ಸುದೀಪ್ ಹಾಲಿವುಡ್ ಹೀರೋಯಿನ್ ಬಗ್ಗೆ ನೀವು ತಿಳಿಯಬೇಕಾದ ವಿಷ್ಯ.!

ಸುದೀಪ್ ಗೆ ಇಬ್ಬರು ನಾಯಕಿಯರು

ರೈಸನ್ ಚಿತ್ರದಲ್ಲಿ ಸುದೀಪ್ ಗೆ ಇಬ್ಬರು ನಾಯಕಿಯರು ಇರಲಿದ್ದಾರಂತೆ. ಇದರಲ್ಲಿ ಒಬ್ಬರು ನಿಕೋಲ್ ಶಾಲ್ಮೋ. ಮತ್ತೊಬ್ಬ ನಾಯಕಿಗಾಗಿ ಚಿತ್ರತಂಡ ಹುಡುಕಾಟ ನಡೆಸುತ್ತಿದೆಯಂತೆ. ಮೂಲಗಳ ಪ್ರಕಾರ ಎರಡನೇ ನಾಯಕಿಯದ್ದು ಭಾರತದ ಮೂಲದ ನಾಯಕಿ ಪಾತ್ರವಂತೆ.

ರಂಗಭೂಮಿ ಕಲಾವಿದೆ

ನ್ಯೂಯಾರ್ಕ್‌ ಮೂಲದ ನಟಿ ನಿಕೋಲ್ ಶಾಲ್ಮೋ ಮೂಲತಃ ರಂಗಭೂಮಿ ಕಲಾವಿದೆ. 8 ವರ್ಷ ವಯಸ್ಸಿನಿಂದ ರಂಗಭೂಮಿ ಜೊತೆ ನಂಟನ್ನು ಉಳಿಸಿಕೊಂಡಿದ್ದಾರೆ. 'ಮ್ಯಾಕ್‍ ಬೆತ್' ನಾಟಕದಲ್ಲಿ ಲೇಡಿ ಮ್ಯಾಕ್‍ ಬೆತ್ ಪಾತ್ರದಲ್ಲಿ ದೊಡ್ಡ ಹೆಸರು ಮಾಡಿದ್ದ ಕಲಾವಿದೆ. 'ಇನ್ ಲವ್ ಇನ್ ಮಿಸರಿ', ನಿಕೋಲ್ ಗೆ ದೊಡ್ಡ ಹೆಸರು ತಂದುಕೊಟ್ಟ ಮತ್ತೊಂದು ನಾಟಕ.

ನಿಕೋಲ್ ಮೊದಲ ಸಿನಿಮಾ

ನಿಕೋಲ್ ಶಾಲ್ಮೋ ಅಭಿನಯದ ಮೊಸಲ ಸಿನಿಮಾ 'ಫಾಲಿಂಗ್ ಔಟ್ ಆಫ್ ಲವ್'. ಇನ್ನುಳಿದಂತೆ 'ಇನ್ ಲವ್ ಇನ್ ಮಿಸರಿ', ಗೀಕ್ ಆನ್‌ ಸ್ಟ್ರೀಟ್ ಮತ್ತು ಹೆವಿಯರ್ ಥಿಂಗ್ಸ್ ಸೇರಿದಂತೆ ನಾಲ್ಕು ಸಿನಿಮಾಗಳಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.

'ರೈಸನ್' ಶೂಟಿಂಗ್ ನಲ್ಲಿ ನಿಕೋಲ್

ಈಗಾಗಲೇ ರೈಸನ್ ಚಿತ್ರದ ಚಿತ್ರೀಕರಣ ಆರಂಭವಾಗಿದ್ದು, ನಿಕೋಲ್ ಅಭಿನಯದ ಕೆಲವು ದೃಶ್ಯಗಳ ಶೂಟಿಂಗ್ ಮುಗಿದಿದೆಯಂತೆ. ಮುಂದಿನ ಶೆಡ್ಯೂಲ್ ಕೆನಡಾ ಮತ್ತು ನ್ಯೂಯಾರ್ಕ್‌ಗಳಲ್ಲಿ ನಡೆಯಲಿದೆ. ಸುದೀಪ್ ಕೂಡ ಭಾಗವಹಿಸಲಿದ್ದಾರೆ.