ಅಮಲಾ ಪೌಲ್ ಮಾಜಿ ಪತಿ ವಿಜಯ್ ಮದುವೆ ಫಿಕ್ಸ್: ಹುಡುಗಿ ಈಕೆನೇ.!

ಡಾಕ್ಟರ್ ಕೈಹಿಡಿಯಲಿರುವ ವಿಜಯ್

ನಿರ್ದೇಶಕ ವಿಜಯ್ ಅವರು ಸಿನಿಮಾ ನಟಿ ಅಥವಾ ಸಿನಿಮಾರಂಗಕ್ಕೆ ಸಂಬಂಧಪಟ್ಟ ಯಾರನ್ನು ಮತ್ತೆ ಮದುವೆ ಆಗುತ್ತಿಲ್ಲ. ಬದಲಾಗಿ ಚೆನ್ನೈ ಮೂಲದ ವೈದ್ಯರೊಬ್ಬರ ಜೊತೆ ಹೊಸ ಜೀವನ ಆರಂಭಿಸಲಿದ್ದಾರೆ. ಚೆನ್ನೈನಲ್ಲಿ ಡಾಕ್ಟರ್ ಆಗಿ ಕೆಲಸ ಮಾಡುತ್ತಿರುವ ಐಶ್ವರ್ಯ ಅವರ ಜೊತೆ ದಾಂಪತ್ಯ ಜೀವನ ಪ್ರಾರಂಭಿಸಲಿದ್ದಾರೆ.

ಮದುವೆ ದಿನಾಂಕ ಯಾವಾಗ?

ಈ ಮದುವೆ ತೀರಾ ಖಾಸಗಿ ಕಾರ್ಯಕ್ರಮವಾಗಿರಲಿದ್ದು, ಕೇವಲ ಆಪ್ತರಿಗೆ ಮಾತ್ರ ಆಹ್ವಾನ ನೀಡಲಾಗಿದೆ. ಸದ್ಯಕ್ಕೆ ನಮಗೆ ಸಿಕ್ಕಿರುವ ಮಾಹಿತಿ ಪ್ರಕಾರ ಜುಲೈ 11 ರಂದು ಇವರಿಬ್ಬರ ಮದುವೆ ಜರುಗಲಿದೆ. ಇದಕ್ಕಾಗಿ ಎರಡು ಕುಟುಂಬದವರು ಎಲ್ಲ ತಯಾರಿ ನಡೆಸುತ್ತಿದ್ದಾರಂತೆ.

ಸಾಯಿ ಪಲ್ಲವಿ ಜೊತೆ ವಿಜಯ್ ನಂಟು.!

ಅಂದ್ಹಾಗೆ, ಅಮಲಾ ಪೌಲ್ ಜೊತೆ ಡಿವೋರ್ಸ್ ಪಡೆದುಕೊಂಡಿದ್ದ ನಿರ್ದೇಶಕ ವಿಜಯ್, ನಟಿ ಸಾಯಿ ಪಲ್ಲವಿ ಜೊತೆ ಲವ್ವಲ್ಲಿ ಇದ್ದಾರೆ ಎಂದು ಹೇಳಲಾಗುತ್ತಿತ್ತು. ಇವರಿಬ್ಬರು ಮದುವೆಯಾಗಲು ನಿರ್ಧರಿಸಿದ್ದಾರೆ ಎಂಬ ಸುದ್ದಿ ಭಾರಿ ಸದ್ದು ಮಾಡಿತ್ತು. ಆದರೆ, ಈ ಸುದ್ದಿಯನ್ನ ಸಾಯಿ ಪಲ್ಲವಿ ನಿರಾಕರಿಸಿದ್ದರು. ಈಗ ವಿಜಯ್ ಕೂಡ ಈ ವದಂತಿಗೆ ಸಂಪೂರ್ಣವಾಗಿ ಬ್ರೇಕ್ ಹಾಕಿದ್ದಾರೆ.

ಕಂಗನಾ ಜೊತೆ ಸಿನಿಮಾ.!

ಸದ್ಯ ಮದುವೆ ತಯಾರಿಯಲ್ಲಿರುವ ನಿರ್ದೇಶಕ ವಿಜಯ್, ಬಾಲಿವುಡ್ ನಲ್ಲಿ ಕಂಗನಾ ರಣಾವತ್ ಜೊತೆ ಸಿನಿಮಾ ಮಾಡಲಿದ್ದಾರೆ. ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಅವರ ಬಯೋಪಿಕ್ ಚಿತ್ರ ನಿರ್ದೇಶನ ಮಾಡ್ತಿದ್ದಾರೆ. ಮತ್ತೊಂದೆಡೆ ಅಮಲಾ ಪೌಲ್ ಅಡೈ ಚಿತ್ರದ ಮೂಲಕ ಸಂಚಲನ ಸೃಷ್ಟಿಸಿದ್ದಾರೆ.