Don't Miss!
- News ಕುಡಿಯುವ ನೀರಿಲ್ಲದೇ ಜನ ಬೆಂಗಳೂರಿಗೆ ಬಾಯ್ ಹೇಳುತ್ತಿದ್ದಾರೆ: ಆರ್.ಅಶೋಕ್
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Lifestyle ಕಂಡ ಕಂಡಲ್ಲಿ ಏಕೆ ಉಗುಳಬಾರದು ಗೊತ್ತಾ? ಈ ವಿಡಿಯೋ ನೋಡಿ..!
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯಶ್ ಹಾಗೂ ಧ್ರುವ ಸರ್ಜಾ ಹಾದಿಯಲ್ಲಿ 'ಆಕ್ಷನ್ ಹೀರೋ' ಅನೂಪ್
ರೋಸ್ ಹಿಡಿದು ಪ್ರಪೋಸ್ ಮಾಡಿ, ಗಿಟಾರ್ ಹಿಡಿದು ಹಾಡ್ತಿದ್ರೆ 'ಮೊಗ್ಗಿನ ಮನಸ್ಸಿನ' ಯಶ್ ಯಾರಿಗ್ತಾನೆ ತಾನೆ ಇಷ್ಟ ಆಗಲ್ಲ ಹೇಳಿ? ಅತ್ತ ಲವ್ವರ್ ಬಾಯ್ ರೂಪದಲ್ಲಿ ಸ್ಯಾಂಡಲ್ ವುಡ್ ಗೆ 'ಲಕ್ಕಿ' ಆದ ಯಶ್, 'ರಾಮಾಚಾರಿ' ಆಗಿ 'ಆಂಗ್ರಿ ಯಂಗ್ ಮ್ಯಾನ್' ಲುಕ್ ನಲ್ಲಿ ಬುಸುಗುಟ್ಟು 'ಮಾಸ್ಟರ್ ಪೀಸ್' ಆದ್ಮೇಲೆ ಮಾಸ್ ಅಭಿಮಾನಿಗಳ ಆರಾಧ್ಯದೈವ ಆದರು.
ಇನ್ನೂ ಧ್ರುವ ಸರ್ಜಾ ಕೂಡ 'ಶಕ್ತಿಮಾನ್' ಅಂತಲೇ ಹೆಸರುವಾಸಿ. ಯಾಕಂದ್ರೆ, 'ಅದ್ಧೂರಿ' ಹಾಗೂ 'ಬಹದ್ದೂರ್' ಚಿತ್ರಗಳು ಲವ್ ಸ್ಟೋರಿ ಸಿನಿಮಾಗಳೇ ಆಗಿದ್ದರೂ, ಅದರಲ್ಲಿ ಹೈಲೈಟ್ ಆಗಿದ್ದು ಮಾತ್ರ ಧ್ರುವ ಸರ್ಜಾ ರವರ ಆಕ್ಷನ್.
ಇತ್ತೀಚೆಗೆ ಬಂದಿರುವ ಹೀರೋಗಳ ಪೈಕಿ ಅತ್ತ ಮಾಸ್ ಫೀಲ್, ಇತ್ತ ಲವ್ವರ್ ಬಾಯ್ ಇಮೇಜ್...ಎರಡಕ್ಕೂ ಹೇಳಿ ಮಾಡಿಸಿದಂತಿರುವ ಯಶ್ ಹಾಗೂ ಧ್ರುವ ಸರ್ಜಾ ಲಿಸ್ಟ್ ಗೆ ಸದ್ಯ ಕನ್ನಡ ಸಿನಿ ಪ್ರಿಯರು ನೂತನ 'ಆಕ್ಷನ್ ಹೀರೋ' ಅನೂಪ್ ರೇವಣ್ಣರನ್ನ ಸೇರಿಸುತ್ತಿದ್ದಾರೆ. ['ಲಕ್ಷ್ಮಣ' ವಿಮರ್ಶೆ: ಕನ್ನಡ ಚಿತ್ರರಂಗಕ್ಕೆ ಸಿಕ್ಕ ಭರವಸೆಯ 'ಆಕ್ಷನ್ ಹೀರೋ']
ಅನೂಪ್ ರೇವಣ್ಣ ಅಭಿನಯದ ಚೊಚ್ಚಲ ಸಿನಿಮಾ 'ಲಕ್ಷ್ಮಣ' ಬಿಡುಗಡೆ ಆದ್ಮೇಲೆ ಸಾಮಾಜಿಕ ಜಾಲತಾಣಗಳಲ್ಲಿ ಯಶ್, ಧ್ರುವ ಸರ್ಜಾ ಹಾಗೂ ಅನೂಪ್ ಫೋಟೋಗಳನ್ನ ಕೊಲಾಜ್ ಮಾಡಿ, ಅದಕ್ಕೆ 'ಆಕ್ಷನ್ ಹೀರೋಸ್ ಆಫ್ ಸ್ಯಾಂಡಲ್ ವುಡ್' ಎಂಬ ಟೈಟಲ್ ಕೊಟ್ಟಿರುವ ಫೋಟೋ ವೈರಲ್ ಆಗಿದೆ.
