ ಸಿನಿಮಾ'ದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದರು. ಸನೂಷ ಸಾಹಸ ಮತ್ತು ಧೈರ್ಯವನ್ನ ಚಿತ್ರರಂಗ ಹಾಗೂ ಸಹ ಪ್ರಯಾಣಿಕರು ಮೆಚ್ಚಿಕೊಂಡಿದ್ದಾರೆ.