ಸ್ಟುಡಿಯೋಗೆ ಕರೆಸಿ ನನ್ನನ್ನ ಬಳಸಿಕೊಂಡ ದೊಡ್ಡ ನಿರ್ಮಾಪಕನ ಮಗ: ಶ್ರೀರೆಡ್ಡಿ

ನಿರ್ಮಾಪಕರ ಮಗ ನನ್ನನ್ನ ಬಳಸಿಕೊಂಡ.!

ನಿರ್ಮಾಪಕರ ಮಗನೊಬ್ಬ ನನ್ನನ್ನ ಬಳಸಿಕೊಂಡಿದ್ದಾನೆ ಎಂದು ಶ್ರೀರೆಡ್ಡಿ ದೂರಿದ್ದಾರೆ. ''ಸರ್ಕಾರ ನೀಡಿರುವ ಸ್ಟುಡಿಯೋವೊಂದರಲ್ಲಿ ನನ್ನನ್ನು ಬಳಸಿಕೊಂಡಿದ್ದಾನೆ. ನಾನು ಬಲಿಪಶುವಾಗಿದ್ದೇನೆ. ಸರ್ಕಾರ ಇವರಿಗೆ ಸ್ಟುಡಿಯೋ ನಿರ್ವಹಣೆ ಮಾಡಲು ನೀಡಿದೆ. ಆದ್ರೆ, ಇವರು ಮಾಡ್ತಿರೋದೇನು.?'' ಎಂದು ಶ್ರೀರೆಡ್ಡಿ ಪ್ರಶ್ನಿಸಿದ್ದಾರೆ.

ಯಾರೆಂದು ಹೇಳುತ್ತೇನೆ.?

''ಈ ಕೃತ್ಯ ಯಾರು ಮಾಡಿರುವುದು ಎಂದು ಸದ್ಯದಲ್ಲೇ ಹೇಳುತ್ತೇನೆ. ಅದಕ್ಕೆ ಸಮಯ ಇದಲ್ಲ. ಸಮಯಕ್ಕಾಗಿ ಕಾಯುತ್ತೀದ್ದೇನೆ. ಅದಕ್ಕೆ ಬೇಕಾಗಿರುವ ಸಾಕ್ಷ್ಯಗಳನ್ನ ಕೂಡ ನಾನು ಒದಗಿಸುತ್ತೇನೆ. ಅದುವೇ ನನ್ನ ಬ್ರಹ್ಮಸ್ತ್ರ ಎಂದು ಶ್ರೀರೆಡ್ಡಿ ಕುತೂಹಲ ಮೂಡಿಸಿದ್ದಾರೆ.

ಸ್ಟುಡಿಯೋಗೆ ಬರಹೇಳಿ ದೌರ್ಜನ್ಯವೆಸಗಿದ್ದಾರೆ

''ನನ್ನನ್ನು ಸ್ಟುಡಿಯೋಗೆ ಕರೆಸಿದ ನಿರ್ಮಾಪಕರ ಮಗ ನನ್ನೊಂದಿಗೆ ಸೆಕ್ಸ್ ಮಾಡುವಂತೆ ಆಗ್ರಹಿಸಿದ ಮತ್ತು ನನ್ನ ಮೇಲೆ ದೌರ್ಜನ್ಯ ಕೂಡ ಎಸೆಗಿದ. ಚಿತ್ರರಂಗವನ್ನ ಆಳುತ್ತಿರುವ ನಿರ್ಮಾಪಕರ ಪೈಕಿ ಇವರು ಕೂಡ ಒಬ್ಬರು. ನಾನು ಮೊದಲೇ ಹೇಳಿದ್ದೆ, ನಾನು ಕೇವಲ ಮಾತುಕತೆಗೆ ಮಾತ್ರ ಹೋಗುತ್ತೇನೆ. ಲೈಂಗಿಕ ಕ್ರಿಯೆಗಲ್ಲ ಎಂದು. ಆದ್ರೆ, ಅಲ್ಲಿ ಹೋದ ನಂತರ ನನ್ನನ್ನು ಲೈಂಗಿಕವಾಗಿ ಬಳಸಿಕೊಂಡರು'' ಎಂದು ಸ್ಫೋಟಕ ವಿಚಾರ ರಟ್ಟು ಮಾಡಿದ್ದಾರೆ.

