ಕೊನೆಯ ದಿನಗಳಲ್ಲಿ ಅಂಬಿಗಿದ್ದ ಎರಡು ಆಸೆ ಈಡೇರಲೇ ಇಲ್ಲ.!

ಅಂಬಿ ಮಗನ ಸಿನಿಮಾ

ಅಂಬರೀಶ್ ಅವರ ಮಗ ಅಭಿಷೇಕ್ 'ಅಮರ್' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದರು. ಬಹುತೇಕ 'ಅಮರ್' ಸಿನಿಮಾ ಚಿತ್ರೀಕರಣ ಮುಗಿದಿತ್ತು. ಮಗನ ಸಿನಿಮಾ ನೋಡುವ ಆಸೆ ಮತ್ತು ಉದ್ದೇಶ ಎರಡೂ ಅಂಬಿಗಿತ್ತು. ಮಗನನ್ನ ಇಂಡಸ್ಟ್ರಿಗೆ ದೊಡ್ಡದಾಗಿ ಪರಿಚಯ ಮಾಡಬೇಕು ಎಂಬ ಕನಸು ಕೂಡ ಕಂಡಿದ್ದರು. ಆದ್ರೆ, ಅಂಬರೀಶ್ ಅವರ ಈ ಆಸೆ ಕೊನೆಗೂ ಈಡೇರಲೇ ಇಲ್ಲ. 'ಅಮರ್' ಸಿನಿಮಾ ನೋಡದೇ ಅಂಬಿ ಇಹಲೋಕ ತ್ಯಜಿಸಿದ್ದಾರೆ.

ಇದಕ್ಕೆ ಕಾಕತಾಳೀಯ ಅಂತೀರಾ, ವಿಚಿತ್ರ ಅಂತೀರಾ.?

ಜೆಪಿ ನಗರ ಮನೆ ರೆಡಿಯಾಗ್ಬೇಕಿತ್ತು

ಜೆಪಿ ನಗರದಲ್ಲಿರುವ ಅಂಬರೀಶ್ ಅವರ ನಿವಾಸ ನವೀಕರಣದ ಕೆಲಸ ನಡೆಯುತ್ತಿತ್ತು. ಮನೆಯನ್ನ ಹೊಸದಾಗಿ ವಿನ್ಯಾಸಗೊಳಿಸುತ್ತಿದ್ದರು. ಹೀಗಾಗಿ, ಬೆಂಗಳೂರಿನ ಚಾಲುಕ್ಯ ವೃತ್ತದಲ್ಲಿದ್ದ ಅಪಾರ್ಟ್ ಮೆಂಟ್ ನಲ್ಲಿ ಕೆಲವು ದಿನ ವಾಸವಾಗಿದ್ದರು. ಬಟ್, ಕೊನೆಯ ತಮ್ಮ ದಿನಗಳನ್ನ ಕನಸಿನ ಮನೆಯಲ್ಲಿ ಕಳೆಯಲು ಸಾಧ್ಯವಾಗಿಲ್ಲ ಎಂಬ ಕೊರಗು ಅವರನ್ನ ಕಾಡಿತ್ತು.

ಹಿರಿಯಣ್ಣ ಅಂಬಿ ಇನ್ನಿಲ್ಲ: ಕಂಬನಿ ಮಿಡಿದ ಕನ್ನಡ ಚಿತ್ರರಂಗ

ಕಲಾವಿದರ ಸಂಘದ ಕಟ್ಟಡ ನಿರ್ಮಾಣ

ಇನ್ನು ಕಲಾವಿದರಿಗಾಗಿ ಒಂದು ಕಟ್ಟಡ ಬೇಕು ಎನ್ನುವುದು ಡಾ ರಾಜ್ ಕುಮಾರ್, ವಿಷ್ಣುವರ್ಧನ್ ಕಾಲದಿಂದಲೂ ಇದ್ದ ಮಹಾದಾಸೆ. ಇಂತಹ ಆಸೆಯನ್ನ ಅಂಬರೀಶ್ ಅವರ ನೆರವೇರಿಸಿದ್ದರು. ದೊಡ್ಡಣ್ಣ, ರಾಕ್ ಲೈನ್ ವೆಂಕಟೇಶ್ ಅಂತಹ ಕಲಾವಿದರಮ್ನ ಜೊತೆಗೂಡಿಸಿಕೊಂಡು ಕಲಾವಿದರಿಗಾಗಿ ಚಾಮರಾಜಪೇಟೆಯಲ್ಲಿ ಕಲಾವಿದರ ಸಂಘ ಕಟ್ಟಿದರು. ಇದು ಅಂಬಿಗೆ ಬಹಳ ಸಂತೋಷ ನೀಡಿತ್ತು.

ಅಂಬಿ ವಿಧಿವಶ: ವಿಕ್ರಂ ಆಸ್ಪತ್ರೆಯಲ್ಲಿ ಗಣ್ಯರ ದಂಡು

ತಾಯಿಗೆ ತಕ್ಕ ಮಗ

ಅಂಬರೀಶ್ ಅವರ ಇತ್ತೀಚಿನ ದಿನಗಳಲ್ಲಿ ಸಿನಿಮಾದಲ್ಲಿ ನಟಿಸಲು ಸಾಧ್ಯವಾಗುತ್ತಿರಲಿಲ್ಲ. ಹೀಗಿದ್ದರೂ, ಸುದೀಪ್ ಅವರ ಒತ್ತಾಯದ ಮೆರೆಗೆ 'ಅಂಬಿ ನಿಂಗ್ ವಯಸ್ಸಾಯ್ತೋ' ಎಂಬ ಸಿನಿಮಾ ಮಾಡಿದರು. ದುರದೃಷ್ಟವಶಾತ್ ಅದೇ ಅವರ ಕೊನೆಯ ಸಿನಿಮಾ ಆಯ್ತು. ಇನ್ನು ಸುಮಲತಾ ಹಾಗೂ ಅಜಯ್ ರಾವ್ ಅಭಿನಯದ 'ತಾಯಿಗೆ ತಕ್ಕ ಮಗ' ಸಿನಿಮಾವನ್ನ ಅಂಬಿ ಕೊನೆಯದಾಗಿ ನೋಡಿದ್ದರು.