Don't Miss!
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Automobiles ಶಿಯೋಮಿಯ ಈ ಎಲೆಕ್ಟ್ರಿಕ್ ಕಾರು ಸ್ಮಾರ್ಟ್ಫೋನ್ಗಳಂತೆ ಅಗ್ಗದ ಬೆಲೆ: ರೇಂಜ್ ಕೇಳಿದ್ರೆ ತಲೆ ತಿರುಗುತ್ತೆ!
- Technology ಈ Amoled ಡಿಸ್ಪ್ಲೇ ಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ!..ಈ ಆಫರ್ಗೆ ನೀವು ಫಿದಾ ಆಗ್ತೀರಾ!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಿಯಲ್ ಸ್ಟಾರ್ ಪುತ್ರಿಯ ಈ ಆಸೆ ಯಾವಾಗ ಈಡೆರುತ್ತೆ?
ರಿಯಲ್ ಸ್ಟಾರ್ ಉಪೇಂದ್ರ ಪುತ್ರಿ ಐಶ್ವರ್ಯ ಉಪೇಂದ್ರ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ತಾಯಿ ಪ್ರಿಯಾಂಕ ಉಪೇಂದ್ರ ಸಿನಿಮಾದ ಮೂಲಕ ಪ್ರೀತಿಯ ಮಗಳು ಕೂಡ ಚಿತ್ರರಂಗಕ್ಕೆ ಪರಿಚಯ ಆಗಿದ್ದಾರೆ.
'ದೇವಕಿ' ಸಿನಿಮಾದ ಸುಂದರ ಪಾತ್ರದಲ್ಲಿ ನಟಿಸುವ ಮೂಲಕ ಐಶ್ವರ್ಯ ಮೊದಲ ಬಾರಿಗೆ ಬೆಳ್ಳಿತೆರೆ ಮೇಲೆ ಕಾಣಿಸಿಕೊಂಡಿದ್ದಾರೆ. ಐಶ್ವರ್ಯ ಫಸ್ಟ್ ಲುಕ್ ಹಾಗೂ ಸಿನಿಮಾದ ಟೀಸರ್ ನಿನ್ನೆ ಬಿಡುಗಡೆಯಾಗಿದ್ದು, ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ.
'ದೇವಕಿ'ಯಾಗಿ ಬದಲಾಯ್ತು 'ಹೌರಬ್ರಿಡ್ಜ್' ಸಿನಿಮಾ ಟೈಟಲ್
ಮೊದಲ ಸಿನಿಮಾ ಮಾಡಿದ ಐಶ್ವರ್ಯ ಮೊದಲ ಬಾರಿಗೆ ಮಾಧ್ಯಮದ ಮುಂದೆ ಮಾತನಾಡಿದರು. ತಮ್ಮ ಮುದ್ದು ಮಾತುಗಳ ಮೂಲಕ ಚಿತ್ರದ ಅನುಭವ ಹಂಚಿಕೊಂಡರು. ಇದೇ ವೇಳೆ ತಮ್ಮ ಒಂದು ಆಸೆಯನ್ನು ಸಹ ತಿಳಿಸಿದರು. ಮುಂದೆ ಓದಿ..
ಐಶ್ವರ್ಯ ಆಸೆ ಏನು?
ಐಶ್ವರ್ಯ ಉಪೇಂದ್ರಗೆ ಒಂದು ಆಸೆ ಇದೆಯಂತೆ. ಅದೇನೆಂದರೆ, ತಮ್ಮ ತಾಯಿ, ತಂದೆ ಹಾಗೂ ಅಣ್ಣನ ಜೊತೆಗೆ ಆಕೆ ಒಂದು ಸಿನಿಮಾ ಮಾಡಬೇಕಂತೆ. ತಮ್ಮ ಇಡೀ ಕುಟುಂಬ ಒಟ್ಟಿಗೆ ಒಂದು ಸಿನಿಮಾ ಮಾಡಬೇಕು ಎಂಬ ಆಸೆ ಇದೆ ಎಂದ ಐಶ್ವರ್ಯ, ಮುಂದೆ ಆ ಸಿನಿಮಾ ಮಾಡ್ತಿವಿ ಎಂದು ನಗು ನಗುತ್ತಾ ಹೇಳಿದರು.
