ಈ ಹಿಟ್ ಹೀರೋ ಸಿನಿಮಾ ಬಂದು 2 ವರ್ಷ ಆಯ್ತು

ಕೆಲವು ಹೀರೋಗಳು ಒಂದು ಸಿನಿಮಾ ಗೆಲ್ಲೋಕೆ ಐದಾರು ಸಿನಿಮಾ ಮಾಡಿರ್ತಾರೆ. ಅದು ಗೆಲ್ಲೋ ವೇಳೆಗೆ ಇವ್ರು ಮರೆತೇ ಹೋಗಿರ್ತಾರೆ. ಆದರೆ, ಮೊದಲ ಸಿನಿಮಾನೇ ಸೂಪರ್ ಡ್ಯೂಪರ್ ಹಿಟ್, ಗೆದ್ದು ಎರಡು ವರ್ಷ ಆಗ್ತಿದ್ರೂ ಈ ನಟನ ಮತ್ತೊಂದು ಸಿನಿಮಾ ಬಂದಿಲ್ಲ.

ಧ್ರುವ ಸರ್ಜಾ 2012ರಲ್ಲಿ ಎಂಟ್ರಿಕೊಟ್ಟ ಸಿನಿಮಾ 'ಅದ್ದೂರಿ'ಯಲ್ಲೇ ಭರ್ಜರಿ ಭರವಸೆ ಹುಟ್ಟಿಸಿದ ನಟ. ಮೊದಲ ಸಿನಿಮಾ ಗೆದ್ದಿದೆ ಅಂದ್ರೆ ನಿರ್ಮಾಪಕರು ಸಾಲು ಸಾಲಾಗಿ ಹೀರೋ ಮನೆಮುಂದೆ ನಿಲ್ತಾರೆ, ಮತ್ತೊಂದು ಸಿನಿಮಾ ಗೆದ್ದ ಸಿನಿಮಾ ಜೊತೆಗೇ ತೆರೆಗೆ ಬರುತ್ತೆ. ಆದ್ರೆ ಈ ವಿಷಯದಲ್ಲಿ ಧ್ರುವ ದುರದೃಷ್ಟವಂತ ನಟ. [ಕೈ ಸುಟ್ಟುಕೊಂಡ ನಿರ್ಮಾಪಕನ ಕೈ ಹಿಡಿದ ಅದ್ದೂರಿ]

ಬಹದ್ದೂರ್

ತಿಂಗಳಿಗೊಬ್ಬ, ವಾರಕ್ಕೊಬ್ಬ ಸಿನಿಮಾ ಹೀರೋ ಹುಟ್ಟುವ ಈ ದಿನಗಳಲ್ಲಿ ಒಬ್ಬ ಹೀರೋ ಗೆದ್ರೆ ಮಾತ್ರ ಅವ್ನ ಮತ್ತೊಂದು ಸಿನಿಮಾಗಾಗಿ ಜನರು ಕಾದಿರುತ್ತಾರೆ. ಅಂತಾದ್ರಲ್ಲಿ ಧ್ರುವ ಸರ್ಜಾ ಇಷ್ಟು ಲೇಟ್ ಮಾಡಿದ್ರೆ ಜನರು ಮತ್ತೆ ಅದ್ದೂರಿ ಸಿನಿಮಾ ನೋಡಿ ಬರಬೇಕಷ್ಟೆ.