'ಬ್ರಹ್ಮಚಾರಿ'ಗೆ ಜೋಡಿಯಾದ ನಟಿ ಅದಿತಿ ಪ್ರಭುದೇವ

ನಟ ಸತೀಶ್ ನೀನಾಸಂ ಅವರ 'ಬ್ರಹ್ಮಚಾರಿ' ಸಿನಿಮಾ ಇತ್ತೀಚಿಗಷ್ಟೆ ಶುರು ಆಗಿತ್ತು. ಈ ಸಿನಿಮಾಗೆ ಇದೀಗ ನಾಯಕಿಯ ಆಯ್ಕೆಯಾಗಿದೆ. ಚಿತ್ರದಲ್ಲಿ ಅದಿತಿ ಪ್ರಭುದೇವ ಕಾಣಿಸಿಕೊಳ್ಳುತ್ತಿದ್ದಾರೆ.

ಅದಿತಿ ಪ್ರಭುದೇವ 'ಬ್ರಹ್ಮಚಾರಿ'ಗೆ ಜೋಡಿಯಾಗಿದ್ದಾರೆ. ಮೊದಲ ಬಾರಿಗೆ ಸತೀಶ್ ನೀನಾಸಂ ಜೊತೆಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆ. 'ಬಜಾರ್' ಸಿನಿಮಾದ ನಂತರ ಬಜಾರ್ ನಲ್ಲಿ ಅದಿತಿ ಡಿಮ್ಯಾಂಡ್ ಕೂಡ ಜಾಸ್ತಿಯಾಗಿದೆ. 'ತೋತಾಪುರಿ', 'ಸಿಂಗ', 'ರಂಗನಾಯಕಿ', 'ಕುಸ್ತಿ' ಹೀಗೆ ಸಾಕಷ್ಟು ಸಿನಿಮಾಗಳು ಅವರ ಪಾಲಾಗಿವೆ.

'ಬ್ರಹ್ಮಚಾರಿ' ಸಿನಿಮಾವನ್ನು ಮೋಹನ್ ಚಂದ್ರ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ 'ಬಾಂಬೆ ಮಿಠಾಯಿ' ಮತ್ತು 'ಡಬಲ್ ಇಂಜಿನ್' ಸಿನಿಮಾ ಮಾಡಿದ್ದ ಇವರು ಮತ್ತೆ ಕಾಮಿಡಿ ಮಂತ್ರದ ಮೂಲಕ ಸಿನಿಮಾ ಮಾಡುತ್ತಿದ್ದಾರೆ. 'ಬ್ರಹ್ಮಚಾರಿ'ಗೆ 100% ವರ್ಜಿನ್ ಎಂಬ ಟ್ಯಾಗ್ ಲೈನ್ ಇದ್ದು, ಸಿನಿಮಾದಲ್ಲಿ ಸಿಕ್ಕಾಪಟ್ಟೆ ಕಾಮಿಡಿ ಇರಲಿದೆಯಂತೆ.

ಚಿತ್ರಕ್ಕೆ ಉದಯ್ ಮೆಹ್ತಾ ಬಂಡವಾಳ ಹಾಕುತ್ತಿದ್ದಾರೆ. ಈ ಹಿಂದೆ ಸತೀಶ್ ನಟನೆಯ 'ಲವ್ ಇನ್ ಮಂಡ್ಯ' ಸಿನಿಮಾ ಸಹ ಇವರ ಬ್ಯಾನರ್ ನಲ್ಲಿಯೇ ನಿರ್ಮಾಣ ಆಗಿತ್ತು.