ಕೆಜಿಎಫ್ ಆಡಿಷನ್ ನಲ್ಲಿ 'ಬುಲ್ ಬುಲ್' ಡೈಲಾಗ್ ಹೊಡೆದ ಆಫ್ರಿಕಾ ಅಭಿಮಾನಿ

ಹೆಸರು 'ರೋಬೋ', ಊರು ಆಫ್ರಿಕಾ

ಆಫ್ರಿಕಾ ಮೂಲದ ರೋಬೋ ಎಂಬ ವ್ಯಕ್ತಿ ಬೆಂಗಳೂರಿನಲ್ಲಿ ಯಲಹಂಕದಲ್ಲಿ ನೆಲೆಸಿದ್ದಾರೆ. ಕೆಜಿಎಫ್ ಚಾಪ್ಟರ್ 1 ಸಿನಿಮಾ ನೋಡಿ ತುಂಬಾ ಇಷ್ಟಪಟ್ಟಿದ್ದಾರೆ. ಚಾಪ್ಟರ್ 2 ಚಿತ್ರದಲ್ಲಿ ನಟಿಸಲು ಆಡಿಷನ್ ಇರೋದು ಸ್ನೇಹಿತರೊಬ್ಬರಿಂದ ತಿಳಿದು ಆಡಿಷನ್ ನಲ್ಲಿ ಭಾಗವಹಿಸಿದ್ದಾರೆ.

ದರ್ಶನ್ ಡೈಲಾಗ್ ಹೇಳಿದ್ರಂತೆ

ಆಡಿಷನ್ ನಲ್ಲಿ ಒಳ್ಳೆಯ ಪ್ರತಿಕ್ರಿಯೆ ಸಿಕ್ತು ಎಂದು ಸಂತಸ ಹಂಚಿಕೊಂಡ ರೋಬೋ, ಆಡಿಷನ್ ನಲ್ಲಿ ದರ್ಶನ್ ಅವರ ಡೈಲಾಗ್ ಹೊಡೆದು ಗಮನ ಸೆಳೆದಿದ್ದಾರೆ. ಬುಲ್ ಬುಲ್ ಮಾತಾಡಿಕಿಲ್ವಾ? ಎಂದು ಹೇಳಿದ್ದರಂತೆ. ಬುಲ್ ಬುಲ್ ಸಿನಿಮಾದಲ್ಲಿ ದರ್ಶನ್ ಈ ಡೈಲಾಗ್ ಹೇಳಿದ್ದರು. ಅದಕ್ಕೂ ಮುಂಚೆ ರೆಬೆಲ್ ಸ್ಟಾರ್ ಅಂಬರೀಶ್ ನಾಗರಹಾವು ಸಿನಿಮಾದಲ್ಲಿ ಈ ಡೈಲಾಗ್ ಹೇಳಿದ್ದರು.

ಗಾಂಚಲಿ ಬಿಡಿ ಕನ್ನಡ ಮಾತಾಡಿ

ಆಫ್ರಿಕಾದವರದಾರೂ ಕನ್ನಡವನ್ನ ಸಲೀಸಾಗಿ ಮಾತನಾಡುವ ರೋಬೋ ಗಾಂಚಲಿ ಬಿಡಿ ಕನ್ನಡ ಮಾತಾಡಿ ಎಂದು ವಲಸಿಗರಿಗೆ ಸಂದೇಶ ಕೂಡ ಕೊಟ್ಟಿದ್ದಾರೆ. ಇದನ್ನ ಆಡಿಷನ್ ನಲ್ಲೂ ಹೇಳಿದ್ರಂತೆ. ರೋಬೋ ಅವರ ಕನ್ನಡ ಶೈಲಿ ಕೇಳಿ ಆಡಿಷನ್ ಮಾಡಿದವರರು ಕೂಡ ಖುಷಿಯಾದರಂತೆ.

ಯಶ್ ಅಭಿಮಾನಿ ಅಂತೆ

ಕೆಜಿಎಫ್ ಸಿನಿಮಾ ಫುಲ್ ಥ್ರಿಲ್ ಆಗಿದ್ದ ರೋಬೋ ಯಶ್ ಅವರ ಅಭಿಮಾನಿ. ಒಂದು ವೇಳೆ ಕೆಜಿಎಫ್ 2 ಸಿನಿಮಾದಲ್ಲಿ ಅವಕಾಶ ಸಿಕ್ಕರೇ ಸಿಕ್ಕಾಪಟ್ಟೆ ಸೆಲೆಬ್ರೇಷನ್ ಮಾಡ್ತಾರಂತೆ. ವಿಲನ್ ಪಾತ್ರವನ್ನ ನಿರೀಕ್ಷೆ ಮಾಡ್ತಿದ್ದಾರೆ ಎಂದು ರೋಬೋ ತಿಳಿಸಿದ್ದಾರೆ.