46 ವರ್ಷದ ನಟಿ ಸಿತಾರಾ ಮದುವೆ ಆಗದಿರಲು ಕಾರಣ ಆ ಒಬ್ಬ ವ್ಯಕ್ತಿ

ಕೇರಳದ ಕಿಲಿಮನೂರ್‌ ನಲ್ಲಿ ಸಿತಾರಾ ಜನನ

ನಟಿ ಸಿತಾರಾ ಕೇರಳದ ಕಿಲಿಮನೂರ್ ಎಂಬಲ್ಲಿ ಜನಿಸಿದರು. ಪೋಷಕರ ಹೆಸರು ರಾಮೇಶ್ವರನ್ ನಾಯರ್ ಮತ್ತು ವಲ್ಸಲಾ ನಾಯರ್. ಕಾಲೇಜು ಓದುವಾಗಲೇ ಸಿನಿಮಾಕ್ಕೆ ಪ್ರವೇಶಿಸಿದರು ಸಿತಾರಾ. ಕೆಲವೇ ದಿನಗಳಲ್ಲಿ ಖ್ಯಾತರಾಗಿಬಿಟ್ಟರು.

ಅಪ್ಪನನ್ನು ವಿಪರೀತ ಹಚ್ಚಿಕೊಂಡಿದ್ದ ಸಿತಾರಾ

ಆ ಸಮಯದಲ್ಲೆಲ್ಲಾ ತಂದೆಯೊಂದಿಗೆ ಚಿತ್ರೀಕರಣಕ್ಕೆ ಹೋಗುವುದು ಬರುವುದು ಮಾಡುತ್ತಿದ್ದರು. ತಂದೆ ರಾಮೇಶ್ವರನ್ ನಾಯರ್ ಅವರನ್ನು ಬಹುವಾಗಿ ಹಚ್ಚಿಕೊಂಡಿದ್ದರು ಸಿತಾರಾ. ಅವರ ನೆರಳಲ್ಲೇ ಸಿತಾರಾ ಇದ್ದರು. ನಾಲ್ಕೂ ಭಾಷೆಗಳಲ್ಲಿ ಹಲವು ಸಿನಿಮಾಗಳನ್ನು ಅವರು ಮಾಡುತ್ತಿದ್ದರು.

ಅಪ್ಪನ ಅಗಲಿಕೆಯಿಂದ ಆಘಾತಕ್ಕೊಳಗಾದ ಸಿತಾರಾ

ಆದರೆ ಅಪ್ಪ ತೀರಿಕೊಂಡಾಗ ತೀವ್ರ ಆಘಾತಕ್ಕೆ ಒಳಗಾದ ಸಿತಾರಾ ಸಿನಿಮಾಗಳಿಂದಲೂ ದೂರ ಉಳಿದುಬಿಟ್ಟರು. ಅಷ್ಟೆ ಅಲ್ಲ ಮದುವೆ ಬಗ್ಗೆ ಯೋಚನೆ ಸಹ ಅವರು ಮಾಡಲಿಲ್ಲ. ನಂತರವೂ ಅದೇ ಗುಂಗಿನಲ್ಲಿದ್ದ ಸಿತಾರಾಗೆ ಮದುವೆಯ ಆಲೋಚನೆಯೇ ಬರಲಿಲ್ಲವಂತೆ.

''ಅಪ್ಪ ಇದ್ದಿದ್ದರೆ ಹೀಗಿರುತ್ತಿರಲಿಲ್ಲ''

ಸಿತಾರಾ ತಂದೆ ಬದುಕಿದ್ದಿದ್ದರೆ ಮದುವೆ ಮಾಡುತ್ತಿದ್ದರೇನೋ, ಆದರೆ ಅದಾಗಲಿಲ್ಲ. ಹಾಗೆಯೇ ಕಾಲ ಸರಿದು ಹೋಯಿತು. ಸಿತಾರಾ ಸಹ ಸಿನಿಮಾಗಳಲ್ಲಿ ಬ್ಯುಸಿ ಆದ ಕಾರಣ ಮದುವೆಯತ್ತ ಗಮನವೇ ಹರಿಯಲಿಲ್ಲ. ಹೀಗೆಯೇ ಸಮಯ ಉರುಳಿ ಈಗ ಸಿತಾರಾ ಅವರಿಗೆ 46 ವರ್ಷ ವಯಸ್ಸು.

ಬಚ್ಚಿಟ್ಟು ಮದುವೆ ಆಗುವುದಿಲ್ಲ: ಸಿತಾರಾ

ಸಂದರ್ಶನದಲ್ಲಿ ಅವರೇ ಹೇಳಿದಂತೆ, 'ನನಗೆ ಮದುವೆ ಆಗಿಲ್ಲ, ಇದು ಬಹಳ ಜನರಿಗೆ ಗೊತ್ತಿಲ್ಲ. ಆದರೆ ನಾನೊಂದು ಮದುವೆ ಆದರೆ ಖಂಡಿತ ಅದನ್ನು ಗುಟ್ಟಾಗಿ ಇಡುವುದಿಲ್ಲ, ಎಲ್ಲರಿಗೂ ತಿಳಿಸುತ್ತೇನೆ' ಎಂದಿದ್ದಾರೆ.