ಕಿರುತೆರೆಯಿಂದ ಬೆಳ್ಳಿತೆರೆಗೆ ಕಾಲಿಟ್ಟ ಯಶ್, ಸ್ಯಾಂಡಲ್ ವುಡ್ ನಲ್ಲಿ ಬಹಳಷ್ಟು ಕಷ್ಟ ಪಟ್ಟು ಮುಂದೆ ಬಂದಿದ್ದಾರೆ. ಇನ್ನೂ ಧ್ರುವ ಸರ್ಜಾಗೆ ಫ್ಯಾಮಿಲಿ ಪಿಲ್ಲರ್ ಇದೆ. ಇವೆರಡೂ ಇಲ್ಲದೆ, ರಾಜಕಾರಣದ ಬ್ಯಾಕ್ ಗ್ರೌಂಡ್ ಇಟ್ಕೊಂಡು, ಆರ್.ಚಂದ್ರು ಮಾರ್ಗದರ್ಶನದಲ್ಲಿ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿರುವ ಅನೂಪ್ ರೇವಣ್ಣ ಮೊದಲ ಚಿತ್ರದಲ್ಲೇ 'ಆಕ್ಷನ್ ಹೀರೋ' ಎಂಬ ಬಿರುದು ಪಡೆದಿದ್ದಾರೆ. [ಆರ್.ಚಂದ್ರು 'ಲಕ್ಷ್ಮಣ'ನಿಗೆ ವಿಮರ್ಶಕರು ಕೊಟ್ಟ ಮಾರ್ಕ್ಸ್ ಎಷ್ಟು?]
ಹಾಗಂದ ಮಾತ್ರಕ್ಕೆ 'ಲಕ್ಷ್ಮಣ' ಚಿತ್ರ ಸಂಪೂರ್ಣ ಆಕ್ಷನ್ ಭರಿತವಾಗಿಲ್ಲ. ಹೆಂಗಳೆಯರ ಮನಮುಟ್ಟುವ ಸೆಂಟಿಮೆಂಟ್ ಚಿತ್ರದಲ್ಲಿದೆ. ಫ್ಯಾಮಿಲಿ ಆಡಿಯನ್ಸ್ ಗೆ ಹೇಳಿ ಮಾಡಿಸಿರುವ ಸಿನಿಮಾ 'ಲಕ್ಷ್ಮಣ'. ಮಾಸ್ ಅಭಿಮಾನಿಗಳಿಗಿಂತ ಇಡೀ ಕುಟುಂಬ ಒಟ್ಟಾಗಿ ಕೂತು ನೋಡಬಹುದಾದ 'ಲಕ್ಷ್ಮಣ' ಚಿತ್ರಕ್ಕೆ ರಾಜ್ಯಾದ್ಯಂತ ಉತ್ತಮ ಪ್ರತಿಕ್ರಿಯೆ ಲಭ್ಯವಾಗುತ್ತಿದೆ.