Don't Miss!
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಪ್ರಕರಣ ಬಗ್ಗೆ ಸಿದ್ದರಾಮಯ್ಯ ಹೇಳಿದ್ದೇನು?
- Lifestyle ದೇಹದಲ್ಲಿ ಈ ಬದಲಾವಣೆ ಆದರೆ ನಿಮ್ಮಲ್ಲಿ ವಿಟಮಿನ್ ಬಿ12 ಕೊರತೆಯಾಗಿದೆ ಎಂದರ್ಥ
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Exclusive : ಒಂದಾದ್ರು ಆಲ್ ಓಕೆ & ಚಂದನ್ ಶೆಟ್ಟಿ, ಬರ್ತಿದೆ ಬಿಗ್ ಪ್ರಾಜೆಕ್ಟ್
ಕನ್ನಡ ಮ್ಯೂಸಿಕ್ ಇಂಡಸ್ಟ್ರಿಯಲ್ಲಿ ಆಲ್ ಓಕೆ ಹಾಗೂ ಚಂದನ್ ಶೆಟ್ಟಿ ತಮ್ಮದೆ ಹಾಡುಗಳ ಮೂಲಕ ಗುರುತಿಸಿಕೊಂಡಿದ್ದಾರೆ. ಇಬ್ಬರು ತಮ್ಮ ಹಿಟ್ ಹಾಡುಗಳಿಂದ ಅಭಿಮಾನಿ ಬಳಗವನ್ನು ಸಂಪಾದನೆ ಮಾಡಿದ್ದಾರೆ.
ಇನ್ನೊಂದು ಕಡೆ, ಆಲ್ ಓಕೆ ಹಾಗೂ ಚಂದನ್ ಶೆಟ್ಟಿ ನಡುವೆ ಮನಸ್ತಾಪ ಇದೆ ಎನ್ನುವ ಮಾತು ಕೆಲವು ವರ್ಷಗಳ ಹಿಂದೆ ಕೇಳಿ ಬಂದಿತ್ತು. ಚಂದನ್ ಶೆಟ್ಟಿ Rap ಹಾಡುಗಳ ಬಗ್ಗೆ ಆಲ್ ಓಕೆ ತಂಡದ DIT-O ಹಾಡಿನ ಮೂಲಕವೇ ತಮ್ಮ ಅಸಮಾಧಾನ ಹೊರ ಹಾಕಿದ್ದರು. ಅಲ್ಲಿಂದ ಆಲ್ ಓಕೆ ತಂಡ ಹಾಗೂ ಚಂದನ್ ನಡುವೆ ಮುನಿಸು ಇದೆ ಎಂದು ದೊಡ್ಡ ಸುದ್ದಿಯಾಗಿತ್ತು.
ಪ್ಯಾನ್ ಇಂಡಿಯಾಗೆ ತಲುಪುತ್ತಿದ್ದಾರೆ ಹಾಸ್ಯ ನಟ ಟೆನ್ನಿಸ್ ಕೃಷ್ಣ
ಆದರೆ, ಈಗ ಆಲ್ ಓಕೆ ಮತ್ತು ಚಂದನ್ ಶೆಟ್ಟಿ ಒಂದಾಗಿದ್ದಾರೆ. 'ಭರಾಟೆ' ಸಿನಿಮಾದ ಹಾಡನ್ನು ಚಂದನ್ ಶೆಟ್ಟಿ ಹಾಡಿದ್ದು, ಅದೇ ಹಾಡಿನಲ್ಲಿ ಆಲ್ ಓಕೆ ಕಾಣಿಸಿಕೊಂಡಿದ್ದಾರೆ. ಈ ಹಾಡಿನ ಬಗ್ಗೆ 'ಫಿಲ್ಮಿಬೀಟ್ ಕನ್ನಡ'ದ ಜೊತೆಗೆ ಮಾತನಾಡಿದ ಆಲ್ ಓಕೆ, ತಮ್ಮ ಹಾಗೂ ಚಂದನ್ ಶೆಟ್ಟಿ ನಡುವಿನ ಕೆಲವು ವಿಷಯಗಳ ಬಗ್ಗೆ ಮಾತನಾಡಿದ್ದಾರೆ. ಚಂದನ್ ಜೊತೆಗಿನ ಸ್ನೇಹ, ಮುಂದಿನ ಪ್ರಾಜೆಕ್ಟ್ ಬಗ್ಗೆ ತಿಳಿಸಿದ್ದಾರೆ.
ನಾನು, ಚಂದನ್ ಇಬ್ರು ಫ್ರೆಂಡ್ಸ್
ಚಂದನ್ ಶೆಟ್ಟಿ, ನೀವು ಒಂದಾದ್ರ..? ಎನ್ನುವ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದ ಆಲ್ ಓಕೆ ''ನಾನು ಚಂದನ್ ಶೆಟ್ಟಿ ಬೇರೆ ಬೇರೆ ಆಗಿದ್ದೀವಿ ಎಂದೇನು ಇಲ್ಲ. ಮನಸ್ತಾಪ ಇತ್ತು. ಆದರೆ, ಅದು ನಮ್ಮ ನಡುವೆ ಅಂತೇನು ಅಲ್ಲ. ಅದೆಲ್ಲ ಕ್ರಿಯೇಟ್ ಮಾಡಲಾಗಿದ್ದು ಅಷ್ಟೇ. ನಾನು ಹಾಗೂ ಚಂದನ್ ಇಬ್ಬರು ತುಂಬ ಒಳ್ಳೆಯ ಸ್ನೇಹಿತರು.'' ಎಂದರು.
