ಉಪೇಂದ್ರ ಅಣ್ಣನ ಮಗ ನಿರಂಜನ್ ಗೆ ಜೋಡಿಯಾದ ದೆಹಲಿ ಮಾಡೆಲ್

ರಿಯಲ್ ಸ್ಟಾರ್ ಉಪೇಂದ್ರ ಅಣ್ಣ ಸುನೀಂದ್ರ ಅವರ ಪುತ್ರ ನಿರಂಜನ್ ಚಿತ್ರರಂಗಕ್ಕೆ ಬಂದಿದ್ದಾರೆ. ನಿರಂಜನ್ ನಾಯಕನಟರಾಗಿ ನಟಿಸುತ್ತಿರುವ ಮೊದಲ ಸಿನಿಮಾಗೆ 'ಅದ್ದೂರಿ 2' ಎಂದು ಶೀರ್ಷಿಕೆ ಇಡಲಾಗಿದೆ.

ಇದೀಗ ಈ ಸಿನಿಮಾಗೆ ನಾಯಕಿಯ ಆಯ್ಕೆ ಆಗಿದೆ. ನಿರಂಜನ್ ಗೆ ನಟಿ ಝಾರ ಯಾಸ್ಮಿನ್ ಜೋಡಿಯಾಗಿದ್ದಾರೆ. ದೆಹಲಿ ಮೂಲದ ಮಾಡೆಲ್ ಆಗಿರುವ ಈಕೆ ಈ ಹಿಂದೆ ಪಂಜಾಬಿ ಹಾಡುಗಳಲ್ಲಿ ನಟಿಸಿದ್ದರು. ಇದು ಕನ್ನಡದಲ್ಲಿ ಅವರ ಮೊದಲ ಸಿನಿಮಾ.

'ಅದ್ದೂರಿ 2' ಸಿನಿಮಾಗಾಗಿ ಆಡಿಷನ್ ನಡೆಸಿದ್ದು, ಅದರಲ್ಲಿ 300ಕ್ಕೂ ಹೆಚ್ಚು ಹುಡುಗಿಯರು ಭಾಗಿಯಾಗಿದ್ದರಂತೆ. ಆ ಪೈಕಿ ಝಾರ ಯಾಸ್ಮಿನ್ ಗೆ ಅವಕಾಶ ಸಿಕ್ಕಿದೆ. ಸಿನಿಮಾದ ಪಾತ್ರ ಹಾಗೂ ನಿರಂಜನ್ ಗೆ ಒಳ್ಳೆಯ ಜೋಡಿ ಎಂಬ ಕಾರಣಕ್ಕೆ ಝಾರ ಯಾಸ್ಮಿನ್ ರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.

'ಅದ್ದೂರಿ' ಸಿನಿಮಾ ನಿರ್ಮಾಣ ಮಾಡಿದ್ದ ಸಿ ಎಂ ಆರ್ ಪ್ರೊಡಕ್ಷನ್ಸ್ ಈ ಚಿತ್ರಕ್ಕೂ ಬಂಡವಾಳ ಹಾಕಿದೆ. ರಮೇಶ್ ವೆಂಕಟೇಶ್ ಈ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. 'ಅದ್ದೂರಿ 2' ಎಂಬ ಕಾರಣಕ್ಕೆ ಇದು ಆ ಸಿನಿಮಾದ ಸೀಕ್ವಲ್ ಅಂತವಂತೆ.

ನಿರಂಜನ್ ಈ ಹಿಂದೆ ತಮ್ಮ ಚಿಕ್ಕಮ್ಮ ಪ್ರಿಯಾಂಕ ಉಪೇಂದ್ರ ಅಭಿನಯದ 'ಸೆಕೆಂಡ್ ಹಾಫ್' ಸಿನಿಮಾದಲ್ಲಿ ಒಂದು ಪಾತ್ರ ಮಾಡಿದ್ದರು. ಪೂರ್ಣ ಪ್ರಮಾಣ ನಾಯಕನಾಗಿ 'ಅದ್ದೂರಿ 2' ಇವರ ಮೊದಲ ಸಿನಿಮಾ.