'2.0' ಚಿತ್ರದಲ್ಲಿ ರಜನಿ ಹೀರೋ ಅಲ್ಲ, ಅಕ್ಷಯ್ ಹೀರೋ ಅಂತೆ

ಅಕ್ಷಯ್ ರಿಯಲ್ ಹೀರೋ

ರಜನಿಕಾಂತ್ ನಾಯಕನಾಗಿ ಅಭಿನಯಿಸುತ್ತಿರುವ '2.0' ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಪಾತ್ರವೇ ಹೀರೋ ಅಂತಾ ರಜನಿಕಾಂತ್ ಹೇಳಿದ್ದಾರೆ.

ರಜನಿಕಾಂತ್ ಹೇಳಿದ್ದೇನು?

''ಅಕ್ಷಯ್ ಕುಮಾರ್ '2.0' ಚಿತ್ರದ ಹೀರೋ. ಒಂದು ವೇಳೆ ನನಗೆ ಈ ಚಿತ್ರದಲ್ಲಿ ಪಾತ್ರವನ್ನ ಆಯ್ಕೆ ಮಾಡುವ ಅವಕಾಶವಿದ್ದಿದ್ದರೇ ನಾನು ಅಕ್ಷಯ್ ಕುಮಾರ್ ಅವರ ಪಾತ್ರವನ್ನೇ ಮಾಡುತ್ತಿದೆ''-ರಜನಿಕಾಂತ್

ಅಕ್ಷಯ್ ಪಾತ್ರವೇನು?

ನಿರ್ದೇಶಕ ಶಂಕರ್ ಹೇಳಿರುವಂತೆ, '2.0' ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಅವರದ್ದು ನೆಗಿಟೀವ್ ಪಾತ್ರ. ಅದಕ್ಕೆ ತಕ್ಕಂತೆ ಅಕ್ಷಯ್ ಅವರ ಗೆಟಪ್ ಕೂಡ ಬಹಿರಂಗವಾಗಿತ್ತು.

3 ಗಂಟೆ ಮೇಕಪ್

'2.0' ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಅವರು ಸುಮಾರು 3 ಗಂಟೆಗಳ ಕಾಲ ಮೇಕಪ್ ಹಾಕುತ್ತಿದ್ದರಂತೆ. ಹಾಗೇ ಆ ಮೇಕಪ್ ತೆಗೆಯಲು 1 ಗಂಟೆ ಸಮಯ ಬೇಕಾಗಿತ್ತಂತೆ. ''ನನ್ನ 25 ವರ್ಷದ ವೃತ್ತಿ ಜೀವನದಲ್ಲಿ, ಮೇಕಪ್ ಬಳಸಿದ್ದು ತುಂಬಾ ಕಮ್ಮಿ, ಆದರೆ, ಆ 25 ವರ್ಷಗಳ ಮೇಕಪ್ ನ್ನ ಒಂದೇ ಚಿತ್ರದಲ್ಲಿ ಬಳಸಲಾಗಿದೆ'' ಎಂದು ಅಕ್ಕಿ ತಮ್ಮ ಅನುಭವವನ್ನ ಹಂಚಿಕೊಂಡರು.

ರಜನಿ ಬಗ್ಗೆ ಅಕ್ಕಿ ಮಾತು

'' ರಜನಿಕಾಂತ್ ಸೂಪರ್ ಸ್ಟಾರ್ ಮಾತ್ರವಲ್ಲ, ಅವರೊಬ್ಬರು ಗ್ಯಾಲೆಕ್ಸಿ ಇದ್ದ ಹಾಗೆ. 'ಬಾಬಾ' ಚಿತ್ರದಿಂದ ವಿತರಕರಿಗೆ ನಷ್ಟವಾದಾಗ, ಅವರ ಹಣವನ್ನ ವಾಪಸ್ ಕೊಟ್ಟು ಅವರ ನೆರವಿಗೆ ನಿಂತರು. ಇದು ನಿಜವಾದ ಸೂಪರ್ ಸ್ಟಾರ್ ಗೆ ಇರಬೇಕಾದ ಗುಣ'' ಎಂದು ರಜನಿಯ ಬಗ್ಗೆ ಅಕ್ಷಯ್ ಮೆಚ್ಚುಗೆ ವ್ಯಕ್ತಪಡಿಸಿದರು.

ಯಾರು ಹೀರೋ? ಯಾರು ವಿಲನ್?

'2.0' ಚಿತ್ರದಲ್ಲಿ ತಲೈವಾನೇ ಹೀರೋ. ಆದ್ರೆ, ಈ ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಅವರ ಪಾತ್ರ ತುಂಬಾ ಮುಖ್ಯವಾಗಿರುತ್ತೆ ಎಂಬುದರ ಅರ್ಥವಾಗಿ ರಜನಿ ಹೀಗೆ ಹೇಳಿದ್ದಾರೆ. ಹೀಗಾಗಿ ಸಿನಿಮಾನ ನೋಡಿದ್ಮೇಲೆ ರಿಯಲ್ ಹೀರೋ ಯಾರು, ವಿಲನ್ ಯಾರು ಅಂತಾ ನಿರ್ಧರಿಸಬಹುದು.