ಕನ್ನಡ ಮ್ಯೂಸಿಕ್ ಇಂಡಸ್ಟ್ರಿಯಲ್ಲಿ ಒಗ್ಗಟ್ಟು ಮುಖ್ಯ
''ನಾನು ಹಾಗೂ ಚಂದನ್ ಇಬ್ಬರು ಕೂಡ ಕನ್ನಡ ಮ್ಯೂಸಿಕ್ ಇಂಡಸ್ಟ್ರಿಗೆಗಾಗಿ ಕೆಲಸ ಮಾಡುತ್ತಿದ್ದೇವೆ. ಇಬ್ಬರು ಕನ್ನಡ ಮ್ಯೂಸಿಕ್ ಇಂಡಸ್ಟ್ರಿ ಬೆಳೆಸಲು ಕಷ್ಟ ಪಡುತ್ತಿದ್ದೇವೆ. ಕನ್ನಡ ಮ್ಯೂಸಿಕ್ ಇಂಡಸ್ಟ್ರಿಯಲ್ಲಿ ಒಗ್ಗಟ್ಟು ಮುಖ್ಯ. ನಮ್ಮ ನಡುವೆ ಯಾವುದೇ ಜಗಳ ಇಲ್ಲ. ಎರಡು ವಾರದ ಹಿಂದೆಯಷ್ಟೇ ಮೀಟ್ ಆಗಿದ್ವಿ. ಎಲ್ಲ ಗುಡ್ ವೈಬ್ಸ್ ಅಷ್ಟೇ.'' ಎಂದರು ಮಾತು ಮುಂದುವರೆಸಿದರು ಆಲ್ ಓಕೆ.
ಚಂದನ್ ಶೆಟ್ಟಿ ಕಾಲೆಳೆದು, ಟಾಂಗ್ ಕೊಟ್ರಾ ಕನ್ನಡ rapper ಅಲೋಕ್, ರಾಹುಲ್.?
ಇಬ್ಬರು ಒಟ್ಟಿಗೆ ಸೇರಿ ಹಾಡು ಮಾಡುವ ಪ್ಲಾನ್ ಇದೆ
ಆಲ್ ಓಕೆ ಹಾಗೂ ಚಂದನ್ ಶೆಟ್ಟಿ ಇಬ್ಬರು ಸೇರಿ ಒಂದು ಹಾಡು ಮಾಡುವ ಪ್ಲಾನ್ ಇದೆಯಂತೆ. ಆದರೆ, ಅದಿನ್ನು ಮಾತುಕತೆ ಹಂತದಲ್ಲಿ ಇದೆಯಂತೆ. ಇನ್ನು, ಈ ಇಬ್ಬರು ರಾಕ್ ಸ್ಟಾರ್ಸ್ ಒಟ್ಟಿಗೆ ಸೇರಿದರೆ, ಆ ಪ್ರಾಜೆಕ್ಟ್ ದೊಡ್ಡದಾಗಿ ಇರಲಿದೆ. ಕನ್ನಡ ಮ್ಯೂಸಿಕ್ ಇಂಡಸ್ಟ್ರಿಯಲ್ಲಿ ದೊಡ್ಡ ಸದ್ದು ಮಾಡಲಿದೆ. ಹಾಡಿನ ಬಗ್ಗೆ ಕುತೂಹಲ ಕೂಡ ಹೆಚ್ಚಿರುತ್ತದೆ.
'ಭರಾಟೆ' ಹಾಡಿನಲ್ಲಿ ಒಂದಾದ ಸ್ನೇಹಿತರು
'ಭರಾಟೆ' ಸಿನಿಮಾದ ರೋರಿಂಗ್ ಹಾಡು ಇಂದು (ಸಪ್ಟೆಂಬರ್ 25) ಬಿಡುಗಡೆಯಾಗಿದೆ. ಈ ಹಾಡನ್ನು ಚಂದನ್ ಶೆಟ್ಟಿ ಹಾಡಿದ್ದಾರೆ. ಹಾಡಿನ ವಿಡಿಯೋದಲ್ಲಿ ಆಲ್ ಓಕೆ ಕಾಣಿಸಿಕೊಂಡಿದ್ದಾರೆ. 'ಭರಾಟೆ'ಯ ಮೂಲಕ ಇಬ್ಬರು ಸ್ನೇಹಿತರು ಒಂದಾಗಿದ್ದಾರೆ. ಚಿತ್ರದ ಒಂದು ಪಾತ್ರದಲ್ಲಿ ಆಲ್ ಓಕೆ ನಟಿಸಿದ್ದಾರೆ. ಶ್ರೀ ಮುರಳಿ ಜೊತೆಗೆ ಮೊದಲ ಬಾರಿಗೆ ಆಲ್ ಓಕೆ ತೆರೆ ಹಂಚಿಕೊಂಡಿದ್ದಾರೆ.
ಚಂದನ್ ಶೆಟ್ಟಿ ಭಕ್ತರ ಕೆಂಗಣ್ಣಿಗೆ ಗುರಿಯಾಗಿರುವ 'ನಂಗನ್ಸಿದ್ದು' ಹಾಡಿನ ಸಾಹಿತ್ಯದಲ್ಲೇನಿದೆ.?