'ಟಗರು' ಸಿನಿಮಾದ 'ಕಾನ್ಸ್ ಟೇಬಲ್ ಸರೋಜ' ಯಾರು ಗೊತ್ತಾ ?

ತ್ರಿವೇಣಿ ರಾವ್

'ಟಗರು' ಸಿನಿಮಾದಲ್ಲಿ 'ಕಾನ್ಸ್ ಟೇಬಲ್ ಸರೋಜ' ಪಾತ್ರವನ್ನು ಮಾಡಿದ್ದ ನಟಿಯ ನಿಜವಾದ ಹೆಸರು ತ್ರಿವೇಣಿ ರಾವ್. ಬೆಂಗಳೂರಿನ ಆರ್ ಆರ್ ನಗರದಲ್ಲಿ ನೆಲೆಸಿರುವ ತ್ರಿವೇಣಿ ಕನ್ನಡದಲ್ಲಿ 'ಕಿರಾತಕ' ಕೆಲ ಸಿನಿಮಾದ ಸಣ್ಣ ಪಾತ್ರದಲ್ಲಿ ನಟಿಸಿದ್ದಾರೆ.

'ಬಾಹುಬಲಿ' ಚಿತ್ರದಲ್ಲಿ ನಟನೆ

ಮಾಡಲಿಂಗ್ ಮಾಡುತ್ತಿದ್ದ ತ್ರಿವೇಣಿ ರಾವ್ 'ಬಾಹುಬಲಿ' ಸಿನಿಮಾದಲ್ಲಿ ನಟನೆ ಮಾಡಿದ್ದಾರೆ. 'ಬಾಹುಬಲಿ' ಚಿತ್ರದಲ್ಲಿ ರಮ್ಯಾಕೃಷ್ಣ ಜೊತೆಗೆ ತ್ರಿವೇಣಿ ರಾವ್ ತೆರೆ ಹಂಚಿಕೊಂಡಿದ್ದಾರೆ.

ಸರೋಜನ ಫ್ಯಾನ್ಸ್ ಪೇಜ್ ಗಳು

'ಟಗರು' ಸಿನಿಮಾದ 'ಕಾನ್ಸ್ ಟೇಬಲ್ ಸರೋಜ' ಪಾತ್ರದ ನಂತರ ನಟಿ ತ್ರಿವೇಣಿ ರಾವ್ ಅವರ ಜನಪ್ರಿಯತೆ ಹೆಚ್ಚಾಗುತ್ತಿದೆ. ಅವರ ಹೆಸರಿನಲ್ಲಿ ಕೆಲವು ಫ್ಯಾನ್ಸ್ ಫೇಜ್ ಗಳು ಈಗಾಗಲೇ ಶುರು ಆಗಿದೆ.

ಸಿಕ್ಕಾಪಟ್ಟೆ ತಮಾಷೆಯ ಟ್ರೋಲ್ ಗಳು

ತ್ರಿವೇಣಿ ರಾವ್ ಮಾಡಿರುವ 'ಕಾನ್ಸ್ ಟೇಬಲ್ ಸರೋಜ' ಪಾತ್ರ ಸಖತ್ ಟ್ರೋಲ್ ಆಗುತ್ತಿದೆ. ಕಿಡ್ಸ್ ಪ್ರಿಯಾ ಪ್ರಕಾಶ್ ವಾರಿಯರ್ ಅನ್ನು ಇಷ್ಟ ಪಡುತ್ತಾರೆ, ಮೆನ್ಸ್ ರಶ್ಮಿಕಾ ಮಂದಣ್ಣ ರನ್ನು ಇಷ್ಟ ಪಡುತ್ತಾರೆ, ಆದರೆ ಲೆಜೆಂಡ್ಸ್ 'ಕಾನ್ಸ್ ಟೇಬಲ್ ಸರೋಜ'ನ ಇಷ್ಟ ಪಡುತ್ತಾರೆ ಎಂದು ತಮಾಷೆಯಾಗಿ ಟ್ರೋಲ್ ಮಾಡಿದ್ದಾರೆ.

ಡಾಲಿ ಡೈಲಾಗ್

'ಟಗರು' ಚಿತ್ರದಲ್ಲಿ ಡಾಲಿ ಹೇಳುವ ಡೈಲಾಗ್ ಶೈಲಿಯಲ್ಲಿ ''ಹೊಡಿತ್ತೀನಿ.. ಕಾನ್ಸ್ ಟೇಬಲ್ ಸರೋಜ ಮೇಲೆ ಕಣ್ಣು ಹಾಕಿದರೆ ಹೊಡಿತ್ತೀನಿ'' ಎಂದು ಟ್ರೋಲ್ ಮಾಡಿದ್ದಾರೆ.

ಫೇಮಸ್ ಟ್ರೋಲ್

'ಟಗರು' ಚಿತ್ರದ ಪಾತ್ರಗಳಾದ ಚಿಟ್ಟೆ, ಅಂಕಲ್ ಪಾತ್ರವನ್ನು ದ್ವೇಶಿಸಿದರು ಡಾಲಿ ಸುಮ್ಮನೆ ಇರುತ್ತಾನೆ. ಆದರೆ 'ಕಾನ್ಸ್ ಟೇಬಲ್ ಸರೋಜ'ಗೆ ಏನಾದರೂ ಹೇಳಿದರೆ ಡಾಲಿ ಲಾಂಗ್ ಹಿಡಿದು ಬರುತ್ತಾನೆ ಎಂಬ ಟ್ರೋಲ್ ತುಂಬ ಫೇಮಸ್ ಆಗಿದೆ.

'ಕಾನ್ಸ್ ಟೇಬಲ್ ಸರೋಜ' ಪಾತ್ರದ ಬಗ್ಗೆ

'ಟಗರು' ಚಿತ್ರದಲ್ಲಿ ಪೊಲೀಸ್ ಅಧಿಕಾರಿ ಪಾತ್ರ ಮಾಡಿರುವ ಶಿವಣ್ಣನ ಜೊತೆಗೆ 'ಕಾನ್ಸ್ ಟೇಬಲ್ ಸರೋಜ' ಕೆಲಸ ಮಾಡುತ್ತಿರುತ್ತಾಳೆ. ಪೊಲೀಸ್ ಕಾನ್ಸ್ ಟೇಬಲ್ ಆಗಿದ್ದರು ರೌಡಿ ಡಾಲಿಗೆ ಸಹಾಯ ಮಾಡುವ ಪಾತ್ರ ಇದಾಗಿದೆ.