ಮದುವೆ ಆದ ವಾರಕ್ಕೆ ಶೂಟಿಂಗ್‌ಗೆ ಮರಳಿದ ಶುಭಾ ಪೂಂಜಾ!

ಅಂಬುಜಾ ಚಿತ್ರದ ಶೂಟಿಂಗ್‌ಗೆ ಮರಳಿದ ಶುಭಾ ಪೂಂಜಾ!

ಮದುವೆ ಆದ ಒಂದೇ ವಾರಕ್ಕೆ ನಟಿ ಶುಭಾ ಪೂಂಜಾ ಚಿತ್ರೀಕರಣಕ್ಕೆ ಮರಳಿದ್ದಾರೆ. ಶೂಟಿಂಗ್‌ನಲ್ಲಿ ಭಾಗಿ ಆಗಿದ್ದಾರೆ. ಶುಭಾ ಪೂಂಜಾ ಸದ್ಯ ಅಂಬುಜಾ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಶೂಟಿಂಗ್‌ ಸೆಟ್‌ನಲ್ಲಿ ಇರುವ ಫೋಟೊವನ್ನು ಶುಭಾ ಪೂಂಜಾ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಶೂಟಿಂಗ್‌ಗೆ ಮರಳಿದ್ದೇನೆ ಎಂದು ಬರೆದು ಕೊಂಡಿದ್ದಾರೆ. ಈ ಚಿತ್ರದಲ್ಲಿ ಶುಭಾ ವಿಶೇಷ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ವಾರದ ಹಿಂದೆ ಮದುವೆ ಆಗಿದ್ದ ಶುಭಾ ಪೂಂಜಾ!

ಶುಭಾ ಪೂಂಜಾ ಕೆಳೆದ ವಾರ ಸುಮಂತ್ ಮಹಾಬಲ ಅವರ ಜೊತೆಗೆ ಮದುವೆ ಆಗಿದ್ದಾರೆ. ಮದುವೆಯ ಬಳಿಕ ಶುಭಾ ಪೂಂಜಾ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಂಚಿಕೊಳ್ಳುವ ಮೂಲಕ ಮದುವೆ ಆದ ವಿಚಾರವನ್ನು ಹಂಚಿಕೊಂಡರು. "ಶುಭಾ ಪೂಂಜಾ: ಪ್ರೀತಿಯ ಎಲ್ಲರಿಗೂ ನಮಸ್ಕಾರಗಳು. ಇಂದು ನಾನು ಮತ್ತು ಸುಮಂತ್ ಮಹಾಬಲ ಗುರು ಹಿರಿಯರು ಮತ್ತು ಆತ್ಮೀಯ ಸ್ನೇಹಿತರ ಸಮ್ಮುಖದಲ್ಲಿ ನಮ್ಮ ಊರು ಮಜಲಬೆಟ್ಟು ಬೀಡುವಿನಲ್ಲಿ ಸರಳ ವಿವಾಹವಾದೆವು. ನಿಮ್ಮೆಲ್ಲರ ಪ್ರೀತಿ ಮತ್ತು ಹಾರೈಕೆಗಳು ನಮ್ಮ ಮೇಲಿರಲಿ" ಎಂದು ಪೋಸ್ಟ್‌ನಲ್ಲಿ ಶುಭಾ ಬರೆದು ಕೊಂಡಿದ್ದರು.

ಅಜ್ಜಿ ಮನೆಯಲ್ಲಿ ಸರಳವಾಗಿ ಮದುವೆ ಆದ ಶುಭಾ ಪೂಂಜಾ!

ಅಜ್ಜಿ ಮನೆಯಲ್ಲಿ ಮದುವೆ ಆಗಬೇಕು ಎನ್ನುವುದು ಶುಭಾ ಪೂಂಜಾ ಅವರ ಬಹು ದಿನಗಳ ಕನಸಾಗಿತ್ತು. ಅಂತೆಯೇ ಅವರು ಮನೆಯಲ್ಲಿ ಮದುವೆ ಆದರು. ಈ ಬಗ್ಗೆ ಶುಭಾ ಮಾತನಾಡಿದ್ದರು. "ಇದು ನನ್ನ ಊರು, ಇದು ಅಜ್ಜಿ ಮನೆ, ನಾನು ಹುಟ್ಟಿ ಬೆಳೆದ ಮನೆಯಲ್ಲಿಯೇ ಮದುವೆ ಆಗಬೇಕು ಎನ್ನುವ ಆಸೆ ಇತ್ತ. ಹಾಗಾಗಿ ಇಲ್ಲೇ ಮದುವೆ ಆಗಿದ್ದೇವೆ". ಕುಟುಂಬಸ್ಥರು, ಗುರು ಹಿರಿಯರ ಸಮ್ಮುಖದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು ಶುಭಾ, ಸುಮಂತ್.

2 ವರ್ಷದಿಂದ ಪ್ರೀತಿಸುತ್ತಿದ್ದ ಶುಭಾ-ಸುಮಂತ್!

ಇನ್ನು ಶುಭಾ ಪೂಂಜಾ ಮತ್ತು ಸುಮಂತ್ ಮಹಾಬಲ ಅವರು ಎರಡು ವರ್ಷಗಳಿಂದ ಪ್ರೀತಿಯಲ್ಲಿ ಇದ್ದರು. ಮನೆಯವರ ಒಪ್ಪಿಯ ಮೇರೆಗೆ ಈ ವೈವಾಹಿಕ ಜೀವಾನಕ್ಕೆ ಶುಭಾ, ಸುಮಂತ್ ಕಾಲಿಟ್ಟಿದ್ದಾರೆ. ಇನ್ನು ಮದುವೆ ಆದ ಒಂದೇ ವಾರಕ್ಕೆ ಶುಭಾ ಪೂಂಜಾ ಅವರು, ಶೂಟಿಂಗ್‌ಗೆ ಮರಳಿದ್ದಾರೆ.