ಯಶ್ ಮೇಲೆ ಅಂಬರೀಶ್ ಅಭಿಮಾನಿಗಳ ಮುನಿಸು: ಕಾರಣವೇನು?

ಸಾಮಾಜಿಕ ಜಾಲತಾಣದ ಬಳಸಿ ಒಂದು ತಿಂಗಳಾಯಿತು

ಆದರೆ ಯಶ್ ಅವರು ಟ್ವಿಟ್ಟರ್ ಅಥವಾ ಫೇಸ್‌ಬುಕ್‌ನಲ್ಲಿ ಕೊನೆಯ ಪೋಸ್ಟ್ ಹಾಕಿ ಒಂದು ತಿಂಗಳಾಯಿತು. ಯಶ್ ಅವರು ಬೇರೆ ಉಳಿದ ನಟರಷ್ಟು ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿಲ್ಲ.

ಏಪ್ರಿಲ್ ತಿಂಗಳ 30 ನೇ ತಾರೀಖು

ಯಶ್ ಅವರು ಏಪ್ರಿಲ್ ತಿಂಗಳ 30 ನೇ ತಾರೀಖಿನಂದು ತಮ್ಮ ಮಗುವಿನ ಚಿತ್ರವನ್ನು ಪೋಸ್ಟ್ ಮಾಡಿದ್ದರು. 'ನಿಮ್ಮ‌ ಪ್ರೀತಿ... ಆಶೀರ್ವಾದ.. ಹಾರೈಕೆ... ಸದಾ ಈ ನನ್ನ ಪುಟ್ಟ ಕಂದನ ಮೇಲಿರಲಿ' ಎಂದು ಕೋರಿದ್ದರು. ಮಗನ ಫೊಟೊವನ್ನು ಅದೇ ಮೊದಲ ಬಾರಿಗೆ ಪ್ರಕಟಿಸಿದ್ದರು ಯಶ್.

ಅಂಬಿ ಕುಟುಂಬಕ್ಕೆ ಬಹು ಆಪ್ತರು ಯಶ್

ಯಶ್ ಅವರು ಅಂಬರೀಶ್ ಅವರ ಕುಟುಂಬಕ್ಕೆ ಬಹು ಆಪ್ತರು ಎಂಬುದರಲ್ಲಿ ಅನುಮಾನವಿಲ್ಲ. ಅಂಬರೀಶ್ ಇಲ್ಲದಾಗಲೂ ಸುಮಲತಾ ಅವರ ಬೆನ್ನಿಗೆ ನಿಂತು ಚುನಾವಣೆಯಲ್ಲಿ ಪ್ರಚಾರ ಮಾಡಿ ಚುನಾವಣೆ ಗೆಲ್ಲಲು ಕಾರಣಕರ್ತರಲ್ಲಿ ಒಬ್ಬರಾಗಿದ್ದರು ಯಶ್. ಯಶ್ ಹಾಗೂ ಅಂಬರೀಶ್ ಕುಟುಂಬದ ಸಂಬಂಧದ ಬಗ್ಗೆ ಅನುಮಾನ ವ್ಯಕ್ತಪಡಿಸುವಂತಿಲ್ಲ.

ರವಿಚಂದ್ರನ್-ಯಶ್ ನಡುವೆ ಒಳ್ಳೆ ಬಾಂಧವ್ಯ

ರವಿಚಂದ್ರನ್ ಹಾಗೂ ಯಶ್ ನಡುವೆಯೂ ಬಹಳ ಉತ್ತಮ ಬಾಂಧವ್ಯವೇ ಇದೆ. ಯಶ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿಲ್ಲವೆಂಬುದು ನಿಜವೇ. ಆದರೆ ಅವರು ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿಲ್ಲ ಹಾಗಿದ್ದ ಮೇಲೆ ಅವರು ಹಟ್ಟುಹಬ್ಬಕ್ಕೆ ಸಾ.ಜಾಲತಾಣದಲ್ಲಿ ವಿಶ್ ಮಾಡಲಿಲ್ಲವೆಂದು ಹೇಳುವುದು ತರವಲ್ಲ ಎನಿಸುತ್ತದೆ.