Don't Miss!
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Automobiles ಶಿಯೋಮಿಯ ಈ ಎಲೆಕ್ಟ್ರಿಕ್ ಕಾರು ಸ್ಮಾರ್ಟ್ಫೋನ್ಗಳಂತೆ ಅಗ್ಗದ ಬೆಲೆ: ರೇಂಜ್ ಕೇಳಿದ್ರೆ ತಲೆ ತಿರುಗುತ್ತೆ!
- Technology ಈ Amoled ಡಿಸ್ಪ್ಲೇ ಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ!..ಈ ಆಫರ್ಗೆ ನೀವು ಫಿದಾ ಆಗ್ತೀರಾ!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕಾಮನಬಿಲ್ಲು' ಸರಿತಾ ಸಂಸಾರದಲ್ಲಿ 'ತಪ್ಪಿದ ತಾಳ'
ಎಪ್ಪತ್ತು, ಎಂಬತ್ತರ ದಶಕದಲ್ಲಿ ಕನ್ನಡ ಚಿತ್ರಪ್ರೇಮಿಗಳನ್ನು ಅಪಾರವಾಗಿ ಕಾಡಿದ ತಾರೆ ಸರಿತಾ (54). ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂನ 140ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸುವ ಮೂಲಕ ತನ್ನದೇ ಆದಂತಹ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಇಂತಹ ಅಭಿನೇತ್ರಿಯ ಸಂಸಾರದಲ್ಲಿ ಬಿರುಗಾಳಿ ಎದ್ದಿದೆ.
ತನ್ನ ಪತಿಯ ಕಿರುಕುಳದಿಂದ ನೊಂದ ಘಟನೆ ಬೆಳಕಿಗೆ ಬಂದಿದೆ. ಮಲಯಾಳಂ ಜನಪ್ರಿಯ ನಟ ಮುಕೇಶ್ ಅವರನ್ನು 1988ರಲ್ಲಿ ವರಿಸಿದ್ದರು. ಇವರ ಅನುರೂಪ ದಾಂಪತ್ಯದ ಫಲವೇ ಶ್ರಾವಣ್ ಮತ್ತು ತೇಜಸ್.
ಈಗ ತನಗೆ ವಿಚ್ಛೇದನ ನೀಡದೆ ತಮ್ಮ ಪತಿ ಮುಕೇಶ್ ಮತ್ತೊಬ್ಬರನ್ನು ವರಿಸಿದ್ದಾರೆ ಎಂದು ಸರಿತಾ ಆರೋಪಿಸಿದ್ದಾರೆ. ಮುಕೇಶ್ ಅವರು ನೃತ್ಯ ಕಲಾವಿದೆ ಮೆಥಿಲ್ ದೇವಿಕಾರನ್ನು ಮದುವೆಯಾಗಿದ್ದಾರೆ. ಇದು ಅಕ್ರಮ ಮದುವೆ ಎಂಬುದು ಸರಿತಾ ಆರೋಪ.
ಮಕ್ಕಳ ಜೊತೆ ದುಬೈನಲ್ಲಿರುವ ಸರಿತಾ
ಸದ್ಯಕ್ಕೆ ಸರಿತಾ ಅವರು ತಮ್ಮ ಇಬ್ಬರು ಪುತ್ರರ ಜೊತೆ ದುಬೈನಲ್ಲಿ ನೆಲೆಸಿದ್ದಾರೆ. 2007ರಲ್ಲೇ ಸರಿತಾ ಮತ್ತು ಮುಕೇಶ್ ವಿಚ್ಛೆದನಕ್ಕೆ ಮೊರೆ ಹೋಗಿದ್ದರು. 2009ರಲ್ಲಿ ಇವರಿಬ್ಬರಿಗೂ ವಿಚ್ಛೇದನಕ್ಕೆ ಅನುಮತಿ ನೀಡಲಾಗಿದೆ ಎನ್ನುತ್ತವೆ ಮೂಲಗಳು.
ಸರಿತಾ ಅವರಿಗೂ ಇದು ಎರಡನೇ ಮದುವೆ
ಮುಕೇಶ್ ಅವರನ್ನು ಕೈಹಿಡಿಯುವುದಕ್ಕೂ ಮುನ್ನ ಸರಿತಾ ಅವರಿಗೆ 16ನೇ ವಯಸ್ಸಿನಲ್ಲೇ ತೆಲುಗು ನಟ ವೆಂಕಟ ಸುಬ್ಬಯ್ಯ ಎಂಬುವವರ ಜೊತೆ ಮದುವೆಯಾಗಿತ್ತು. ಆದರೆ ಆ ಮದುವೆ ಬಹಳ ಕಾಲ ನಿಲ್ಲಲಿಲ್ಲ. ಆರು ತಿಂಗಳಿಗೇ ಮುರಿದುಬಿತ್ತು. 1988ರಲ್ಲಿ ಸುಬ್ಬಯ್ಯ ಅವರಿಂದ ಸರಿತಾ ವಿಚ್ಛೇದನ ಪಡೆದಿದ್ದರು.
ಸರಿತಾ ಅಭಿನಯದ ಕನ್ನಡ ಚಿತ್ರಗಳು
ಕನ್ನಡದ ಬಹಳಷ್ಟು ಸದಭಿರುಚಿಯ ಚಿತ್ರಗಳಲ್ಲಿ ಸರಿತಾ ಅವರು ಅಭಿನಯಿಸಿದ್ದಾರೆ. ಅವುಗಳಲ್ಲಿ ತಪ್ಪಿದ ತಾಳ, ಚಲಿಸುವ ಮೋಡಗಳು, ಹೊಸಬೆಳಕು, ಎರಡು ರೇಖೆಗಳು, ಭಕ್ತ ಪ್ರಹ್ಲಾದ, ಕಾಮನಬಿಲ್ಲು, ಬ್ರಹ್ಮಗಂಟು, ಮುಗಿಲ ಮಲ್ಲಿಗೆ, ಬಾಳೊಂದು ಭಾವಗೀತೆ ಮುಂತಾದ ಚಿತ್ರಗಳನ್ನು ಹೆಸರಿಸಬಹುದು.
ಮುಕೇಶ್ ಒಬ್ಬ ಪ್ರತಿಭಾವಂತ ನಟ
ಮಲೆಯಾಳಂನ ಮುಕೇಶ್ ಅವರು 300ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಮಲಯಾಳಂ ಚಿತ್ರರಂಗ ಕಂಡಂತಹ ಒಬ್ಬ ಪ್ರತಿಭಾವಂತ ನಟ.
ಕಾನೂನು ಕ್ರಮ ಕೈಗೊಳ್ಳುತ್ತೇನೆ ಎಂದ ಸರಿತಾ
ಸರಿತಾ ಅವರ ಆಪಾದನೆ ಏನೆಂದರೆ, ನಾನು ಭಾರತದಲ್ಲಿಲ್ಲದ ವೇಳೆ ಮುಕೇಶ್ ನನಗೆ ವಿಚ್ಛೇದನ ಇನ್ನೊಂದು ಮದುವೆಯಾಗಿದ್ದಾರೆ. ನನಗೆ ಜೀವನಾಂಶವನ್ನೂ ಕೊಟ್ಟಿಲ್ಲ. ಅವರ ವಿರುದ್ಧ ಕಾನೂನು ಕ್ರಮಕ್ಕೆ ಮುಂದಾಗುತ್ತೇನೆ ಎಂದಿದ್ದಾರೆ.