ರೆಬೆಲ್ ಸ್ಟಾರ್ ಅಂಬರೀಶ್ ಅಭಿಮಾನಿಗಳಿಗೆ ಕಹಿ ಸುದ್ದಿ.!

ಕಹಿ ಸುದ್ದಿ

ರೆಬೆಲ್ ಸ್ಟಾರ್ ಅಭಿಮಾನಿಗಳಿಗೆ ಕಹಿ ಸುದ್ದಿ ಅಂದ್ರೆ ಇದೇ.! ತೆರೆಮೇಲೆ ಅಂಬರೀಶ್ ಅಬ್ಬರವನ್ನ ಕಣ್ತುಂಬಿಕೊಳ್ಳಬೇಕು ಅಂತ ಅಭಿಮಾನಿಗಳು ತುದಿಗಾಲಿನಲ್ಲಿ ನಿಂತು ಕಾಯುತ್ತಿದ್ದರು. ಆದ್ರೀಗ, 'ಅಂಬಿ ನಿಂಗ್ ವಯಸ್ಸಾಯ್ತೋ' ಬಿಡುಗಡೆ ದಿನಾಂಕ ಪೋಸ್ಟ್ ಪೋನ್ ಆಗಿದೆ.

ರಿಲೀಸ್ ಮುಂದಕ್ಕೆ ಹೋಗಿದ್ದು ಯಾಕೆ.?

ಪ್ರವಾಹದಿಂದಾಗಿ ಕೊಡಗು ಜಿಲ್ಲೆ ಸಂಕಷ್ಟದಲ್ಲಿದೆ. ಶಿವಮೊಗ್ಗ, ಮಂಗಳೂರು ಹಾಗೂ ಇತರೆ ಕಡೆಗಳಲ್ಲೂ ಮಳೆ ಅಬ್ಬರ ಮತ್ತು ಪ್ರವಾಹ ಸ್ಥಿತಿ ನಿರ್ಮಾಣ ಆಗಿರುವ ಕಾರಣ 'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರವನ್ನ ಸದ್ಯಕ್ಕೆ ಬಿಡುಗಡೆ ಮಾಡದಿರಲು ಚಿತ್ರತಂಡ ತೀರ್ಮಾನ ಮಾಡಿದೆ.

ನಿರ್ಮಾಪಕ ಜಾಕ್ ಮಂಜು ಏನಂತಾರೆ.?

''ಅಂಬರೀಶ್ ಅವರಿಗೆ ಕರ್ನಾಟಕದ ಮೂಲೆ ಮೂಲೆಯಲ್ಲೂ ಅಭಿಮಾನಿಗಳು ಇದ್ದಾರೆ. ಹೀಗಾಗಿ ಈ ಸಿನಿಮಾ ಬಿಡುಗಡೆ ಆದಾಗ, ಅದನ್ನ ನೋಡಲು ಎಲ್ಲರಿಗೂ ಸಾಧ್ಯ ಆಗಬೇಕು. ಸದ್ಯ ಪ್ರವಾಹ ಪರಿಸ್ಥಿತಿ ಉಂಟಾಗಿರುವ ಕಾರಣ ಚಿತ್ರ ಬಿಡುಗಡೆಯ ಪ್ಲಾನ್ ನ ಮುಂದಕ್ಕೆ ಹಾಕಿದ್ದೀವಿ'' ಅಂತಾರೆ ನಿರ್ಮಾಪಕ ಜಾಕ್ ಮಂಜು.

ಆಡಿಯೋ ರಿಲೀಸ್ ಕೂಡ ಸದ್ಯಕ್ಕಿಲ್ಲ.!

ಇನ್ನೂ ಸಿನಿಮಾದ ಆಡಿಯೋ ರಿಲೀಸ್ ಕೂಡ ಸದ್ಯಕ್ಕೆ ಆಗುವುದು ಅನುಮಾನ. ನೆರೆ ಪರಿಸ್ಥಿತಿ ಸುಧಾರಿಸಿದರೆ, ದಸರಾ ಹಬ್ಬದ ಹೊತ್ತಿಗೆ 'ಅಂಬಿ ನಿಂಗ್ ವಯಸ್ಸಾಯ್ತೋ' ಬಿಡುಗಡೆ ಆಗುವ ಸಾಧ್ಯತೆ ಇದೆ.