ದುರ್ಯೋಧನನ ಜೊತೆ ಅವರೊಬ್ಬರದೇ ಕಟೌಟ್: ಅದಕ್ಕೊಂದು ಕಾರಣನೂ ಇದೆ.!

ಚಿತ್ರರಂಗದ ಭೀಷ್ಮನಿಗೆ ಕಟೌಟ್ ಗೌರವ

'ಕುರುಕ್ಷೇತ್ರ ರಿಲೀಸ್ ವೇಳೆ ಚಿತ್ರಮಂದಿರ ಬಳಿ ನಮ್ಮ ಕಟೌಟ್ ಗಳು ಬೇಡ, ಅಂಬರೀಶ್ ಅವರೊಬ್ಬರದ್ದು ಇದ್ದರೆ ಸಾಕು' ಎಂದು ಡಿ ಬಾಸ್ ದರ್ಶನ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದರು. ಅವರೊಬ್ಬರಿದ್ದರೇ ಎಲ್ಲರೂ ಇದ್ದಂತೆ ಎಂದು ನಿರ್ಮಾಪಕರಿಗೆ ತಿಳಿಸಿದರು. ಹಾಗಾಗಿಯೇ ಬಹುತೇಕ ಎಲ್ಲ ಚಿತ್ರಮಂದಿರಗಳ ಬಳಿಯೂ ಭೀಷ್ಮನ ಕಟೌಟ್ ರಾರಾಜಿಸುತ್ತಿದೆ.

ದುರ್ಯೋಧನನ ಹಿಂದೆ ಅಂಬಿ

ಅಂಬರೀಶ್ ಅವರನ್ನ ಪ್ರೀತಿಯಿಂದ ಅಪ್ಪಾಜಿ ಎಂದು ಕರೆಯುವ ದರ್ಶನ್, ತೂಗುದೀಪ್ ಶ್ರೀನಿವಾಸ್ ನಂತರ ಆ ಸ್ಥಾನದಲ್ಲಿ ಅಂಬಿ ಅವರನ್ನ ಕಾಣುತ್ತಾರೆ. ಹೀಗಾಗಿ, ಕುರುಕ್ಷೇತ್ರದ ಚಿತ್ರಮಂದಿರಗಳ ಬಳಿ ಅಂಬರೀಶ್ ಅವರನ್ನ ಮುಂದೆ ನಿಲ್ಲಿಸಿ ಅವರ ಹಿಂದೆ ದರ್ಶನ್ ಕಟೌಟ್ ಹಾಕಲಾಗಿದೆ. ಇದು ಬೆಂಗಳೂರಿನ ಮುಖ್ಯ ಚಿತ್ರಮಂದಿರ ನರ್ತಕಿ ಬಳಿ ಕಂಡ ದೃಶ್ಯ.

ಅಂಬರೀಶ್ ಕೇಳಿದ್ದ ಈ ವಸ್ತುವನ್ನ ಕೊನೆಗೂ ದರ್ಶನ್ ತಂದುಕೊಡಲು ಆಗಲಿಲ್ಲ

ಜೂನಿಯರ್-ಸೀನಿಯರ್

ದುರ್ಯೋಧನ ಬಿಟ್ಟರೇ, ಕರ್ಣ, ಕೃಷ್ಣ, ಅರ್ಜುನ, ಅಭಿಮನ್ಯು, ಭೀಮ ಅಂತಹ ಪಾತ್ರಗಳಲ್ಲಿ ಸ್ಟಾರ್ ನಟರು ಅಭಿನಯಿಸಿದ್ದಾರೆ. ಇವರೆಲ್ಲರ ಕಟೌಟ್ ಹಾಕುವ ಬದಲು ಹಿರಿಯ ಕಲಾವಿದ, ಎಲ್ಲರ ಪ್ರೀತಿಯ ಅಂಬಿ ಅವರದ್ದು ಹಾಕಿ, ವಿಶೇಷ ಗೌರವ ನೀಡಲಾಗಿದೆ. ಕೆಲವು ಕಡೆ ಅಂಬರೀಶ್ ನಿಂತಿರುವ ಕಟೌಟ್ ಹಾಕಿದ್ರೆ, ಇನ್ನು ಕೆಲವು ಕಡೆ ಕೂತಿರುವ ಕಟೌಟ್ ಹಾಕಲಾಗಿದೆ.

ರಾಕ್ ಲೈನ್ ವೆಂಕಟೇಶ್ ಅವರಿಗೆ ದರ್ಶನ್ ಫ್ಯಾನ್ಸ್ ಹಿಂಸೆ ನೀಡುತ್ತಿದ್ದಾರಂತೆ

ಒತ್ತಾಯದಿಂದ ಪಾತ್ರ ಮಾಡಿಸಿದ್ದರು

ಅಂದ್ಹಾಗೆ, ಕುರುಕ್ಷೇತ್ರ ಚಿತ್ರದಲ್ಲಿ ನಟಿಸಲು ಅಂಬರೀಶ್ ಸಿದ್ಧವಿರಲಿಲ್ಲ. ಆರೋಗ್ಯದ ಕಾರಣದಿಂದ ಭೀಷ್ಮನ ಪಾತ್ರ ನಿರ್ವಹಿಸಲು ಅಂಬಿ ಹಿಂದೇಟು ಹಾಕಿದ್ದರು. ಆದ್ರೆ, ಮುನಿರತ್ನ ಹಾಗೂ ದರ್ಶನ್ ಅವರ ಒತ್ತಾಯದಿಂದ ಈ ಪಾತ್ರ ಮಾಡಿದರು. ಆದರೆ, ಈ ಸಿನಿಮಾ ನೋಡದೆ ಅಂಬಿ ಇಹಲೋಕ ತ್ಯಜಿಸುವಂತಾಯಿತು.