ಸ್ಟುಡಿಯೋಗಳು ಇಂತಹ ಕೆಲಸಕ್ಕೆ ಒಳ್ಳೆ ಸ್ಥಳ

ಇಂತಹ ಕೆಲಸಗಳಿಗೆಲ್ಲ ಸ್ಟುಡಿಯೋಗಳನ್ನ ಬಳಸಲಾಗುತ್ತಿದೆ. ನಿರ್ಮಾಪಕರು, ನಿರ್ದೇಶಕರು, ಹೀರೋಗಳು ಎಲ್ಲರೂ ಸ್ಟುಡಿಯೋಗಳನ್ನ ರೆಡ್ ಲೈಟ್ ಏರಿಯಾದಂತೆ ಬಳಸಿಕೊಳ್ಳುತ್ತಿದ್ದಾರೆ. ಪೊಲಿಸರು ಕೂಡ ಈ ಕಡೆ ಬರಲ್ಲ. ಯಾಕಂದ್ರೆ, ಸರ್ಕಾರಿ ಸ್ಟುಡಿಯೋಗಳು ಎಂಬ ಕಾರಣವಿರಬಹುದು. ಆದ್ರೆ, ಇಲ್ಲಿ ನಡೆಯುವುದೆಲ್ಲ ಅನಾಚಾರ ಎಂದು ತೆಲುಗು ನಟಿ ಭಯಾನಕ ಸಂಗತಿಗಳನ್ನ ಬಿಚ್ಚಿಟ್ಟಿದ್ದಾರೆ.

ಪರಭಾಷೆ ನಾಯಕಿಯರು ಎಲ್ಲದಕ್ಕೂ ಒಪ್ಪುತ್ತಾರೆ

''ತೆಲುಗು ನಟಿಯರಿಗೆ ಯಾಕೆ ಅವಕಾಶ ಸಿಗುತ್ತಿಲ್ಲ ಎಂದರೆ ನಮ್ಮವರು ಎಲ್ಲದಕ್ಕೂ ಒಪ್ಪುವುದಿಲ್ಲ. ಆದ್ರೆ, ಉತ್ತರ ಭಾರತದಿಂದ ಅಥವಾ ಬೇರೆ ರಾಜ್ಯಗಳಿಂದ ಬರುವ ನಟಿಯರು ಎಲ್ಲ ರೀತಿಯಲ್ಲೂ ಅವರಿಗೆ ಒಪ್ಪುತ್ತಾರೆ. ಅದಕ್ಕೆ ಅವರಿಗೆ ಸುಲಭವಾಗಿ ಅವಕಾಶಗಳು ಸಿಗುತ್ತೆ'' ಎಂದು ಶ್ರೀರೆಡ್ಡಿ ಆರೋಪಿಸಿದ್ದಾರೆ.

ನಾನು ವಿಡಿಯೋ ಕಳುಹಿಸಿದ್ದೇನೆ

''ನನಗೂ ಇಂತಹ ಸಮಸ್ಯೆಗಳು ಬಹಳಷ್ಟು ಎದುರಾಗಿದೆ. ಹಲವು ನಿರ್ದೇಶಕ ಮತ್ತು ನಿರ್ಮಾಪಕರಿಗೆ ನಾನು ನನ್ನ ನಗ್ನ ವಿಡಿಯೋ ಮತ್ತು ಫೋಟೋಗಳನ್ನ ಕಳುಹಿಸಿದ್ದೇನೆ. ಆದ್ರೆ, ನನ್ನ ಬಳಿ ಫೋಟೋ ಮತ್ತು ವಿಡಿಯೋ ತಗೊಂಡು ಯಾವುದೇ ಅವಕಾಶ ನೀಡಿಲ್ಲ. ಈ ಬಗ್ಗೆ ನನ್ನ ಬಳಿ ಆಧಾರಗಳಿವೆ'' ಎಂದು ತೆಲುಗು ಇಂಡಸ್ಟ್ರಿಯ ಕರಾಳ ಮುಖವನ್ನ ಹೊರಜಗತ್ತಿಗೆ ಪರಿಚಯಿಸುತ್ತಿದ್ದಾರೆ.