ಡಾಕ್ಟರ್ ಮಾತು ಕೇಳದೆ ಸಿನಿಮಾ ನೋಡಲು ಬಂದ ಅಂಬರೀಶ್

'ಯು' ಸರ್ಟಿಫಿಕೇಟ್

ರೆಬೆಲ್ ಸ್ಟಾರ್ ಅಂಬರೀಶ್ ಹೀರೋ ಆಗಿ ಅಭಿನಯಿಸಿರುವ 'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರಕ್ಕೆ ಸೆನ್ಸಾರ್ ಮಂಡಳಿಯಿಂದ 'ಯು' ಸರ್ಟಿಫಿಕೇಟ್ ಸಿಕ್ಕಿದೆ. ಸೆನ್ಸಾರ್ ಆದ್ಮೇಲೆ, ಚಿತ್ರವನ್ನ ಕಣ್ತುಂಬಿಕೊಳ್ಳಲು ಅಂಬರೀಶ್ ಮನಸ್ಸು ಮಾಡಿದರು. ಹೀಗಾಗಿ, ನೇರವಾಗಿ ಕಲಾವಿದರ ಸಂಘಕ್ಕೆ ಬಂದು ಚಿತ್ರವನ್ನ ವೀಕ್ಷಿಸಿದರು.

ತಿಂಗಳ ಕೊನೆಗೆ ಚಿತ್ರ ಬಿಡುಗಡೆ

ಸೆಪ್ಟೆಂಬರ್ 27ಕ್ಕೆ 'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರ ನಿಮ್ಮೆಲ್ಲರ ಮುಂದೆ ಬರಲಿದೆ. ಬಿಡುಗಡೆ ಆಗುವ ಮುನ್ನ ಚಿತ್ರ ಹೇಗೆ ಮೂಡಿಬಂದಿರಬಹುದು ಎಂಬ ಕಾತರ ಅಂಬರೀಶ್ ರವರಲ್ಲಿ ಇತ್ತು. ಹೀಗಾಗಿ, ಅವರು ಚಿತ್ರವನ್ನ ವೀಕ್ಷಿಸಲು ಮುಂದಾದರು.

ನಿರ್ದೇಶಕರ ಬೆನ್ನು ತಟ್ಟಿದ ಅಂಬರೀಶ್

'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರ ನೋಡಿದ್ಮೇಲೆ, ಅಂಬರೀಶ್ ಖುಷಿ ಪಟ್ಟಿದ್ದಾರೆ. ನಿರ್ದೇಶಕ ಗುರುದತ್ ಗಾಣಿಗ ಶ್ರಮಕ್ಕೆ ಭೇಷ್ ಎಂದಿದ್ದಾರೆ. ಉತ್ತಮ ಸಿನಿಮಾ ತಯಾರಾಗಿರುವುದಕ್ಕೆ ಅಂಬರೀಶ್ ಖುಷಿಯಾಗಿ ಮನೆ ಕಡೆಗೆ ತೆರಳಿದರು.

'ಅಂಬಿ ನಿಂಗ್ ವಯಸ್ಸಾಯ್ತೋ' ಚಿತ್ರದ ಕುರಿತು

ತಮಿಳಿನ 'ಪವರ್ ಪಾಂಡಿ' ಚಿತ್ರದ ರೀಮೇಕ್ ಆಗಿರುವ 'ಅಂಬಿ ನಿಂಗ್ ವಯಸ್ಸಾಯ್ತೋ' ಸಿನಿಮಾದಲ್ಲಿ ಅಂಬಿ ಜೊತೆಗೆ ಸುಹಾಸಿನಿ, ಸುದೀಪ್, ಶ್ರುತಿ ಹರಿಹರನ್ ನಟಿಸಿದ್ದಾರೆ. ಗುರುದತ್ ಗಾಣಿಗ ಆಕ್ಷನ್ ಕಟ್ ಹೇಳಿದ್ದಾರೆ.