ಶರ್ಮಿಳಾ ಮಂಡ್ರೆ ಕಡೆಯಿಂದ ಬಂತು ಒಂದು ದೊಡ್ಡ ಸುದ್ದಿ!

ಕನ್ನಡದ ನಟಿಯರು ಈಗ ಸಿನಿಮಾ ನಿರ್ಮಾಣಕ್ಕೆ ಕೈ ಹಾಕುವುದು ಹೆಚ್ಚಾಗಿದೆ. ರಚಿತಾ ರಾಮ್, ಶೃತಿ ಹರಿಹರನ್, 'ಸ್ಪರ್ಶ' ರೇಖಾ ನಂತರ ಈಗ ನಟಿ ಶರ್ಮಿಳಾ ಮಂಡ್ರೆ ಕೂಡ ಸಿನಿಮಾವನ್ನು ನಿರ್ಮಾಣ ಮಾಡುವುದಕ್ಕೆ ಪ್ಲಾನ್ ಮಾಡಿದ್ದಾರೆ.

'ಸಜನಿ' ಸಿನಿಮಾದ ಮೂಲಕ ಕನ್ನಡಕ್ಕೆ ಕಾಲಿಟ್ಟ ಶರ್ಮಿಳಾ ಮಂಡ್ರೆ ಮುಂದೆ ಅನೇಕ ಸಿನಿಮಾ ಮಾಡಿದರು. ಅದೇಕೋ ಹಿಟ್ ಗಿಂತ ಹೆಚ್ಚು ಫ್ಲಾಪ್ ಸಿನಿಮಾಗಳನ್ನೇ ನೀಡಿದರು. ಆದರೆ ಈಗ ನಿರ್ಮಾಪಕಿ ಆಗಿ ಶರ್ಮಿಳಾ ಮಂಡ್ರೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. ಈಗಾಗಲೇ ತಮ್ಮ ನಿರ್ಮಾಣ ಸಂಸ್ಥೆಗೆ 'ಶರ್ಮಿಳಾ ಮಂಡ್ರೆ ಪ್ರೊಡಕ್ಷನ್ಸ್' ಎಂಬ ಹೆಸರು ಇಟ್ಟಿದ್ದಾರೆ. ಇನ್ನು ಮುಂದಿನ ವರ್ಷದಿಂದ ಅವರ ಸಿನಿಮಾ ನಿರ್ಮಾಣ ಕೆಲಸ ಶುರು ಆಗಲಿದೆಯಂತೆ.

ಇನ್ನು ತಮ್ಮ ಹೊಸ ಯೋಜನೆ ಬಗ್ಗೆ ಮಾತನಾಡಿರುವ ಅವರು ''ನನ್ನ ಬ್ಯಾನರ್ ನಡಿ ಉತ್ತಮ ಚಿತ್ರಗಳನ್ನು ನಿರ್ಮಿಸುವ ಆಕಾಂಕ್ಷೆ ಹೊಂದಿದ್ದೇನೆ, ನಾನು ತಯಾರಿಸುವ ಚಿತ್ರಗಳಲ್ಲಿ ನಟಿಸುವ ಆಸೆ ನನಗಿಲ್ಲ. ಹೊಸಬರನ್ನು ಹಾಕಿಕೊಂಡು ಚಿತ್ರ ನಿರ್ಮಿಸುವುದು ನನ್ನ ಉದ್ದೇಶವಾಗಿದೆ'' ಎಂದು ಹೇಳಿದ್ದಾರೆ.