Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕನ್ನಡಕ್ಕೆ ದೆಹಲಿಯಿಂದ ಮತ್ತೊಬ್ಬ ಬೆಡಗಿ ಆಮದು
ಕನ್ನಡಕ್ಕೆ ಮತ್ತೊಬ್ಬ ಉತ್ತರಮುಖಿಯ ಆಗಮವಾಗಿದೆ. ಇಷ್ಟು ದಿನ ಮುಂಬೈನಿಂದ ಬೆಡಗಿಯರ ಆಗಮನಾಗುತ್ತಿತ್ತು. ಈ ಬಾರಿ ಬೆಡಗಿಯೊಬ್ಬಳು ನವದೆಹಲಿಯಿಂದ ಇಂಪೋರ್ಟ್ ಆಗಿದ್ದಾರೆ. ಹೆಸರು ಅಹನಾ. ನೋಡಲು ಓಹೋ ಆಹಾ ಎನ್ನುವಷ್ಟು ಇಲ್ಲದಿದ್ದರೂ ಪ್ರತಿಭಾವಂತೆ ಎನ್ನಬಹುದು.
ಕೆನಡಾದಲ್ಲಿ ಎರಡು ವರ್ಷಗಳ ಕಾಲ ಕೆಲಸ ಮಾಡಿ ಈಗ ಕನ್ನಡದ 'ಜಗ್ಗಿ' ಚಿತ್ರಕ್ಕೆ ಅಡಿಯಿಟ್ಟಿದ್ದಾರೆ. ಹೊಸಬರಾದ ಸುನಿಲ್ ರಾಜ್ ಚಿತ್ರದ ಹೀರೋ. ಈ ಚಿತ್ರಕ್ಕೆ ಚೊಚ್ಚಲ ಬಾರಿ ಆಕ್ಷನ್ ಕಟ್ ಹೇಳುತ್ತಿರುವವರು ಸುಲ್ತಾನ್ ರಾಜ್. ಚಿತ್ರದ ನಿರ್ಮಾಪಕ ಎಸ್ಎನ್ಎಸ್ ಶ್ರೀನಿವಾಸ್ ಅವರಿಗೂ ಇದು ಮೊದಲ ಚಿತ್ರ.
ಈಗಾಗಲೆ ಹಿಂದಿಯ ಮಕ್ಕಳ ಚಿತ್ರ 'ಮ್ಯಾಜಿಕ್ ಬಾಕ್ಸ್' ಚಿತ್ರದಲ್ಲಿ ಅಹನಾ ಅಭಿನಯಿಸಿದ್ದಾರೆ. ಅದಾದ ಬಳಿಕ ಅವರು ನಟನೆಯಲ್ಲಿ ತರಬೇತಿ ಪಡೆದು ಈಗ 'ಜಗ್ಗಿ' ಚಿತ್ರದ ಕನ್ನಡಕ್ಕೆ ಅಡಿಯಿಟ್ಟಿದ್ದಾರೆ. ಸಲ್ಸಾ ಹಾಗೂ ಭರತನಾಟ್ಯ ನೃತ್ಯಗಳಲ್ಲೂ ಅಹನಾ ತರಬೇತಿ ಪಡೆದಿದ್ದಾರೆ.
'ಜಗ್ಗಿ' ಚಿತ್ರ ಕೌಟುಂಬಿಕ ಮೌಲ್ಯಗಳುಳ್ಳ ಕಥಾಹಂದರ ಚಿತ್ರಕ್ಕಿದೆ. ಎಲ್ವಿನ್ ಜೋಶ್ವಾ ಅವರ ಸಂಗೀತ ಚಿತ್ರಕ್ಕಿದೆ. ಮಡಿಕೇರಿ, ಬೆಂಗಳೂರು, ಸಕಲೇಶಪುರದ ಸುಂದರ ತಾಣಗಳಲ್ಲಿ ಚಿತ್ರೀಕರಣ ನಡೆಯಲಿದೆ. ಅತ್ತ ಪೋಷಕರು ಹಾಗೂ ಇತ್ತ ಮಕ್ಕಳಿಗೆ ಒಂದು ಒಳ್ಳೆಯ ಸಂದೇಶ ಚಿತ್ರದಲ್ಲಿದೆ ಎನ್ನುತ್ತಾರೆ ನಿರ್ದೇಶಕರು.
ಸುನಿಲ್ ರಾಜ್ ಅವರು ಅಂಗಾರಕ, ದರೋಡೆ, ಶಿವಾಜಿನಗರ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ ಫೈಟ್ಸ್, ಡಾನ್ಸ್ ಜೊತೆಗೆ ಒಳ್ಳೆಯ ಅಭಿನಯವೂ ಇದೆ ಎನ್ನುತ್ತಾರೆ ಸುನಿಲ್. ಚಿತ್ರದಲ್ಲಿ ವಿಶ್ವ ಹಾಗೂ ಕೆಂಪೇಗೌಡ ಕಾಮಿಡಿ ಪಾತ್ರಗಳನ್ನು ಪೋಷಿಸಿದ್ದಾರೆ. (ಏಜೆನ್ಸೀಸ್)