'ದೇವಕಿ' : ಉಪೇಂದ್ರ ಮಗಳ ಮೊದಲ ಚಿತ್ರದ ಮೊದಲ ಟೀಸರ್
ಹ್ಯಾಪಿ ಮೂವಿ ಇರಬೇಕು
ತಮ್ಮ ಕುಟುಂಬದ ಜೊತೆಗೆ ಸಿನಿಮಾ ಮಾಡುವ ಆಸೆ ತಿಳಿಸಿದ ಐಶ್ವರ್ಯ ಆ ಸಿನಿಮಾದ ಹೇಗೆ ಇರಬೇಕು ಎಂಬುದನ್ನು ಹೇಳಲು ಮರೆಯಲಿಲ್ಲ. ತಂದೆ, ತಾಯಿ, ಅಣ್ಣ ಜೊತೆಗೆ ನಟಿಸುವ ಸಿನಿಮಾ ಹ್ಯಾಪಿಯಾಗಿ ಮುಗಿಯಬೇಕು. ಸೆಂಟಿಮೆಂಟ್ ಎಲ್ಲ ಇರಬಾರದು ಅಂತಾರೆ ಐಶ್ವರ್ಯ.
ಕಾಮಿಡಿ ಸಿನಿಮಾ ಅಂದರೆ ಇಷ್ಟ
ಐಶ್ವರ್ಯ ಉಪೇಂದ್ರಗೆ ಕಾಮಿಡಿ ಸಿನಿಮಾ ಅಂದರೆ ಬಹಳ ಇಷ್ಟ ಅಂತೆ. ಕಾಮಿಡಿ ಸಿನಿಮಾದಲ್ಲಿ ನಟನೆ ಮಾಡಬೇಕು ಅಂತ ಆಸೆ ಇದೆಯಂತೆ. ಆದರೆ, 'ದೇವಕಿ' ಸಿನಿಮಾದ ಪಾತ್ರವನ್ನು ಇಷ್ಟಪಟ್ಟು, ತಂದೆ, ತಾಯಿ ಹಾಗೂ ನಿರ್ದೇಶಕ ಲೋಹಿತ್ ಗಾಗಿ ಐಶ್ವರ್ಯ ಸಿನಿಮಾ ಮಾಡಿದ್ದಾರೆ. ಇನ್ನು ಲೋಹಿತ್ ಜೊತೆಗೆ ಎಷ್ಟು ಸಿನಿಮಾ ಬೇಕಾದರೂ ಮಾಡುತ್ತೇನೆ ಎಂದರು ಐಶ್ವರ್ಯ.
'ಮಮ್ಮಿ' ಸಿನಿಮಾ ನೋಡಿ ಭಯ ಪಟ್ಟಿದ್ದರು
ಈ ಹಿಂದೆ ಪ್ರಿಯಾಂಕ ಉಪೇಂದ್ರ ನಿರ್ದೇಶಕ ಲೋಹಿತ್ ಜೊತೆಗೆ 'ಮಮ್ಮಿ' ಸಿನಿಮಾ ಮಾಡಿದ್ದರು. ಈ ಸಿನಿಮಾ ನೋಡುವಾಗ ಐಶ್ವರ್ಯ ಸಿಕ್ಕಾಪಟ್ಟೆ ಭಯ ಪಟ್ಟಿದ್ದರಂತೆ. ಇನ್ನು 'ದೇವಕಿ' ಒಂದು ಥ್ರಿಲ್ಲರ್ ಸಿನಿಮಾಗಿದೆ. ಚಿತ್ರದ ಟೀಸರ್ ನಿನ್ನೆ ಬಿಡುಗಡೆಯಾಗಿದ್ದು, ಸಿನಿಮಾ ಏಪ್ರಿಲ್ ನಲ್ಲಿ ತೆರೆಗೆ ಬರಲಿದೆ.